بخصوص المبالغ اللي تطلبها منكم المكاتب مقابل القبول

السلام عليكم

بتكلم بخصوص المبالغ اللي تطلبها منكم المكاتب مقابل القبول طبعا المبتعث والمرافق نفس الشي بالقبول كلها مجانيه

مع الاسف انتم جعلتوا المكتب الخاص بجلب القبولات يتعامل معكم على اساس انكم بتدرسون على حسابكم الخاص

ونفس الشي عند مرسلة المعاهد جعلتوهم يعاملونكم معاملة الدراسين على حسابهم الخاص .....

انتم مبتعثين ولازم تعرفوا ان القبول مجانى

المكتب اللي يطلب منك فلوس ويقول لك ان المعهد اللي انت طالبه ليس موجود بالقائمه عندنا ويخليك تدفع فلوس

هذا نصاب المفروض يشرح لك الوضع الصحيح بان تطلب نقل ملفك للمكتب اللي يوجد لديه المعهد اللي انت طالبه هذا لو قام يخلق لك اعذار

الحقيقه ان المكتب بكل الاحوال ان كان عنده المعهد بالقائمه او لا او تعا مل معه او لم يتعامل يحضر لك قبول على حساب المكتب

والوزاره بتعوض المكتب لكن المكتب ما يبغي يدفع فلوس وحاط قائمه للمعاهد اللي تعطيه قبولات بدون ماتاخذ منه اي مبلغ وياخذها المعهد بعد مايوصل الطالب من الملحقيه

يصير كذا المكتب ياخذ فلوس من الوزاره لجلب القبول بدون مايدفع اي مبلغ ....

المفروض المكتب يدفع والوزاره تحاسبه على جلب القبول + قيمة القبول اللي قام بدفعها..

يوجد عقد بين المكتب والوزاره لو المكتب مفلس وما عنده راس مال تغطيه او خايف من تاخير الفلوس عليه من الوزاره

ليش يورط الطلاب ويقوم بدخول المناقصات مع الوزاره ...

الغلط منكم بالاول والاخير اي مبلغ يطلب منك ... انسخ الرساله وارسلها للوزاره واطلب الحل منهم

يا هم يقمون بتفاهم مع المكتب ويجبرونه على احضار لك قبول او تغير ملفك من المكتب ...

لو وصلت شكاوى منكم للوزاره بيحلون الوضع اما سكوتكم وخوفكم

من التاخير او خوفكم من يصير شي للابتعاث الخاص بك يخليكم تسكتون هذا ذنبكم ..

انتم مبتعثين ولكم كل الحق بمخاطبة الوزاره والاعتراض على اي شي تجده غير منطقي

كلمة اقولها لكم البعثه ما احد يقدر يلغيها لك ولا يستطيع ان ياخرك ...

اعرفوا اللي لكم واللي عليكم .....

البعثه حق من حقوقكم مو صدقه تخافون احد يخذها منكم...

واي استفسار بخصوص القبولات لطلاب كندا ممكن افيدكم مع الاسف الدول الاخرى ما اعرف نظامها نهائيا ..


موفقين خير

up
up
up
up
up
up
up
up
up

وعليكم السلام

انا قلت بشوف المكاتب وش يردون علّي بخصوص القبول
مكتب إيجيك فقط طلب مني رسوم الابليكيشن اللّي هي 600 ريال بحجه انه المعهد مو متعاملين معه مثل ماقلت إنت
ومكتب تجسير طلب مني 950 ريال !!

انا شفت رسوم الابليكيشن همّ بالفعل طالبين 600 ريال
لكن تجسير ماادري بأي حق بيآخذ 350 ريال

وإذا بمشي ع كلامك حتى مكتب إيجيك مايحق له يطلب مني الـ 600 ريال صح ؟

حالياً انا طلبت القبول من الملحقيه وما طلبو مني اي رسوم وبإنتظارالقبول بإذن الله

جزاك الله خير اخوي

نا الحمدلله جاني الضمان وطبعا مانتو عارفين مش مكتوب اسم المعهد
بس في الملتقى اخترت 3 معاهد
ارسلت

اتصلت

لايوجد رد من الناحينين

انا اخترت مونتريال

وابغى اغير الى اوتاوااا

اش رايكم بهذا الضمان اقدر اقدم فيه على قبول في اواتااااااوا
تفاديا لمضيعة الوقت
تعبت وطفشت من عدم الرد

وش الحل ؟؟؟؟؟

وبخصوص طيب الطفل الجديد

الى ما له جواز

انا جاني ايميل من الوزارة او لازم المرافقين لهم جوزات لوحدهم

الحين شو اعمل ؟؟

وشكرا

موضوع جميل لكن للأسف جاء متأخر وفي اخر البعثه لنسبه كبيره من طلاب المرحله السابعه

مايحتاج الدوش هذا كله
راسل الملحقيه وهي تجيب لك القبول
بس عبي لنموذج وارسل شهادتك وجوازك والضمان

قد انها زحلطن :(

اقتباس:

---

المشاركة الأصلية كتبت بواسطة monka

مايحتاج الدوش هذا كله
راسل الملحقيه وهي تجيب لك القبول
بس عبي لنموذج وارسل شهادتك وجوازك والضمان

---

اي نموذج تقصدين؟؟؟؟؟
الابليكيشن؟؟

و بالنسبة لصاحب المووووووضوع ابي اسالك .. رسوم الابليكيشن كمان ع الوزارة؟؟

احنا المبتعثين راسنا الملحقيه وعدتنا بالقبول ، باقي المرافق ورطه شنسوي ..؟

ب التوفيق .

مشكور ع الموضوع الرائع ومااااااااقصرت
وانا فعلا طلبوا مني مكتب تجسير 950
بحجة المعهد مش موجود عندهم في القائمة