تطور حزين بشأن معهد ALP@OSU ... الضمان المالي مرفوض

اخ عنونك اولاً نشكرك على الجهود المبذولة منك والله يجزاك خير.

ممكن تزودنا بالمراسلات اللي تمت بين الملحقية و المعهد لاهنت لان الموضوع يهمنا جميعاً و علشان نكون فالصورة معهم.

اي والله ياليت يا اخوي

طيب أبغى اعرف ما في حل
ولا اصبر لين ما تحلها الملحقية انا اصلا حتى مايردو علي المعهد ولا ادري قبلو الضمان ولا رفضو
كل ما اتصل على دينا ما ترد أبغى رقم او ايميل اي احد من المعهد تعبت من المعهد المعقد يآرب الصبر

مالنا الا الصبر اختي والملحقيه راح تحلها ان شاءالله ماعليك

كنت حاطه ردود الملحقيه والمعهد وصورة من الضمان ووو للي طلبوا يعني
وجاني رد من الملحقيه انو ماننشر الردود اللي جالسين يرسلوها لنا على اي مكان عام زي المنتديات لان وصل لمدير المعهد انو احنا حطينا ردودهم في العلن وكذا وكاتبين انو نبلغ اللي ناشرين انهم يمسحوا الردود لان المعهد رافض انو ينتشر الشي ذا عشان يحافظوا علا علاقتهم الطيبه مع المعهد وبيخبرونا انهم جالسين يشتغلوا عالموضوع وووو الخ
فحذفت المشااركه والظاهر انو ماعاد حيرسلوا لنا اي تطور يسير وحيبلغونا بالنتيجه النهاائيه بس
فماقدامنا الا الصبر

يا الله لها الدرجه طيب خلاص سكووت

نفس السالفة.........^............ قالوا لي مالها داعي تنشر الايميلات

ياشباب وبنات اللي مقدمين ع المعهد
نصيحه مني
دبرو مبلغ يغطي لو تكاليف ترم تقريبا 30 الف وطلعوا شهادة بنكيه
وردو المبلغ لا اصحابه
الشهادة تطلع في ساعتها برسوم 50 ريال لاستخراجها من بنك الراجحي اذا كان حسابكم فيه
واسكان وارسلوا للمعهد
والله كذا اسرع

ولا تجلسون تنتظروا الملحقية او الوزارة او تعديل الضمان ..!

ما قصرتوا على المجهودات والتعاون بينكم كطلاب طموحين للدراسة

اما الوزراة فلا اعذار لها لأنها ورطت اكثر من 75% من الطلاب المبتعثين ولا ادري هل المشكلة خاصة بطلاب امريكا او غيرها
والقهر انها ما تتحرك وتعدل الوضع ولا كأن الأمر يهمها
اللي قريب من الرياض او يقدر يوصل للمسؤولين او عنده فلوس في حسابه بيعدل وضعه
والبقية طيب؟ ما ليهم رب او مو ابناء الوطن

فمشكلة فعلا
المراحل اللي قبل كان وضعهم افضل وانا جربت وما كان عندنا مشاكل
فالمفروض انه كل مرحلة جديدة يتطور الأمر الى الأفضل مو تطلع مشكلة بهذي الطريقة اللي تفشل بالفعل
ما ادري اصحاب البي بي وغيره في الواتس اب الحين ما عندهم الا كلمة "nominated" كضربة للوزارة

انا ناوي ارسل للمعهد هذا ومتابع معاكم اول بأول قبل ما اتصرف واضيع وقت ومجهودات في غير مكانها
الله يصبرك ويصبرنا معاكم وان شاء الله تتسهل بإذن واحد احد

تم حذف المشاركه بناء على طلب المعهد .. بلاش تكون العلاقه متوتره من البدايه وياخذو فكره عننا