طريقتي بتاجيل الدراسه صح ولاغلط وهل تعاقبني الوزاره

وش الي يحدك على التأجيل يا اختي انتي ما التحقتي في الابتعاث الا عشان تخلصي بأسرع فرصة والان تأجيل طيب سامحني هل فيه سبب مقنع ؟ انا والله لو قالوا مرررررفوض اول رحلة على كندا وش اسوي غصبن عني ....

اذا انتي تبغي تأجيل وما عندك ظرف مقنع جدا جدا جدا ففي حل واحد في السعودية !!!!!!!!!!!! فيتاامين واو (واسطة)

انا ارسلت للوزاره اني ابغى اسافر على اغسطس ردو وقالوا قدميها لشهر 5 او 6 ميلادي


يعني على بدايه الصيف واعتقد بتكون مناسبه لك


طبعا ارسلو لي ايميل بهالكلام فلو صار ماصار طبعته ووريته لهم لان هم وافقوا لي


دعوااتك

اي في سبب مقنع وهو انو زوجي عنده اختبارات اول شهر 7 هجري واخاف ان رحنا هناك مايعطونه اجازه وتروح عليه دراسته

سبب مقنع!
على الأقل من وجهة نظري الشخصية!!
لأن وضعي مشابه تقريبا!!! ههههههههههههه
الله يعينا وياكم!
أنا عندي أختبارات نهاية بنهاية شهر ستة ميلادي والأهم من ذلك أنه الفصل النهائي لي بالجامعة (فصل التخرج إن شاء الله) من بكالوريس اللغة الإنجليزية!!
والمشكة النتائج بشهر سبعة ميلادي تقريبا أو ثمانية!!! والشهادات تحتاج شهرين بعد ذلك تقريبا لأنها تصدر من المملكة والكويت والمملكة المتحدة ( الجامعة البريطانية المفتوحة!)!!!!
هذا غير إرتباطي بعقد عمل ينتهي: Aug, 1st 2011
God will help us, as we hope

اختي الكريمة ..

انا باتكلم عن تجربتي ..

انا كنت مثلك بالضبط ابي تاجيل طلبت من المعهد قبول وقت متاخر جدا يعني بعد ب 9 شهور تقريبا وجاني قبول بالشهر اللي اخترته وقبل السفر بثلاث شهور طلعت فيزا


* ملاحظة 1- انا رحت للوزارة وقلت لهم ان قبول متاخر قالوا عادي بس لا يطوف اكثر من سنة
2- انا اتكلم عن تجربتي
وصديقني يا اختي الوضع عااادي اذا قالو شي قولي هذا القبول معي ويبدا بتاريخ كذا وانا الحمد لله في امريكا لا عقبت الوزارة وراي ولا شي

3 - الافضل سؤال الوزارة لان ممكن كل مرحلة تختلف شوي !!

بالنسبة لي أنا حددت دراستي ببدايه شهر 7 هجري ووصلني الضمان المالي ووصلني الايتوني وطلعت الفيزا باقي أخذ قرار الابتعاث لكن هذا بأجله شوي عشان مدته 3 اشهر ... والله ماذكرت احد وبعدين بالمنطق ياعالم وبالعقل لو انهم يبغونا نبدأ الدراسه بشهر 3 كانوا قالوا لنا بلغونا برسايل*او حددوا موعد الدراسه من ضمن شروط الابتعاث او حطوا اعلان بموقعهم ... يعني ولا حاجه من هذي صارت ويطلع الحربي ويتعود ويخووف وكيني وميني ... والعالم اللي حددوا مواعيدهم بعد شهر 3 وطلعوا الفيزا وخلصوا أمورهم ونا منهم يبلطوا البحر ... عالعموم كلام من الحربي*او غيره ولاتعتبري له اعتبار بسبب انه مافيه اي خبر او اعلان او شرط موجود على موقع الوزاره يفيد بأنه يجب على جميع الطلاب بدء. دراستهم قبل نهايه شهر 3 ميلادي

مساء الخير طيب انا لسا ماجبت قبول المعهد ولا بعد بديت لان عندي مشكلة في دوامي والبعثة لزوجتي يعني لو اجيب قبول في المعهد في شهر 7 او 8 هجري عادي؟؟؟

مدري استانس ولا اخاف البعض يقول عاااادي والبعض يخررررع



الحل ابي استخيييييييييييييييييييير





الله يوفقكم ويسر لكم اموركم

اختي (ساكون شيئا مهما ) لا تشغلين نفسك الامور بسيطة

يا اخوان ويا اخوات الامور بسيطة وسهلة وبعدين مافي شي اسمه يلغون بعثتك اذا جبت قبول مثلا شهر 7 او 8 او اي شهر هجري بس ماتتاخر اكثر من سنه لان المرحلة اللي قبلنا اعطوهم الى 15 -10 -1432

انا اعرف واحد منهم الى الان مابعد سافر موجود بالسعودية ويقول لي في مبتعثين راحوا للوزاة واعطوهم وقت بعد 15-10 ،،


الطريقة نشوف لنا معهد وناخذ منه قبول على شهر متاخر يناسب ونقدمه للوزارة وكذا يكون الوضع اوكي% ومافيه مشاكل ......


وارجو من بعض المبتعثين والمبتعثات لا يصرح من عنده ويخوف الناس بان الوزارة يلغون بعثته واللي يقول هلالكلام يكون متاكد واذا يعرف شخص الغوا بعثته يقول اعرف مبتعث او مبتعثة شخصيا صار معه كذا وكذا

انا مع كلام الاخ علوش الغامدي .......

والله يوفق الجميع لكل خير ويبعد عنكم كل شر ،ويكتب انا اللي فيه خير يارب ,,,,,,,,,,,،

الله يعين ونشوف رد كامل