(نصيحة للي يبي معهد مو بالقائمة) ابشركم وصل الضمان

السلام عليكم ورحمة الله وبركاته
ابشركم وصل السيد بيه/ الضمان المالي بعد معاناة وانتظار وقلللق <<<<< تدرون ليه قلق؟
لانه المعهد اللي مختاره كان من ضمن اول قائمة وبعد تحديث القوائم انشطب بقدرة قااااادر
طبعا راسلت الملحقية قسم الولايات الشرقية والوسطى وقالوا لي ماعندك مشكلة المعهد مفتوووووووح ولا عليه تكدس وهو من افضل المعاهد وموصى به بشدة
طبعا كبر الموضوع براسي وصممت اني اقدم عليه بس هنا فيه مشكلة انو الوزارة رافضة تصديق انو المعهد مفتوح ومافي مشاكل والسبب انو مو موجود في القوائم الأخيرة وطبعا ارسلهم عشرات الايميلات بانو المعهد مفتوح ومافي مشكلة ويردون بأيميل يتيم انو والله المعهد مو موجود في القائمة دور غيره وعلى هذا الحال حوالي 20 يوم ومافي نتيجة
طبعا الاخت (نهاية حلم) الله يجزاها عننا الف خير ماقصرت مرت عليهم في حي الثغر وطلبتهم الضمان وقالوا مافي مشكلة المعهد مفتوح ومافي مشاكل راح نرسل الضمان اليوم او بكرة وجلسنا ننتظر ومافي امل يوصل
في الاخير ارسلت واحد من الشباب كان رايح الرياض بس شاب يحبه قلبكم انسان فلاااااااوي وحق مطالبات يعني مايخرج من الشغلة الا بعد مايجيبها الله يكتب اجره دخل عليهم في شؤون البعثات ورج على روسهم شوي وجلس يقرقر على راس موظف هناك ويحاول يقنعه بكل الطرق وفي الاخير قاله الموظف انتظر شوي ودخل الموظف على مديره وشرح له الموضوع وجلس حوالي نص ساعة وبعدين خرج الموظف وقاله خلاص تمت الموافقة على المعهد روح انت والضمان راح يوصلكم على الايميل قال خوينا على مين انا ماني خارج الا لمن اتاكد من الايميل وصل وجلس ينتظرهم لغاية ما ارسلوه وبكذا تعرف انو فيه ناس في الوزارة ماهم فاهمين ايش السالفة ويبغالهم مين يفهمهم

فنصيحة للي يبغى معهد في باله وهو معهد كويس ومفتوح وموصى به ومافي مشاكل ومو موجود في القائمة يروح لهم ويشرح لهم ولايخرج الابطلبه

والف شكر لكل من ساعدنا واخص بالشكر الاخت الكريمة نهاية حلم يعلم الله اني دعيت لها باللي في بالها وابشركم انه تحقق اللي كانت تبغاه حسب كلامها الله يسهل لها ان شالله
والله يوفق الجميع

المشكلة أن الواحد يختار معهد بعد "المناحلة" زي ما سوى الرجال الطيب هذا وبعدين لمن تسافر تلاقي الملحقية غير موافقة عليه 0_O
خلوني أقولكم ايش اللى صار معاي انا ارسلت للملحقية بكندا استفسر عن سبب ايقاف معهد BCIT وهو من افضل المعاهد على مستوى كندا فكان الرد منهم انه مو مشكلة تدرس فيه "اذا كان قرار ابتعاثك له" لكن لابد لك تكمل 6 شهور على الاقل في أي معهد اخر متاح.
والله انا بديت أحس ان الموضوع من جد خااااابص ولا في اي تنظيم بين الوزارة والملحقيات كل واحد بدينه ونحن اللى ضايعين في الرجوووول