حوار وظيفة أم بعثة ؟؟؟؟ ياريت تدخلوا !!!

لا يا اخووي محمد تعييني جاي على مرتبة الأخصائيين والحمدلله

وكلامك بيقنعني

أشكرك حبيبي

ما ادري وش قصة الشعب السعودي طموح صفر
في احد تجيه بعثه ويفكر في وظيفه والله ان ما عندك سالفه بغض النظر وظيفة حكومية ولا خاصه
الأبتعاث والله ثم والله هو المستقبل
ليش تحبون ياالشعب السعودي دائما تكونو مرؤسسين ليش ماتفكر يوم من الأيام يكون لك منصب مرموق وراتب احسن راتب
انا بس بعطيكم مثال بسيط
اثنين تخرجو من الثانوية العامه
الأثنين قدمو على الأبتعاث و ايضا شركة ارامكو
و الأثنين انقبلو في الأبتعاث وشركة ارامكو
الأول قرر يدخل ارامكو بثانوية العامه بسسب بعض الأستشارات من الناس غير طموحين وحاطين افكار سوداويه ان ما في وظايف وارامكو فرصه ماتتفوت كم عدد الخرجين الحاملين شهادات من الخارج وغيره من الأفكار التشائوميه
الأخ الثاني والله قال انا رايح ادرس بالخارج يعني رايح والأرزاق بيد الله (ومن يتوكل على الله فهو حسبه )
المهم مرت السنين
واخينا حامل الشهادة الثانويه جالس ينازع عشان زياده او ترقية وغير تعند وتعصب الروؤساء في الدوام وكل ماطلب زياده قالو له ما جاء وقتكم ياثنوي لو عندك باكلوريس كان عطيناك ترقية

لاكن المفاجئه الكبرى ان الشخص الذي قرر الأبتعاث تخرج من الخارج و بفضل من الله قدم على ارامكو ونقبل وسنتين وصار الريس المباشر لخوينا راعي الثانوي ويستلم راتب اكثر من الدبل راتب راعي الثانوية وزيادة سنوية يحلم يحصلها راعي الثانوي

شفت كيف الناس إلي تفكر وتحسبها صح وعندها طموح ماتفكر تحت رجليها خل نظرتك دائما لللأمام ولا يقرك كلام الناس المتشائمه والله ما في وظايف ولا كم شخص رح يتخرج عنده ماجستير ولا دكتوراه وليه متكون منهم وش ألي يمنع
الأرزاق بيده الله
انا والله اقول لو السعودية كلها يطلعون ابتعاث ولا سعودي يبقى في السعودية من رجال ونساء وكلهم يرجعون قبلي وانا رجع بعدهم والله كاتبلي احسن وظيف باخذها قصبن عن إلي يرضى ولي مايرضى
الا كن خل ايمانك بالله قوي والله رح ييسر للك الأمور ونسى كللا ممتشائميين
الأبتعاث فرصه لاتعوض كلها كم سنه لاكن رح تعمل تحول كبير في مستقبلك الوظيفي اضف إلى ذالك التحصيل العلمي الذي سيسهم بحد ذاته لتنمية مهراتك و المكانه الأجتماعية يعني الموسى و العنقري احسن منك كيف وصلو الى هذا المناصب اقراء سيرتهم الذاتيه وتعرف هم لا عندهم ايد ولا رجل ولا مخ زايد عن البشر لا كن الصموح الذي ليس له حدود وتحدي الصعاب للوصول لئفضل المناصب
اتعب سنتين ثلاث ورتاح العمر كلها

اضف إلى ذلك ان شهاتك رح تفتح لك ابواب كثيره اولا انت لست ملزم بالعمل في السعودية ياخي شهادتك من الخارج سلاح يوظفك في اي بلد تحب عند مثلا الأمارات او حتى دول اروبا وغيرها يعني مافي في هل بلد غير هل ولد
مادري لش العالم مرتبطه في السعوديه اشتغل في اي مكان في العالم امش وراى رزقك وين ميكون خذ خبرى من الخارج ثلاث اربع سنوات ورجع السعودية واكبر شركه ترحب فيك

الخلاصة البعثه فرصه مراح تعرف قيمتها ألابعد مرور السنيين وسلاح للمستقبل ما توظفت اليوم تتوظف بكره
والله عندما نتحدث مع اليبانيين و الأستراليين وغيرهم من الجنسيات اننا نحن السعوديين نحصل على بعثات كامل التكاليف يبكون
لأنهم يدفعون الاف الدولارات بس يحصل على شهاده عليا في تخصصه
وحنا ولله بطرانين بعثه مجانا وجالسين نشاور
اي وظيفه تتكلم عناها اطلع بعثه وتخرج وراح تدعيلي خل اصحاب الأفكار التشائومية على جنب تفائلو بلخير تجدوه ( ومن يتوكل على الله فهو حسبه )

اخوك مبتعث

رضى والدينك + الوظيفه =
والله يوووفقك