الى كل المبتعين في الرياض وجده والدمام ( هام للضروره )

السلام عليكم اخواني اوخواتي المبتعثين

مبروك البعثه والله يوفقنا جميعا

راح اتكلم بالتفصيل عن بعض الامور اللي صارت لي عشان افيد الجميع

انا جاني قبول لكـندا الحمدالله وراح اقولكم اللي حصل

جاني القبول وحضرت الملتفى في الرياض لمدة ثلاثة ايام

بعد ماحضرت الى الملتقى استفسرت من كل شي ومن ظمن الاستفسارات

طلبت الضمان المالي قالوا خلاص عطينا الايميل وراح نرسله لك على الايميل

والحمدالله خلال يومين وصل الضمان المالي على الايميل

وهذه اول خطوه وصلت

بعدها رحت لمكتب اسمه تجسير لاخذ قبول احد المعاهد اللي اخترتها

اخترت معهد في مدينة ترنتو وقال تدفع 200 دولار = 750 ريال سعودي للمعهد

ومبلغ 200 ريال اتعاب المكتب عشان يجيب لي قبول

سويت هذا كله والحمدالله ثلاثة ايام والقبول وصلني على الايميل بالتوقيع والختم

الحين الطامه الكبرى اللي حاصله

بعد ما اخذت الضمان المالي وقبولي في المعهد راح زوجي الى وزارة التعليم العالي بالرياض

عشان اطلب منهم قرار الابتعاث قالوا لي اول شي طلع الفيزا بعدين قرار الابتعاث

قلت طيب ايش الملطوب للفيزا ..؟ اخذ مني صور الجوازات والضمان المالي والقبول

وقالي دقايق وبعد الانتظار رجع وقال خلاص اسمائكم موجودهـ في السفاره الكنديه روح لهم

طلعت للسفاره الكنديه في الرياض بحي السفارات لقيت السفاره ممنوع منعا باتاً الدخول للمبتعثين

او المراجعين نهائيا وقالوا اي شي تحتاجه ادخل على الرابط حق السفاره وخذ كل شي منه ومن ناحية الاوراق

ترسلها عن طريق دي اتش ال + ارامكس

طلبنا منهم لو استفسار بسيط رفضوا رفض تام حتى السفاره تحسون انها فاضيه مافيها احد

لكن الغريب من وزارة التعليم العالي الهمجيه اللي عايشين فيها اذا انتم مو عارفين السفاره كيف

طريقتها ليش ترسلون الطلاب تراجع السفاره لان مسؤل السفاره قالي مافيه اي مراجع يقدر يدخل السفاره

والواضح ان السفاره تبي تجبر الطلاب التعامل مع مكاتب لضمن حقوقها عموما مالكم في الطويله

الاوراق الملطوبه لاستخراج الفيزا

قبول المعهد من احد المعاهد في كندا

الضمان المالي

صور 4 * 6 بدون شماغ للرجال ولنا حنا يالبنات مكشوف الوجه والشعر

اخر شهاده اكاديميه

صور الجواز القديم والجديد

اخر 10 سفرات سافرتها

صور من بطاقة الاحوال للرجال او صوره من دفتر العائله للبنات

العنوان بالكامل = الحي + صندوق البريد

التليفون ثابت المنزل + الجوال + الايميل

تاريخ ميلاد الوالد و الوالدهـ

اسم والوالده رباعي كامل

تسديد رسوم التأشيره شيك من البنك الاهلي او ساب بمبلغ 125 دولار كندي = 477 ريال سعودي للمبتعث

ولكل مرافق 75 دولار كندي = 290 ريال سعودي

كشف حساب لمدة ثلاث شهور

طبعا هذا كله للمبتعث ... اما المرافق مثل زوجي

القبول في حال طلب الدراسه

صوره من الجواز

اخر شهاده اكاديميه

خطاب تعريف العمل

----------------------------------------------------


هذا اللي صار بالتفصيل والله يعيين على باقي الطلبات اذا فيه بعد

باقي بس يسالون كم مقاس الجنز اللي لابسه

حبيت اذكر كل شي وافيد اخواني واخواتي اللي خارج الرياض بالذات

واي جديد واي استفسار انا حاضره قبل لا احد يسافر الرياض يسال عشان يجي واوراقه كامله