اسم زوجي الان طلع من المرشحين للوظائف التعليميه

خلية يتوظف وبعد سنة يطلب اجازة مرافق ..

اب برفع لك الموضوع ياحبيلك

يباشر الان ويطلب بعدها اجازة استثنائية للمرافقه وخلي قبولك على شهر اغسطس عشان يمديه ينهي اجراءاته ويكون معه متسع من الوقت ويخلي اجازته تبدأ من العام القادم عشان يستفيد من راتب الاجازة الصيفية ويسافر من الصيف

الف مبرووك خلاص استقروا ببيتكم وحياتكم الحمدالله وين المشكلة ياحرمه

شوفي هنا الطريقة
http://www.mbt3th.us/vb/forum129/thread292526.html

الله يبارك لكم ويوفقكم

هي تبي حل الله يوفقك يا اختي ويرزقك من واسع فضله

ألف مبروك والله يسهل لكم ويرزقكم الافضل

اختي العزيزه
وضعك ان شاء الله في السليم
زوجك بعد ما يباشر واهم شي يباشر في عمله
وبعد ما تخلصون اجراءات وزاره التعليم العالي وتصدرون قرار الابتعاث
على طول يطلع لاداره التعليم اللي انتو تابعين لها ويطلع اجازه استثنائية
ويقدم معه ورقه المرافقه للمبتعثه ويطلع اجازه ويصكها في عيونهم على طول
لان هذا امر ملكي من خادم الحرمين الشريفين ابو متعب الله يطول عمره
من اللي يجي ويسوي فيها فلسفه بس الكلام على اجراءات ادارة التعليم
كل اداره تتاخر يعني لازم يراجعها يوميا عشان يطلعها على طول
انا في ادارة الرياض قالو لي اول ما يصدر قرار الابتعاث تعال ونعطيك اجازه على طول
وما راح تتاخر ان شاء الله
لا تخافين ووكلي امرك لله وان شاء الله الامور كلها راح تزبط

الله يوفق الجميع

الله يبارك فيكم و مشكوووورين اخواني وخواتي على ردودكم الله يعطيكم الف الف عافيه واختي عناقيد التوت انا ما اقول في مشكله اقول ايش العمل يعني اذا ممكن انه يروح مرافق ما اسال يعني وخلص اجلس في البيت ؟؟؟؟؟؟؟؟؟ انا قاعده اسال ان اللي يعرف يقلي متى ممكن يقدم على اجازة على طول ولا بعد فتره عرفتي ... وابشركم سالت اليوم بالملتقى وقالو عادي جدا زي كلام اخوي مجروح ويكابر قالو عادي يداوم وبس تخلصي كل الاجراءات يقدم ورقه المرافقه وعاااادي جدا ياخذها .... مشكورين اخواني و مشكووووووور اخوي مجروح ويكابر وجعل الجروح بعيده كل البعد عنك .....