رد: كيف أعبي أبليكيشن DS_160
اقتباس:
المشاركة الأصلية كتبت بواسطة مـيمـي
يعطيكم العافيه
بس كلهم ماهم شارحين هادي النقطه :
أنا وصلت في صفحة Travel copanions
وصلت عند Have you made specific travel plans?
https://ceac.state.gov/GENNIV/_res/img/trg_bk.GIF
Person/Entity Paying for Your Trip
لو اخترت No يطلع لي كلام انو متى تاريخ الوصول المتوقع والعنوان وهادي الأشياء
طيب أنا لسى ما أعرف فين حأسكن ومتى حأسافر ايش أكتب لهم؟
وإذا حطيت Yes برضو يبغو عنواين وأشياء
وكمان في خانة اللي مين حيتكفل بمصاريفي ايش أكتب ؟
لو أختر كومبني يقول ايش اسمو وايش العنوان وأشياء ما أعرف جوابه
وكمان ما حأقدر أعبيه بدون ما يكون عندي I-20 صح ؟
اقتباس:
المشاركة الأصلية كتبت بواسطة الالماسة
ياليت احد يفيدنا برضوه هل اكتب في الابليكيشن هذا اني معي مرافق
لان مرافقي ابغاه يطلع بفيزا اف ون
ووش اكتب في خانة من المتكفل بدراسته ؟
بالنسبة لسؤال الاخت ميمي تقدري تعبي الابلكيشن بشكل جزئي لحد ما تستلمي I-20 أو تتواصلي مع المعهد و تطلبين منهم رقم السيفس حقك SEVIS ID و تعبي الابلكيشن كامل
بما انك ما خططتي لرحلتك للآن اختاري No و الفراغات اللي راح تطلع لك مقصود منها التواريخ المتوقعه يعني تحطي الوقت اللي تتوقعين انك تكونين مسافره فيه
أما بالنسبة للعنوان فبما انك اتوقع غالبا راح تسكني قريب من المعهد أو الجامعة فعشان كذا حطي عنوان الشارع اللي فيه المعهد او الجامعه ,, بعدين انتي لما تسافري راح تحدثين عنوان سكنك عند دائرة الهجرة بكل الاحوال.
بالنسبة للي حيتكفل بمصاريفك اكتبي Ministry of Higher Education in Saudi Arabia
بالنسبة لسؤال الاخت الالماسة اذا كان في فراغ في الابلكيشن خاص بالمرافق عبيه لكن بالحاله هذي راح يطلع على فيزا F2 لكن اذا حاب يطلع على فيزا F1 فيجيب قبول لنفسه من جامعة او معهد و يعبي ابلكيشن خاص فيه و يكون معه شهادة بنكية
بالنسبة لسؤال الاخ King مجرد ما يوصلك الاي توني او تعرف انه جايك بالطريق و عارف متى حيوصل و عبيت الابلكيشن احجز موعد .. لو ما لقيت موعد قريب احجز موعد طوارئ.
أنا حاولت اجاوب اسئلتكم بشكل مفيد ,, لكن ان شاء الله احاول اعمل لكم شرح كامل لأبلكيشن DS-160 و طريقة عمل موعد الطوارئ لو قدرت لو ما قدرت اعمل الشرح اللي يحب يسألني عن شي مستعد اساعده يراسلني على الخاص و أنا حاضر.
دعواتكم
رد: كيف أعبي أبليكيشن DS_160
طيب عبيت له ابليكيشن للمعهد خاص فيه وارفقت شهاده بنكيه
بس انا اقصد في ابليكيشن السفاره 160 هل اكتب ان معي مرافق ووش اكتب في خانه من المتكفل بدراسته
بليز جاوبوني
رد: كيف أعبي أبليكيشن DS_160
راجعي الكتاب إلا اخذتيه من الملتقى
وفي اخر صفحات الكتاب فيه الأسئلة مترجمة اكتبيها بورقة
وبعدين افتحي الابلكيشن وانسخي الاشياء الا كتبتيها
رد: كيف أعبي أبليكيشن DS_160
Ashumrani
يعطيك العافيه
ربي يسعدك ويسهل أمورك