لماذا يا وزارة التعليم العالي لا تضعون حالة استثنائية للمرافقين لمحارمهم ..
لماذا يا وزارة التعليم العالي لا تضعون حالة استثنائية للمرافقين لمحارمهم ..
تنبيه: هذا الموضوع قديم. تم طرحه قبل 4512 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - شكرا على تحطيمك المحترم .. الله يعين على ما أنا عليه .. تحياتي لك
-
7 " - يكون بعلمك زوجتك راح تستلم لما مجموعة 12 الف ريال سعودي وانت مارايح يكون لك نفس المكافئة انت راح يزيدون لك نسبة بسيطه ويحطونة مع مكافئت زوجتك7 "
- صح كندا اغلى لكن ترى مكافأتهم اكثر من امريكا اكيد و بريطانيا اعتقد7 "
و حسب ما بحثت عن كندا انو المكافأة تكفى و ممكن تزيد لكن مو بالشكل المبالغ بالذات للعائله
اما المرفق صراحه ظلم كبير للمبتعثه لانه لازم يكون معها مرافق و المرافق حرام يضيع شغله
و مو كل واحد يقدر يترك شئ مضمون مثل عمله و سنوات الخدمه و الترقيه و يسافر للمجهول
و المبتعثه على الاقل راح تدرس و راح يصرف لها و تلاقى دعم و هو هدفها الدراسه
لكن المرافق مجرد مرافق و اذا يبغى يدرس هو الافضل لانه بيرجع بشهاده ممكن تعوض اللى راح يخسره
لكن غيره ما عندهم اى مميزات للموافقه على الاغتراب - يا هلا بك أخوي .. حالتك هذي نفس ما ذكر لي أحد أصدقائي بقصة مدرس تربية خاصة زوجته جتها قبول بالبعثة .. وله خمس سنوات وهو يحاول ينقل للرياض ولكن رقمه بعيد بحكم شح المدارس اللي فيها أماكن يدرس فيها التربية الخاصة .. بعد ما بدى يخلص أوراق المرافق قالوا له تراك إذا رجعت ما راح نحطك في نفس المدرسة راح ننقلك بمدرسة ثانية بأي منطقة من مدن المملكة وكان وقتها يدرس شمال المملكة .. يوم شاف الوضع تأزم بهذا الشكل كنسل البعثة .. إنت يمكن وضعك في العسكرية غير خصوصا الأفراد والغبنة الزود الجامعيين اللي متعينين برتب وكيل رقيب أو رقيب .. وتلقى الدنيا مصكرة بوجهه وجته فرصة مثلا ابتعاث عن طريق زوجته .. فاللي زيك ما ينلام .. بس أنا وضعي به حسوفه لو تركت مجال عملي وراح أكون متضرر .. حتى لو فكرت إني أدخل معهد وأكمل ولا ودي أحط لنفسي الفشل بس لما تشوف جهة عملك والخدمة المدنية بكبرها مصكر الأبواب بوجهك خلاص نفسية ما راح تكون مقبلة للدراسه .. إلا إذا كان الواحد بايعها وأنا حقيقة مو من هالنوع .. والله يا شباب الواحد ما يصدق خبر يمسك وظيفته ,, وأستغرب من ناس يقدمون استقالاتهم ويسافرون وكأن الوظيفة بانتظارهم لما يرجع .. وأنا متأكد إن ما في أحد ترك وظيفته إلا عارف إن مستقبلها ليس بمستوى طموحاته أبدا .. الله يوفقك وتعطي العسكريه (بوز) يحبه قلبك .
- ما عندي مشكلة لو الراتب يوقفونه أهم شي الخدمة ما تتوقف .. ما دام إنهم حريصين على كل ريال يطلع خلاص الراتب ما أبيه بس الخدمة لا لا لا وألف لا
-
يعطيك العافية أخوي على مداخلتك .. بس ما فهمت قصدك ؟ يعني حاجة حلوه بالنسبة إلي أم لا ؟ أنا أدري إن مكافئتي بتكون أقل منها وعلى حد علمي با 1500 دولار يا 1900 دولار - وضعك نفس وضع زوجي و وضع زوجتك نفسسسسسس وضعي ماابي اكون انانيه واخسرة عمله بنفس الوقت حلمي وطموحييييييييي اني اكمل دراسات عليا و هو لحد الان محتار وانا ماشيه بالاوراق وبقدم تاجيل و ان شاء الله تفرج علي و عليك و على كل محتااااااار يارب.7 "
- بجد الله يعينك البعث فاتحة خير على الكثير ولكن ايضا الكثير متضرر برأي ان زوجتك تذهب مع اخوها لين ربي ييسرلك الترقيه وتترقى وتشوف بعدين وضعك على الاقل لذاك الوقت يمكن خلصت المعهد وبدت في دراسة الماجستير ولين هناك الوقت يحلها الف حلال اما انك تربك نفسك مع الدوام والعمل والحلول موجوده هذا اكبر خطأ شفت يازين العزوبيه بس7 "
الله يعطيك العافية على مداخلتك الطيبة .. أنا زي ما تفضلت لك استحقاقي للترقية في 5/7/1433 هـ ونظام الخدمة المدنية أن هناك محضرين في السنة ترفع لهم وهو بتاريخ 30/2 وتاريخ 30/8 .. وعلى وضعي الحالي إذا هم شادين حيلهم يمكن يرفعون أوراقي في محضر 30/8/1433 هـ وإذا لم يرفع في هذا المحضر بحكم الأفضلية والنقاط ما راح يرفعون أوراقي جهة عملي إلا في 30/2/1434 هـ وعقبها أنتظر كم شهر لين ما يرسلون الأسماء الخدمة المدنية لجهة عملي يعني يمكن سنة وأتحصل على الترقية .. أتمنى إن الصورة اتضحت لك وهل وضعي صعب دامني شرحت لك بالتفصيل ؟ علماً أنه تم إرسال ايميل زوجتي باختيار المدينة والمعهد قبل أسبوعين تقريبا وبالنسبة للتوفير فوالله أحزنتني بكلامك لأني أصلا مستغرب من اختلاف المكافأت في كل دولة .. حد ما سمعت إن مكافأة المبتعث بكندا 2700 دولار والمرافق 1500 أو 1900 دولار .. أما مبتعثين أمريكا فالمبتعث 1900 دولار وأما المرافق 900 دولار !!!!!!!!؟ فرق شاسع جدا .. يعني الواحد إذا يبي يوفر لازم يعيش عيشة أبو هنود والله مصيبة هذا إذا قدرت توفر مبلغ محترم .