عرض للطباعة
السلام عليكم ورحمة الله وبركاته ..
ساعدوني بارك الله فيكم .. كيف احصل على ضمان مالي للمرافق ؟؟
المكتب قال لي لازم شهاده بنكيه الوزاره ماتعطيه .. طيب كم لازم يكون المبلغ ؟؟ وتنفع من حساب ابوي ؟؟
وهل تكون مثل كشف الحساب ؟؟ او البنك يعرف ايش المطلوب ؟؟ وتكون موجهه لمعهد معين او تكون لمن يهمه الامر ؟؟ ويحجزون المبلغ او لا ؟؟
واذا رحنا هناك كيف اطلب له ضمان قبل الدراسه ؟؟
ساااااااااااعدوني بااااااارك الله فيكم وجزاكم ربي كل خير .. والله محتاره ماادري ايش اسوي
اهلين اختي .....
انا زوجي اخذ ضمان مالي من ابوه والضمان كان موجهه لاسم المعهد بالضبط
طبعا المبلغ يختلف من معهد لمعهد حسب الكلام اللي قالوه اليوم تقدري تدخلين على موقع المعهد وتشوفي
ومن ناحية انهم يحجزون المبلغ لا مافي حجز للمبلغ
وبمجرد ماتروحي هناك رح يعطونك ضمان مالي جديد لك ولمحرمك يصير يدرس على حساب الدولة
والله يوفقك
حياك الله
بالنسبة الضمان المالي للمرافق بسيط ان شالله ومافي خوف .
بالنسبة للمبلغ يكون من 60 الف الى 80 الف ريال وانا قلت لكي المبلغ هذا عشان لاقدر الله مايرجعونالمرافق وتبداي بالحوسة من اول وجديد .
وعادي يقدر يروح الوالد يطلع للمرافق ضمان مالي من حساب الاب او الاخ او اي احد يكون قريب .
وتكون الشهادة البنكية باللغة الانجليزية لازم ونقطة مهمه جداً لازم يكون اسم اخوكي في الضمان زي الاسم بالجواز حق السفر يعني تصوري جواز السفر وتعطيه للبنك وقولي للبنك لازم نفس الاسم اللي بالجواز .
وهذا كل شئ .
والضمان اللي مع المرافق يكون مؤقت لمن تروحي للدولة حقت الدراسة وتروحي للملحقية ويبدلوا الضمان حق المرافق بالضمان حق الوزارة .
وبالتوفيق للجميع
اااااااااااااااااالله يجزاكم خير فرجتو همي ربي يفرج همكم يارب ..
طيب سؤال بارك الله فيكم .. فيه صيغه معينه للشهاده البنكيه والا البنك يكون عارفها ؟؟ ولازم اسم المعهد ؟؟
^ ^ ^
بالضبط نفس ماقالوا
المرافق لازم شهاده بنكيه عشان يقدر يجيب قبول , وبمجرد مايوصل أمريكا تعطيه الملحقية ضمان جديد
عشان تصير تكاليف دراسته على حساب الدولة
طيب سؤال بليز
ألحين إذا بطلع شهاده بنكية لمرافقي ( أخوي ) لازم من حساب الوالد أو عادي من حساب الأقارب خال مثلا ؟
< لأني ناوية أخلي خالي هو اللي يطلع لأخوي ضمان مالي يصير وإلا لأ !!
نفس الاستفسار
الله يريح بالك
حياكم الله
الضمان المالي من الاقارب ماعندك مشكلة بس يكتب صلة القرابة اهم شئ يعني من خاله من عمه الخ....
بالنسبة للصيغة البنك يكون عارفها بس قولو له شهادة بنكية باللغة الانجليزية وهو يسوي الباقي اهم مافي الموضوع لازم ترفقو الجوزات وتقولوا للموظف نفس يكتب نفس الاسم اللي بالجواز وسلامتكم .
وبالتوفيق
ماقصروا الاخوان ..
الضمان المالي . ( وبالاصح اسمه شهاده بنكيه ) وهي ان البنك يشهد ان هذا العميل عنده مبلغ (00000$ ) في حسابه .. والبنك يعرف الصيغه بالضبط ..
الشهاده تكون موجهه لأسم المعهد .. والافضل انك تخلينها موجهه لجامعات امريكا بشكل عام ( انا مرافق وشهادتي طلعتها موجهه إلى جامعات امريكا ) ,, هذي الشهاده فقط عشان تطلع له الفيزا واول ما توصلونواشنطن وتروحون للملحقية .. يطلب ضمان مالي من الملحقية عشان تكون الدراسه على حساب الدوله ..
ومثل ما ذكر اخوي .. اهم نقطة ان اسم اخوك يكون مطابق تماما للجواز .. بالنقاط والحروف ..
ولاهو شرط ان يكون ابوك او خالك .. اهم شي تكون من البنك واسم اخوك فيها .. وكل البنوك عارفين صيغتها مجرد طلبها بس يدخلون اسم اخوك مثل الجواز ويطبعونها
لا تشيلين هم وان شاء الله الامور تساهيل وسهله ..
بالتوفيق للجميع