اقدر اخلي احد غيري يجيب لي الضمان من الرياض ؟

اخوتي الكرام انا في الشمال وولد عمي بالرياض هل اقدر اخليه يجيب لي الضمان...؟؟؟

يستطيع أن يجيب لك الضمان بس عطه معلوماتك من رقم الطلب ورقم الترشيح واسم المعهد ( حضر لك أكثر من معهد لأن أغلب المعاهد القوية متكدسة ) بعد ذلك هم يرسلوا لك الضمان على الأيميل

تقدر اذا سويت له وكاله لان انا اليوم ارسلت واحد من الشباب في الرياض وقالوله لازم وكاله شرعيه واتصلت عليهم وكلمتهم رفضو وبشده وقال الموظف صار تلاعب من الطلاب عشان كذا لازم وكاله

ممكن يكون ذلك

بس أنا راحتلهم يوم الأحد وأشوف بعض الشباب يأخذ له الضمان وكذلك يأخذ لصديقه بس ممكن الأن يطلبوا وكالة

ايه ان شاء الله يقدر
بس انت ارسل له
ملف وورد اكتب فيه كل بياناتك المطلوبه
وحط اكثر من معهد
لو 5 - 6 يكون افضل
عشان مو يقعد يمسك الدور واخر شيء يقولون له متكدس المعهد

وبالتوفيق :)

انا اليوم ارسلت ولد خالي ورفضو قالوا لازم وكالة حاول وحاول وماقدر

انا عملت لصديق ليه تفويض باسمه انه يراجع باسم زوجتي والموضوع مشى عاااااادي طبعا كان بخط ايدي وماكان هناك اي مشكلة

ولا وكالة ولا تفويض اخوي راح جاب الضمان المالي حقي وحق زميلتي ولا طلبوه وكالة ولا حاجة

انا اليوم راح زوج اختي ومارضيو يعطوه شي حاول فيهم لليل ومافي فايده قالو لازم تجي هيا ولا الاقرباء من الدرجه الاولى
اب او اخ اوعم او خال :(

حسبي الله

السلام عليكم ورحمة الله وبركاته
اخوي تقدر انا رحت امس واليوم وكل مرره اروح فيها لشخص لدرجه اليوم رحت للوزارة اطلع ضمان لزوجه احد اصدقائي من خارج الرياض وبكل يسر وسهل. و فيه تعاون من الموظفين بالوزارة لا تشيل هم بس الشخص اللي توصيه خليه يروح ويطلب نموذج من الكونتر لتعبئة المعلومات ويرجعها له بدون مايتكلم على انه هو صاحب الضمان واصلا مايسأل الضمان لك وإلا لغيرك وحتى الاسئله بيقول انت ارسلت من قبل اكيد بتقول نعم ارسلت عن طريق الايميل ولا وصل رد وبالنسبه للمعاهد المتكدسه اممممم ترى مع المحاولات يعطونك ضمان مالي عليها وانت واسلوبك
لتوضيح
واتمنى لكم التوفيق