ما شاء الله تبارك الرحمن مبروووك لك اصدار الفيزة اختي ندى
والفال لي يارب ..
بغيت أسالك لعلك تنوريني لو تعرفي ؟؟
أنا حاليــا ً جالس انتظر الاي توني ؟؟
وإن شاء الله تمشي أمروي يارب ..
وسبق قريت موضوعك الأول عن الفيزه والتسجيل والاي توني ؟؟
وعندي معلومة فيه شوية ضبابية ؟؟
بغيت تنوريني إذا سمحتي
أنا طالع دارس, بدون مرافق طبعـا ً, وش الابلكيشن اللي اعبيـــه ؟؟
هو ابلكيشن واحد DS-160 وطويل جدا يمكن علشان كذا تحسبه اكثر من واحد
اذا بديت بتعبئته بتفهم اكثر وانصحك اللحين تدخل وتعبي الصفحة الأولى منه بس
اتبع الخطوات الموجودة بهذا الموضوع وكل امورك بتمشي بسهولة باذن الله
http://www.mbt3th.us/vb/forum16/thread157658.html
انا اشوف فيه أكثر من واحد ؟؟
هل المطلوب كلهم ؟؟ سؤال على قدي تحمليني .. الله يعافيك
وهل الشغلة تسلسلية يعني ف الترتيب ؟؟ ( السيفس + الاي توني + تعبية الابلكيشن يتع الفيزة)
وإلا فيه حل
انت تنتظر الآن الآي توني اذا وصلك بيكون مكتوب فيه رقم السيفس يعني الآي توني والسيفس مرتبطين ببعض
بالنسبة للسفارة الامريكية فيه ثلاث مواقع لازم تدخل عليها وتعبي فيها البيانات
1- الموقع اللي فيه الأبلكيشن DS-160
https://ceac.state.gov/genniv 2- الموقع اللي تسدد فيه رسوم السيفس تعبي فيه بياناتك الرئيسية ورقم السيفس اللي يكون مكتوب بالآي توني ثم ينقلك الموقع لصفحة السداد تسدد وتطبع الوصل
http://www.fmjfee.com/ 3- موقع تحديد الموعد في السفارة الامريكية تكتب فيه بياناتك الاساسية وتسدد 45 ريال وتكتب ايضا رقم ID الابلكيشن اللي في الموقع الأول
https://ksa.us-visaservices.com/Forms/default.aspx
الأبلكيشن تبع السفارة في الموقع الأول تقدر تعبية بدون الآي توني والسيفس
واذا جتك خانة تطلب رقم السيفس تكتب فيها N0000000000 حرف N وبجنبه عشرة أصفار
وتكمل الابلكيشن لحد ما يطلب منك رفع الصور ارفع الصور وسو له تثبيت وخلاص كذا بيطلع لك رقم ID تاخذ هذا الرقم وتحفظه عندك
مهم جدا وبتطلع صورتك وبياناتك مثل شكل الفيزا بالضبط تطبعها وتاخذها معاك للسفارة
بعدين با طويل العمر تروح للموقع الثالث وتسدد رسوم حجز الموعد 45 ريال وتعبي بياناتك و ID وتشوف المواعيد المتاحة وتختار الموعد والمكان الرياض او جدة او الخبر
بعدين بتطلع صفحة تأكد فيها الموعد اذا اكدته اطبعه وفيه اوراق يطلبون منك إحضارها معك وتدفع رسوم التأشيرة الدراسية اللي هي 532 ريال
عن طريق بنك سامبا تروح لهم وتقول ابغى ادفع رسوم التأشيرة اذا دفعتها بيعطونك ايصال صوره واحتفظ بالنسخة لك علشان التعويض من الملحقية والسفارة بياخذون الاصل واساسا ما تدخل من بوابة السفارة الا بهذا الايصال
اذا رحت للموعد بدون ما تدخل للموقع الثاني وتسدد رسوم السيفس لان ما عندك آي توني ما عندهم مشكلة بيسوون معك مقابلة وبعدين بيعطونك ورقة صفراء فيها النواقص يقولون ارسلها على الفيدكس
اول ما يوصلك الآي توني رح وسدد السيفس من الموقع رقم 2 واطبع الوصل ورح لفيدكس وارسل اوراقك الناقصة
يومين باذن الله والفيزا عندك
وهل شهادة الثانوي مطلوبة للدراسات العليا أو لا ؟؟
السفارة ما طلبوها لكن بعض الجامعات تطلبها هناك حتى لو كنت تبغى ماستر او دكتوراه الاسلم انك تبحث عنها وتروح تترجمها
ف السفارة أو غيرها ؟؟
لأني ما ترجمتها ولا دورتها ؟؟
ممكن إخذ من وقتك غذا سمحتي وتنوريني إذا عندك جواب ..
مع كل الشكر والتقدير ))