أرجوكم أرجووووووكم ساعدوني الله يوفقكم يارب

السلام عليكم جميعا فردا فردا هذا أولا

ثانيا: اعذروني لو بطول عليكم شوي بس بشرح سالفتي وأبي مساعده الله يرضى عليكم

طبعا أنا مرشحة للمرحلة السابعة..

كان مرافقي واحد من أخواني هو متفرغ أساسا وعلى أساس إنه بعدين يلحق بالبعثة لكن صارت شوية ضروف وخلاص ماراح يروح معاي

ماراح أسألكم عن تغيير المرافق لأني أدري سهله روحه وحده للوزارة يغيرون لي ولكن مشكلتي إن الحين المرافق اللي بيروح معاي أخوي الثاني ويدرس بثالث ثانوي فكرت انه يخلص اختبارات الفصل الأول ونروح ويكمل بالمدارس السعودية اللي هناك

أولا : هل ممكن نلقى له قبول هناك

ثانيا: وش تكون نوع الفيزا اللي يقدم عليها ما أبي f2 لأنها فقط ثلاث شهور ويرجع يجدد

وسمعت أنو فيه أنواع للفيزا فيه فيزا إقامة مؤقته وفيه أنواع كثيرة فحبيت أستفسر هل هالشي فعلا وكيف أطلبه بالضبط

ياليت تفيدوني الله يرضالي عليكم


الدانه

من وجهة نظري المتواضعه .... اذا مو مستعجله عالبعثه .... شوفي لك قبول على Fall 2012 Term ... هذا الترم يبدا بعد رمضان تقريبا ... يصير اخوك خلص دراسته ...
جيبي القبول وقدمية للوزاره وارفقي خطاب بظروف المرافق ... وان شاء الله يقبلون وضعك

اشوف هذا الوضع افضل عشان لا يخسر دراسه ويتشتت ... ويصير انتي تقوين لغتك بهالوقت ... كلها 8 اشهر

بالتوفيق لك

اختي فيه مدارس عربيه في فانكوفر لكنها تعلم اللغه العربيه .. يعني ماتوقع تنفعك ..


وبالتوفيق انشاءالله

بصراحه أنا مستعجله وأبي أسافر بأقرب وقت

ومومشكلة لويعيد السنة في الأكاديميات السعودية تدرس نفس المناهج السعودية أنا متأكدة من هالشي وكل هذا انشاء الله سهل لكن اللي هامني وأبي أعرفه

وش تكون نوع الفيزا اللي أقدمها له ؟؟

اللي يعرف بالفيزا وأنواعها ياليت يفيدني

وشاكره لكل اللي رد

وعليكم السلام ورحمة الله وبركاتة

تصحيح
فيزا F2 خاصه فقط ( الزوج - الزوجة - الابناء )
تلقائيه للمرافق الاساسي والذي لايريد التعمق بالدراسه وهي محدوده على دراسة اللغه فقط لفترات قليله
:
االاخ - العم - الخال والبقيه غير الثلاثه الي ذكرتهم تشملهم فيزتين فقط
فيزا سياحية B2 مدتها 6 شهور كزائر فقط لهذه المده وتطلب للشخص الذي لايريد الدراسه فقط الجلوس في بلد الابتعاث كمرافق هكذا
:
فيزا F1 للجميـع من يريد أكمال دراسته بشتئ المجالات
وحصول المرافق على هذه الفيزا كالتالي :
- كشف حساب بنكي = شهادة بنكي = الضمان المالي خاص به او باسم الوالد او أحد مآ يتكفل بدفع رسوم الدراسه
- الحصول على القبول من نفس معهد المبتعث
- استخراج فيزا F1
- عند الوصول لبلد الابتعاث يفتح ملف مرافق دارس ويرفق جميع المتطلبات ويصله الضمان الماي من الوزارة ثم يستبدل
معلومات الضمان المالي السابق باسم الضمان للوزارة والتي سوف تتكلف بدفع رسوم دراسة المرافق
:
بنسبه لاكمال دراسة أخوك على حسب ولايتك ممكن تحصلي فيها مدرسة تابعه للتعليم السعودي وممكن ماتحصلي
الافضل تدخلينه مدرسة حكوميه ومنها يتعلم اللغه بشكل مباشر حتى يتخرج ويقدم على الجامعه ويصير مبتعث بسهوله
:
كذالك يمكن زيارة موقع السفاره قسم التاشيرات وأنواعها ومميزاتها ومن هم الاشخاص المتاحه لهم
:
بالتوفيق خيتو :o

المشكله شائكه الي اقدر اقول لك اسالي الملحقية الثقافية لدولة الابتعاث الي انتي راح تبتعثين فيها

او

اطلب بدايت دراستك بعد ما يخلص الثانوية يعني على حوالي شهر 7 هجري حلووو الوقت مناسب له ومنها ايضا يلتحق بالتعثه يكمل جامعتة ( وجهت نظري هذا الحل هو الافضل )

ألف شكر لكم جميعًا


أبشركم بعد السؤال يمينًا ويسارًا لقيت حل الحمدلله


راح يسجل بمعهد لغة أولًا عشان ياخذ فيزا f1 وثانيا عشان ياخذ لغة لأن كل مدارسهم طبعا باللغة الانجليزية

اذا خلص السنة تبع اللغة يسجل بمدرسة ثانوية حكومية هناك ويدرس ويكمل ثالث وع طول نقدم قبول في أي جامعة ونلحقة بالإبتعاث

شاكرة لكم للمرة المليون

الدانه