استفسار عن الضمان المالي صراحة ماني لاقية احد يفيدني
السلام عليكم
ياجماعة انا جبت قبول بشهادة بنكية خاصة ووصلني الايتوني..طبعا وراسلت الوزارة ورسلولي الضمان واعتمدولي المعهد..
اليوم لما سالت الموظفة قلتلها خلاص اطلع الفيزا قالتلي ممم يمكن المفروض ترسلي للمعهد ضمان الوزارة ..ومعهدي مايقبل الا الاصل من الضمان مايقبل بالايميل لاااازم النسخة الاصلية..
وصراحة كانت غير واثقة من اجابتها وغير الزحمة وانشغالها بكثير طالبات..
سؤالي هنا للي عنده خبرة في الموضوع او يعرف احد او اي احد من الطلاب يقدر يسال احد من الدكاترة والمسؤولين في قسم الرجال لانهم بصراحة يعطو اجابة شافية..المشكلة ممنوع دخول المرافقين..
سؤالي هل اقدر اطلع فيزا على الايتوني اللي بشهادتي البنكية ولا لازم اغير الضمان من هنا؟
مع العلم اني سمعت كتير من المراحل السابقة بدلو الضمان لما وصلو الملحقية في امريكا ..وهو اساسا الضمان الاصلي..
ياااااريييت تفيدوووني لانه من جد ما ابغى القبول يضيع عليا واغير المعهد كله عشان موضوع زي كدة!
شكرا مقدما
رد: استفسار عن الضمان المالي صراحة ماني لاقية احد يفيدني
حبيبتي طلي الفيزا بضمانك الشخصي
ما فرقت في الفيزا ضمان مييين
رد: استفسار عن الضمان المالي صراحة ماني لاقية احد يفيدني
اقتباس:
المشاركة الأصلية كتبت بواسطة rawaa felemban
حبيبتي طلي الفيزا بضمانك الشخصي
ما فرقت في الفيزا ضمان مييين
الموظفة قالتلي المشكلة في قرار الابتعاث لما يشوفو السبونسر ماهو الوزارة !! بالله كلام مقنع! خلاص المفروض اهم شي يكون معتمد وغير متكدس واعتمد من الوزارة خلاص دخلوه في السيستم في ملفي..
رد: استفسار عن الضمان المالي صراحة ماني لاقية احد يفيدني
أختي الضمان عام وليس مخصص لاي معهد وتقدري تقولي للمعهد الكلام هذا ..
رد: استفسار عن الضمان المالي صراحة ماني لاقية احد يفيدني
اخصريها كلامها غلط
والدليل المرافقين لازم يجيبو قبول بنفسهم وضمان من عندهم بعدين ينضمو للبعثه
رد: استفسار عن الضمان المالي صراحة ماني لاقية احد يفيدني
حتى انا سالتها اذا قدمت علي معهد بشهاده بنكيه وانقبلت ويوم مايجيني ضمان الوزاره اقوم اغيره
قالتلي ماينفع لازم تلتزمي بالمعهد الي نزل عليه الضمان
كيف والضمان نفسه مو مكتوب اي معلومات عن المعهد .. انا برضو ما اقتنعت
بس اتوقع يكون محددين المعهد عندهم بس في الضمان مو محدد ،، ولازم نسالهم
يعني يكون اسمك ضمن المعهد الفلاني فلازم تلتزمي بيه .. او انهم يرسلو للمعهد اسماء الطلاب عشان يضمنو مايتكدس او احد يسجل زياده باسم الابتعاث .. عرفتي كيف
هذه كلها توقعاتي وتحليلاتي ههههه والله واعلم
انا اتوكلت على الله وبستنى الضمان لسه وبكره حسال عن اسم المعهد اذا جاني الضمان
والله يكون في العون
رد: استفسار عن الضمان المالي صراحة ماني لاقية احد يفيدني
شباب/بنات
أنا جاني الضمان بس المشكلة ان المعهد رفضه, شنو سويت؟
أرسلت للمعهد شهادة بنكية (نفس المعهد اللي طالع عليه الضمان المالي من الوزارة)..
تتوقعون طريقتي سليمة؟؟؟
للمعلومية المعهد هو ELA التابع لجامعة University of San Diego
رد: استفسار عن الضمان المالي صراحة ماني لاقية احد يفيدني
اقتباس:
المشاركة الأصلية كتبت بواسطة dooly
حتى انا سالتها اذا قدمت علي معهد بشهاده بنكيه وانقبلت ويوم مايجيني ضمان الوزاره اقوم اغيره
قالتلي ماينفع لازم تلتزمي بالمعهد الي نزل عليه الضمان
كيف والضمان نفسه مو مكتوب اي معلومات عن المعهد .. انا برضو ما اقتنعت
بس اتوقع يكون محددين المعهد عندهم بس في الضمان مو محدد ،، ولازم نسالهم
يعني يكون اسمك ضمن المعهد الفلاني فلازم تلتزمي بيه .. او انهم يرسلو للمعهد اسماء الطلاب عشان يضمنو مايتكدس او احد يسجل زياده باسم الابتعاث .. عرفتي كيف
هذه كلها توقعاتي وتحليلاتي ههههه والله واعلم
انا اتوكلت على الله وبستنى الضمان لسه وبكره حسال عن اسم المعهد اذا جاني الضمان
والله يكون في العون
هوا لما يدوكي الضمان يدوكي هوا على اسم المعهد اللي طلبتيه.. فقط في السيستم عندهم بس عشان يعرفو التكدس.. وانا سويت كدة ورسلتلهم ورسلولي الضمان ولما شفت اليوم مع الموظفة فتحت ملفي وقالتلي انتي انكتب انك على المعهد..
المفروض خلاص مايحتاج اني ارجع اخد ايتونتي جديد بس عشان اغير الداعم امالي..لانه ممكن يتغير هناك..لانه الضمان والمالي والشهادة البنكية كلها شكليات انك قادرة على دفع المبلغ..
انا ضامنة انه خلاص اسمي في هدا المعهد عند الوزارة...ومشكلتي في فقط في الداعم المالي في الايتونتي..هل يجيب تغييره او لا..؟
رد: استفسار عن الضمان المالي صراحة ماني لاقية احد يفيدني
اقتباس:
المشاركة الأصلية كتبت بواسطة الط20ير
شباب/بنات
أنا جاني الضمان بس المشكلة ان المعهد رفضه, شنو سويت؟
أرسلت للمعهد شهادة بنكية (نفس المعهد اللي طالع عليه الضمان المالي من الوزارة)..
تتوقعون طريقتي سليمة؟؟؟
للمعلومية المعهد هو ELA التابع لجامعة University of San Diego
طبعا انا صارت معايا نفس هدي المشكلة المعهد ماوافق الا الاصل وصراحة مالقيت طريقة الا اقدم بشهادة بنكية..
الخوف دحين مو من امور الفيزا لانه السفارة ماتتدقق في الداعم المالي..
المشكلة عند اصدار قرار الابتعاث !
رد: استفسار عن الضمان المالي صراحة ماني لاقية احد يفيدني
وعليكم السلام ورحمة الله وبركاتة
طريقتك الان صحيحه لاتهتمي بكلام الموظفه
خيتو كل ماعليك فعله وفق النظام الوزاري
عند وصولك امريكا بالسلامه وتروحي المعهد لتسجيل بياناتك وأصدار لك بطاقة طالب
تطلبي منهم تغيير الضمان المالي الي باسمك باسم الوزارة
خلي الامر ماشي ولا تخافي لان مافي اي مشكله طلما حصلتي القبول
فقط الان ينقصك الضمان المالي من الوزارة عند وصولك بلد الابتعاث أطلبي الضمان المالي الاساسي للمعهد
الا في حالة أرسلوه لك حاليا بانهم يتكفلون بدفع تكاليف دراستك
فقط أعملي له طباعه وعطيهم اياه اثناء تقديمك واطلبي تغيير الضمان المالي مثل ماقلت سابقا
:
هذه العمليه عكس تصرف المرافق الي يبي يدرس يجيب قبول على حسابه واول مايوصل يفتح ملف مرافق دارس
يصله الضمان المالي من الوزارة وفقط يغير معلومات الضمان ووضعك نفسـه
:
بالتوفيق خيتو :o