استشاره لأهل العقول النيره

السلام عليكم
كيفكم يا مبتعثين انا ابغى مشورتكم
اولا انا رشحت للأبتعاث ولله الحمد ثانيا جت وظيفه حكوميه ما خططت لها وراح يصير ترسيمي بشهر 3 الجاي وقريبه من بيتي براتب لا يقل عن 7الاف ريال طبعا واسطه من قريب زوجي
ثالثا قدمت على ماجستير مسائي بجامعه الامام وطلع اسمي بالترشيح لأنها بوقت تقديم البعثه فقلت سجلي يابنت يمكن مايطلع اسمك بالبعثه
ايش رأيكم بالثلاثي العجيب
طبعا كلها بكفه والبعثه بالنسبالي بكفه وانا كتبت الموضوع بسبب زن زوجي علي بعد ما كان متحمس اكثر مني صار يحاول يقنعني ان الغربه صعبه خصوصا مع طفلين وانو راح اخسر الوظيفه ونتبهذل هناك وبعد الي زاد الطين بله وابوه صار اقرب اولاده له بعد ما عرف انو راح يروح واخذ لمعرض سيارات وقال خذ الي تبي من السيارات و اخوه يكلمه من امريكا ويقوله لا تجي وتتبهدل زيي وهو ما صار متحمس ابد وبس يحاول يتهرب اذا فتحت موضوع الابتعاث مع انو مو خسران شي
ايش رأيكم ياهل العقول النيره معي ولا مع زوجي وانا والله الى الان مصره على الابتعاث بس الله يهدي زوجي

اولاً الف مبروك وعقبال الافضل ان شاء الله ....

بالنسبة لوضعك فأراه يحتاج لجلسة تعقل وحسبة للايجابيات والسلبيات في كل امر

اولا عليك بالاستخارة

ثانياً ارى ان الموضوع محسوم نوعا ما من عائلة زوجك فأبوه لا يريده يذهب واخوه ينصحه بعدم المجئ والاهم ان زوجك متردد بشكل كبير بعدم الذهاب

ثالثاً .. وضعك ولله الحمد تحسن للافضل بنسبه كبيرة بمعنى انك كنتي تريدين الغربه لاجل الماستر والماستر تحقق لك مع وجود وظيفة وبين اهلك

رابعاً ... المصاريف المالية في الغربه تكاد تكون قاتله لمن لدية اطفال وهذه امور معروفه فمثلكم لديه طفلين وهذا مكلف عليكم فمصروف الحضانه والاطفال والغربه متعب نفسيا قبل الجسد

خامساً ... اذا اردتي نصيحتي فمن وجهة نظري ان الجلوس بين ابنائك ووظيفتك واهل زوجك وزوجك ودراستك افضل بكثير من الغربه التي لا يعلم هل ستجنين من ورائها مكسب كبير ام لا


الابتعاث قديما مغري اما الان فالامور بدأت تتعقد من ناحية الوظائف للخريجين


وفقك الله وكتب لكم الخير اينما كان

وعليكم السلام ورحمة الله وبركاتة


مع كلام اخوي بو مشاري الوضع بالغربه كـ السكن الجديد مع البحث المتعب والمرهق وربما تحصلي سكن بسهوله
لكن التنقلات وكونك مع طفلين راح تتعبي ربما مع زوجك ينهضم هذا التعب
فـ وجودك بالغربه راح يكلفك الكثير من الجهد النفسي والمعنوي والمادي لـ تاثيث سكنك من والى
والتركيز والموازنه الاسريه بين الاربعه ثلاث اشخاص + دراستك
:
طلما وضعك في البلد تمام وماعليك اي قصور صحيح تطمحي لـ زياده تحصيلك التعليمي لكن اذا وضعك الحالي سليم
أجلسي بدارك عند احبابك مرتاحه ترا البعثه مرارة الجديد والتكيف العائلي من جديد
الحمدلله ... رب العالمين فتح لك ابواب عدة بوجهك وخيرك مابين الافضل والمفضل لديك
أخذي المضمون والقريب من يدك أفضل من البعيد المتعب المرهق لحياتك ولحياة أسرتك
:
القرار يعود لك خيتو الله يوفقك ويسهل عليك
:o

إذا حصـل لأحـد أخـواتي أو قريبـاتي وضع مثـل وضعـك
بعد الإستخـاره والتـوكل على الله,
سـأقـول لهـم أختـاروا الوظيفـه والبقـاء هنـا،،، لعـدة إيجـابيـات تطغـى علـى إيجـابيـات الإبتعـاث.
تكملـة الماجستيـر في جامعـة الإمـام.
وظيفـه مضمـونه،،،بعكـس الإبتعـاث بعـد سنين الغربـه قـد تجديـن وقـد تتأخـري على الحصـول علـى وظيفه وبالقـرب من أهلك.
الإستـقرار النفسـي لك ولزوجـك بوظيفتـه الحاليـه.
إذا كـان الهـدف من الإبتعـاث إكمـال الدراسـه,,قد تهيـأت لك هنـا إكمـال الدراسـه.
وعـدة إيجـابيـات أنتـي أدرى بهـا من غيـرك.

وفقك الله للأختيار السليم
في أمان الله

ماشاء الله لا قوة الا بالله مبروك الفرصتين و ربي يسهل لك اصلحهما لك قلب

ويا قلبي انتي اكيد استخرت من قبل او استخيري حاليا

المهم ترى ربي فتح لك فرصة وفرج كبير

تخيلي زوجك أصر على موقفه من البعثة وانت اصريتي تروحي هل ستخاطرين باستقرار اسرتك علشان بعثتك؟؟؟

كمان حطي نفسك بموقف ان زوجك مارضي وما كان عندك فرص غير البعثة يعني ما جاتك الوظيفة والماستر ربي جمع لك بين العلم والمادة

فقيسها صح يا قلبي وحددي فرصك نجاحك وين بتكون

لانه مو كل من طلع ناسبته البيئة

اعرف زوجين جالسين يدوروا نقل لمكان ثاني بلد عربي اخر مو قادرين يتحملو الوضع هناك

فانت ادعي الله يلهمك الصواب واستخيري يااقلبي وزي ما قال ابو مشاري احسبي كل الايجابيات والسلبيات


وربي يوفقك يارب

وظيفة وقريبة من البيت وراتب محترم وكمان فيه فرصه ماستر مسائي إذا لك رغبة ف الدراسة ..
أنا اشوف الوضع كذا مغري جدا ..
وفيه سؤال هنا ؟؟حتى لو رحتي هناك ؟؟
ماراح نقول إن فيه فشل أبدا ؟؟ لكن كم تعطي نفسك نسبة ف النجاح والتميز بعد توفيق الله طبعا ً .. كل إنسان اعرف بقدراته ؟؟
ولو نجحتي بعد البعثة بترجعي ثبحثي عن وظيفة ؟؟
{ وظيفة حكومية براتب جميل بشكل عام, وقريب من البيت ,, انا اشوف فرصة قد لا تتكرر !!

الوظيفه الحكوميه مع راي الزوج
عصفور بالايد ولا عشره على الشجره
ربي يوفقك لكل خير .

اولا الف الف مبروك (( الله يعطيك خيرها ويكفيك شرها))
ثانيا اكييييييييد اكييييييييييييييييد رأيئ من رأي زوجك طبعا
الحمد الله جاتك وظيفة وقريبة من بيتك والراتب كويس ,,
عصفور باليد ولا عشرة على الشجرة,
ثالثا اذا عندك نية تكملي ماستر كملي مسائي في جامعة الامام

ماشاء الله تبارك الله مبروك عليك البعثه والوظيفه

ما راح ازيد على الكلام الي انقال لكن بقول يمكن انها خيره هالوظيفه تبعدك عن البعثه الي انتي متحمسه لها وعسى ان تكرهوا شيئا وهو خيرا لكم
استخري وشوفي

شكرا لكل من رد علي وجوزيتم الف خير وحقق الله امانيكم واماني
ووالله مع كل رد اقراه يجيني مغص ببطني يعني الى هذي الدرجه الغربه صعبه احس انها تجربه وخبره لي ولعيلتي يعني امورها بتعدي وانا ولله الحمد شاطره بدالراسه
وشكرا لكل واحد على وقته ورأيه بالموضوع ما اخفيكم بديت افكر بكلامكم بالنهايه ما خاب من استخار وما ندم من استشار ورأيكم يهمني والصراحه لنا 3 ايام وانا وزجي شبه متجافين شوي بسبب الموضوع والي عنده اضافه لا يبخل علي بطرحها