اكمال اجراءت الابتعاث يسقطك من (جداره)

??????????????????????????

والله ماعندي اي معلومه

مافكرت بالموضوع حتى لان همي هو الاابتعاث لا غير
بس ما اعتقد له علااقه

هههههههههههههه والله ياخوك لا تستبعدها يسوونها .. جانا حافز وقال اللي مقدم على البعثه تسقط عليه احقيه الصرف وجاتنا البعثه وقالت للي مقدم على حافز تلغى بعثته يعني لابنروح بعثه ولا بتجينا اعانه والله يستر يجي جداره ويزيد الطين بلللله ويقولنا مافيه وظائف لانك مقدم على البعثه يعني روح انتحر وارتاح ياااعمي هذا اللي يبغونك تسويه .... من وجهه نظري ما اعتقد يلغونها لانه انا اعرف واحد دقوا عليه الديوان الاسبوع الماضي بخصوص يخلص اوراقه ويبدأ يباشر ...

والله اني مثلك انا أولاً وأخيراً بتعلم لغة كم شهر ومع المفاضلة التعليمية راح اعتذر وارجع استلم وظيفتي
لكن للأسف الخوف نحرم من الوظيفة
وبنفس الوقت انا رايح على تسويق وتخصصي تربية خاصة!
خايف من هالمغامرة

الابتعاث لا يؤثر على جداره واعرف مبتعثين يدرسون نزلت اسمائهم في جداره وجاهم خبر واغلبهم سحبو ع الوضيفه (:

ليه تفكرون انه تاخذون لغه والوضيفه اهم طورومن من انفسكم الى الافضل بدراسه الماجستير والدكتوره باذن الله
الطموح لدراسه ليس من اجل الوضيفه فقط بل لتطوير الذات وزياده في العلم والمعرفه

اخواني الكرام..انا حالتي قريبة من حالتكم لكن بالعكس

انا طلع اسمي بالمفاضلة وقلت خلني اروح اطابق واقدم ع المعهد بنفس الوقت..

بالصدفة لقيت خوي بالملتقى وهو قد طابق من قبل..يعني قبل الترشيح النهائي..قال اذا تبي تبتعث لا تروح تطابق اوراقك لاني طابقت وجاني الترشيح النهائي وبالقووة وبالاعتذارات اعتذرت عن المفاضلة...وقال لي انه لو رحت طابقت حيحطوني بالنظام او بقاعدة البيانات ..بس لو ما طابقت كاني ما قدمت ع جدارة ويمديني اتوظف بعدين اذا احتجت لها...

انا عندي تعليق على موضوع حافز
من زين الوظايف يعني
اللي ( حلابة بقر ، سباك ، عامل صيانة )
نحن نبحث عن الشهادات العليا عشان نقدر نشتغل في القطاع الخاص اللي يعتبر هو توجه العصر
يعني وظيفة جدارة بتعطينا كم (4000) ،(5000)
الوضع المعيشي حاليا ما يساعد على هذه المبالغ
وأنصحك بالتفكير بالبعثة وترك هذه الوظائف للأقل تأهيلا خصوصا بأنك من محبي الدراسة ( الدوافير )

بالتوفيق للجميع