رد: ضروري للي حضر ملتقى ؟؟؟؟
اقتباس:
المشاركة الأصلية كتبت بواسطة mona.a.m
السلام عليكم
انا ملتقاي بالخبر يوم السبت ان شالله وعندي كم سؤال لمن حضر ملتقيات جده والرياض
1ـ المحرم هل ضروري يحضر الملتقى ؟؟
لا مو ضروري بس عادي لو جا معاك
2ـ ايش الاوراق المطلوب احضارها للملتقى غير الهويه ؟؟
الهوية ... الوصل اللي اخذتيه في التدقيق بالرغم ان كثير قالوا مو لازم وللاحتياط تكوني عارفة رقم الطلب ورقم الترشيح وتكوني كاتبتها في ورقه بالاضافة للمعاهد اللي تبينها مرتبتها على حسب الافضليه عشان ماتنسينها
3ـ انا طالبه مبتعثه ان شالله وارسلولي ان لازم يكون اللبس لا ئق وش قصدهم ؟؟؟ يعني عادي بنطلون وبلوزه والا لازم تنوره ولبس جامعه ؟؟
وهل عادي اجلس بعباتي ؟؟
بلاها لبس البنطلون اذا تبين تنورة مع ان كثير بالملتقيات اللي قبل جلسوا بعباياتهم
4ـ انا لسى ماجاني الضمان هل اللي احضروا الملتقي جاهم ؟؟ وتغيير المحرم ممكن في الملتقي بشكل سهل ؟؟
انا معاك بأذن الله في الخبر لكن حسب معلوماتي من اللي راحوا في الرياض وجده ان الضمان وصلهم خلال 24 ساعه
وتقدرين تغيرين المحرم لكن لا تنسين صوره من هويته وصورة من جوازه
5ـ متى يبدأ الملتقى كم الساعه ومتى ينتهي ؟؟
على حسب برنامجك متى
انا على امريكا بأذن الله البرنامج الثاني عشر ويبدا من الساعه 5 مساءا
وطبعا هو ثلاث ساعات لثلاث ايام
ارجوو الرد علي لانو انا مو من الخبر وبسافر من بكرا عشان اجهز كل شي ومرررررررره شكرا
هذي معلوماتي من خواتي واخواني في المنتدى لأن انا مثلك في الخبر
والله الموفق
رد: ضروري للي حضر ملتقى ؟؟؟؟
بما انك بتجين من برا الخبر خلي اي ورق سواء اصل او صورة يكون معك للأحتياط
رد: ضروري للي حضر ملتقى ؟؟؟؟
هلا أختي
1ـ المحرم هل ضروري يحضر الملتقى ؟؟
لا المحرم مايحضر إلا اذا أراد فاتوقع في كراسي خارج القاعه يجلس فيها بس ممنوع يدخل مع الطلاب
2ـ ايش الاوراق المطلوب احضارها للملتقى غير الهويه ؟؟
هويتك فقط إذا بطاقة أحوال أو كرت عائله
3ـ انا طالبه مبتعثه ان شالله وارسلولي ان لازم يكون اللبس لا ئق وش قصدهم ؟؟؟ يعني عادي بنطلون وبلوزه والا لازم تنوره ولبس جامعه ؟؟
وهل عادي اجلس بعباتي ؟؟
والله كل الطالبات بعباياتهم محد نزلها نهائيا وترى أفضل لك وأريح
4ـ انا لسى ماجاني الضمان هل اللي احضروا الملتقي جاهم ؟؟ وتغيير المحرم ممكن في الملتقي بشكل سهل ؟؟
لا أنا حضرت للملتقى وماعندي ضمان وفالملتقى سويته والحين أنتظرهم يرسلونه عالايميل
وبالنسبه لتغيير المحرم في موظفات ان شالله بيساعدونك ومايحتاج وقت كثير
5ـ متى يبدأ الملتقى كم الساعه ومتى ينتهي ؟؟
بحسب الموعد اللي ارسلوه فالايميل شيكي على ايميلك
يعني بالنسبه لملتقى جده كان على فترتين صباحيه ومسائيه
وينتهي بعد 3 ساعات وأول يوم يكون في نص ساعه قبل بدء الملتقى لتوزيع البطاقات
والبطاقات هذي مهمه تحضرينها فكل يوم لتسجيل دخولك وخروجك من الملتقى عشان لاينحسب عليك غياب
ولاتشيلين هم ترى جدا متعاونين ومسهلين كل شي
أرجو اني أفدتك
رد: ضروري للي حضر ملتقى ؟؟؟؟
مررررررررررررررررررررررره شكرا
رد: ضروري للي حضر ملتقى ؟؟؟؟
تغير المحرم مره سهل اهم شي جيبي معك جواز السفر وبطاقة الهوية حقت المحرم ..
والله يوفقك ..