محرمي :( يلعب باعصابي

نفس معاناتي والله
دايما اايد ان يكون معايا محرم بس والله البعثات اللي زي كدا ياريت يخلونا لوحدنا والله كرامتي وصلت الارض من كثر ما انذل للناس
لا تقول اهلك ومافي كرامه
انا مو متعوده اطلب من احد شي فتخيلو فموقف زي كدا و تنذلي عشان يوافق وتدعي ربك لاخر لحظه عشان ما يبطل و تقعد على اعصابك الى يوم الرحله

والله ظلم
ايش ذنبي ان انا طموحه وهو لا

مالك الا الدعاء

املي بالله كبيييييييير ^_^
شكراً لك غاليتي ع النصيحة وسأعمل بها ان شاء الله
الله يكتي لي وللجميع المبتعثات والمبتعثين الخييير يارب وييسر لهم امورهم

لو كااااان متخوف هينة تنحل ,,,
لكن شيء ثاني الله المستعان
الله ييسر للجميع يارب ويفتحها بوجهنا

امييييين يارب الله يسمع منك يارب وتتيسر امورنا يارب ويكتب لنا الخييير وين ماكان
مدام ابوك بيروح معاك لا تشيلي هم اخوك ولا تهوني عشان كم كلمة ..
لا تحطمي احلامك وخليك فووووووق وكلك حماس وثقة وامل بالله
بالتوفيق غاليتي

انا حلمي من 7 سنوااات البعثة من وانا بالثانويه واحلم بالبعثة وبابا يضحك علي ويعطيني علي قد عقلي,,,’’


وانااا انسااانه عندي طمووح عالي ونفسي احقق اللي ببالي واحقق مكانة اجتماعية ومرموقه بحيااتي ولما سجلت حمدالله قبلت نهائي وبابا كان حيل شجعني وفرح وماما كمااان فرحت فكرت اخويااا يروح,معي مرافق,,
بعد مايخلص الثانوية ,,,

اللحين اخوووي هاذا قاهرني بيجيب لي الضغط ببرووودة كل اسبووع يتجول بديرررة غير التأخير غير الاهمااال وانا بس ابكيييي والله احس فعلا انذليت ياااربي نفسي اخذ قراري بنفسي واسحب عليه وعلي حركااته للاسف مايستاهل يروح معي لكن محسووب علي اخ

تخيلو حتي من يومين انخطبت ورفضت العريس عشانه مابي انشغل عنه وابي ياخذ شهادة ويعدل من وضعة السئ ( اللحين انا اركض وراء عشان امتحاناته ومعذبه نفسي علية كان الشهادة لي) ولا حياة لمن تناادي ( خلوهاااا علي الله متي تصير كلمتناا مسمووعه)

مقول الا الله يعينك

انتي محرمك يلعب بعصابك انا لا والله اهله
لانه ولد اختي ابوة مو داعيه قلبه يسافر
خاصه انه ماعنده اولادقده هو يعتمد عليه بكل شئ


بس سندي اختى لاحرمت منها

اقنعت زوجها غصب
لاني ماعندي محرم ابد


بس والله للحين خايفه
يغيرون رايهم او يخلونه ينزل قبل لاتخلص بعثتي

الله يستررررر


مع العلم محرمي متشجع حيل وتوة متخرج من الثانويه عمره 18


الله يوفقك خيه وحاسه فيك لاني اول ماسجلت خفت يطير المحرم بدون رجعة

الله يوفقكم أجمعين ، بنات تفائلوا بالخير تجدوه وعليكي بالدعاء لأنه هو سلاح المؤمن ولكن ادعي وأنتي موقنه بالإجابه لاتقولين راح ادعي وأشوف من أهم شروط الإجابة الإيقان واستغلي كل ساعة اجابة دعاء والحي لاتتخاذلين ادعي بإن الله يسخر لك الناس أجمعين ويجعل والدينك واخوانك وخواتك عون لك مو عون عليك.

ابتعدي عن المعاصي اللي تتساهلين فيها ويمكن هي اللي معسره أمورك مثل سماع الأغاني مشاهدة المسلسلات والأفلام الحجاب الفاضح عدم صفاء القلب والتهاون بالصلاة،صلي صلاتك بوقتها واقري وردك اليومي من القران والتزمي بالأذكار وبإذن الله راح تنفتح أبواب السماء وأبواب المستقبل.

وبالنسبه للأخ تراهم والله معذروين الله يلوم اللي يلومهم تقولين أنه راح يدرس طيب يمكن هو عارف نفسه أنه ماراح يمشي برا بالدراسه فما بالك باللي متوظف راح يخلي وظيفته من جد تراها مغامره، لكن أنتي عليك بالصبر وبشئ من الذكاء تقربي منه لاتخلين الأوامر توصله عن طريق والدينك لا تراه هالحركه ترفع ضغط العيال،تكلمي معاه واطلعي تعشي أنتي وياه برا الحالكم بس خلي العشا راهي هههههه قولي أني عاذرتك ومقدره موقفك لكن أنت أخوي ولد أمي وأبوي ومالي إلا الله ثم أنت إذا مااستعنت فيك أنت بمين استعين ومن هالكلام يعني وضحي له حاجتك وخلي معاها كم دمعه هههههههه رغبيه بالبعثه وشوفي نقطة ضعفه يعني إذا يحب السفر والمغامره قولي مثلا راح تشوف عالم جديد وغيره استشريه يعني أنت وش رايك مثلا بالمدينه هاذي أو المعهد هذا يعني حسسيه أنك شي مهم بحياتي ولك أثر ومو بس تابع لي ترا هذا اللي يفقع قلب الرجال.

وبالنسبه للأقارب والأصدقاء الله يهديهم اتفقي أنتي وأمك وأبوك ومحرمك أنكم تنشرون بين الناس أنه خلاص هونا عن البعثه كنسلنا مانبي بح خلاص علشان تتركم الناس بحالكم والله من جد الناس إذا حطت شي براسها مايمشي.

الله يسهل اموركم ويرزق كل وحده بالزوج الصالح اللي يعينها على مستقبلها ورزقها وهذا اللي المفروض تدعين فيه بكل وقت لأنه مهما كان أخوك ماراح يدوم لك،تحياتي.

كلامك كلو صح والحمدلله ان شاءالله ربنا يتقبل منا

بس انا عن نفسي اخويا مايشتغل ولايدرس ولايسوي اي شي

يعني بالنسبه لو دي فرصه العمر مع العلم انو عمره 28 سنه

وامي وابويا نفسهم يشوفو يدرس ويتخرج ويشتغل ويتزوج

زي اي اب وام

بس يقولي انا ايش دخلني فيكي روحي اتزوجي وروحي مع زوجك

طيب من فين اجيب الزوج دا يعني لو ماربي ماكتبلي نصيب دحين ؟؟

الله يوفقكم ويسهل اموركم

اختي كلي حماس اعملي بكلام BIG SMILE وخاصة على قصة نشر تراجعك عن بعثتك لانو من جد ما تحصلي منهم غير الشر والحسد

وبالنسبه لاخوكي انا اقولك رغبيه في البعثه بس مو بطريقة الترجي خليها بطريقه كأنك تعرضين مميزات البعثه والشهاده العاليه الي تغنيه عن التذلل لارامكو ويمكن هما بعدين يطلبونه ويلاحقونه بعد

ووضحي له عيوب البرنامج الي في ارامكو وعلى فكره ترا يحق للمرافق الالتحاق بالبعثه بشرط تواجده في بلد الابتعاث يعني يصير مبتعث مو بس مرافق

وبما انو ابوك رايح لدولة الابتعاث من قبل خليه يغري اخوكي بمميزات الدوله من ثقافه وشهاده عاليه و الطبيعة الجميله والشعب الراقي ومن هالكلام بس مثل ما قلت لك مو بطريقة الترجي

وان شاء الله يهدي اخوكي وفي النهاية لا تترجي احد وخليها على الله وهذا الي انا سويته سجلت في البعثه على انو المحرم ابوي مع اني ما عطيت احد خبر وخليتها على الله

واخوي توه متزوج ومتوظف في شركة ارامكو وغير العروض الي حصلها من بيت وبدلات والخ ...وبعدها جا اخوي بنفسه وطلب مني اني اسجله مرافق لي بدون ما اقوله عشان يبغى ياخذ شهادة اعلى

طبعا من بعد ما اغراه الوالد بالدوله و مميزاتها والشهاده العاليه وعلى الله التوفيق ^^

يقول النبي صلى الله عليه وسلم: (والذي نفسي بيده لا يقضي الله لمؤمن قضاء إلا كان خيراً له وليس ذلك إلا للمؤمن).
فإن كنتي مؤمنة فأي أمر يحدث لكي فاعلمي أنه خير من الله لكي، وإن لم تكوني مؤمنة فسيركبكي الهم والغم والغضب والحزن وأنواع الضيق والنكد.
وأقول لكي في الختام {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. تمنياتي لكي بالتوفيق،،