السلام عليكم..نصيحة لعموم المبتعثين .....*&&*

December 14th, 2011, 10:53 AM

السلام عليكم ورحمة الله وبركاته..

صباح الخير او مساء الخير..

اخوتي الكرام..أسأل الله عز وجل ان يوفقكم لك خير ويبعدكم عن كل شر..

لاحظت في الفترة الماضية كثرة التشتت في الأفكار والمواضيع ..وكل شوي واحد طالع بموضوع جديد ولا سالفة جديدة..

اخواني ترا الموضوع سهل جدا جدا جدا .. بس يبيله بعض الاشياء مثل :


الصبر

المعرفة

الاجتهاد

المثابرة

الحزم ( خاصة في اتخاذ القرارات )

عدم اليأس من رحمة الله وتوفيقه


مثلا.. فيه ناس محتارة وظيفة ولا بعثة..طيب اروح ادرس اللغة واستنى المفاضلة..طيب فلان قال كذا وانا ودي اسوي زي ما قال..

حبايبي الله يوفقكم الواحد لازم يكون عنده برستيج او ستايل او طريقة تفكير معينة خاصة فيه هو وحده مو لغيره..

انا مو ضد استشارة او سؤال الغير .. بالعكس سالت واستشرت في هالمنتدى وغيره وافادني هالشي كثير..

انا اقول لاخواني المحتارين..خاصة اللي محتار يا وظيفة يا بعثة..

اقول لك اخي الكريم..اسال نفسك بنفسك..لانك انت ادري الخلق بنفسك بعد الله..

وش اكثر شي يناسبك .. الوظيفة الراتب اخر الشهر سيارة ( للعيال) جوال اعتق البيت ادوات تجميل مدري ايش ( للبنات)..كل واحد مننا هو ادري بنفسه..

شوف قدراتك شوف همتك شوف عزيمتك هل انت قد الشي اللي انت مقبل عليه ولا بس قدمت وتبي تُبتعث عشان الناس يقولو لا والله هذا طالب بامريكا<< ادعسسس حقك ياهوووه طالب..ولا تطلع برا عشان سمعة ..

اذا كنت تفكر بهالطريقة تراك مع احترامي لك غلطان..واذا استمريت في هالمنهج حتصير إمعة بدون مبالغة..تلقاك تحدد خياراتك واختياراتك وميولك لما يعجب الناس لا ما يعجبك..

ارجوك اخي المبتعث رتب نفسك وجمع افكارك وابني مستقبلك بايدك .. الناس اللي راح تراعي افكارهم وآراؤهم ما راح يعيشو عنك مستقبلك ولا راح يزيدو حسناتك ولا ينقصوو سيئاتك..

اخي الكريم ارجع واقول اعرف الناس فيك انت نفسك..



ارجو من الله العلي القدير الملك القدوس الجبار المتكبر الحليم العظيم رب العرش العظيم الذي يعلم كل شي ويرى كل شي وهو قادر لا محالة على كل شي ان يوفقنا واخواننا المبتعثين لما هو الأصلح والانسب لهم..

اللهم اننا على يقين انك تعلم ماهو الأصلح والأنسب لنا ..اللهم ففوقنا اجمعين لكل خير وجنبنا كل شر..واختر لنا ماهو في صالحنا في ديننا ودنيانا وعاقبة امرنا عاجله واجله..


اللهم اجعل كل اعمالنا واقوالنا صالحة ولوجهك ياربي خالصة ومن النفاق والرياء والسمعة والعجب والكذب خالية ..انك ولي ذلك والقادر عليه...



تقبل الله منا ومنكم صالح الاعمال ووفقنا لما يحب ويرضى...



أتمنى إني وصلت مابي لاخواني المبتعثين..




وجزيتم خيرا..



..

• نشر عبر تويتر
• نشر عبر فيسبوك
• نشر عبر جوجل