ابي نصيحتكم طلعت شهادة بنكية والمعهد مقفل لو سمحتم ساعدوني

السلام عليكم

يااخوان البحث عن ولاية - مدينة - جامعة - معهد

اخذ مني الوقت الكثير الكثير

الحمدلله بعد عناء وتعب وجدت ولاية ومدينة ارتحت لها وفيها تخصصي بالجامعة ومعهد حلو

وفوق هذا كله متااااح بقائمة المعاهد وجلست انتظر على اعصابي وقت الملتقى ابي ضمان مالي الحق على المعهد قبل يقفل

المهم موعدي الاحد الماضي سجلت استمارة قلت لهم اعطوني الضمان بسرعه قالوا بس يومين وهو عندك في الايميل

قلت لهم يومين كثيره اخاف على المعهد قالوا انتظر

المهم انتظرت الاحد والاثنين والثلاثاء والاربعاء والخميس والجمعه <<< ولا جاني شي

والاعصاب يوم عن يوم تنحرق

وامس السبت اتفاجأ بأن المعاهد تحدثت قلت ياولد الحق اقرأ معهدك لايكون رااااح

وفعلا المعهد عليه لووون احمررررر

انا اعصابي هنا صارت نار وشرار وماعندي استعداد اغيره لو اعرف اني اعتذر عن البعثة

المهم انا اليوم طلعت شهادة بنكية على اساس اراسل المعهد الي قفلوه علي واذا جاني الاي توني منهم اروح الوزارة واقولهم انتم بسببكم وبسبب تاخيركم في الضمان المالي

قفل المعهد وانا الحين جايب اي توني يالله ابي الحين ضمان مالي فوووورا

مدري هالحركة تنفع ولا ترجع علي اضرار منها لذلك حبيت استشيركم

قبل ماراسل المعهد الان


انتظر ردودكم