طلع اسمي في التدريس اليوم..اروح له ولا للإبتعاث.؟ نصيحتكم

السلام عليكم ورحمة الله وبركاته..


اخي الكريم انا نفس حالتك طلع اسمي بالمطابقة يوم كنت بالملتقى..

بس كنت باخذه لسبب بسيط اني انقلش وكنت طالع حاسب آلي بس لما سالت الدكاترة عن امكانية تكميلي بعد اللغة ماستر انقلش..خلاص ارتحت وقلت بسحب ع الوظيفة..

بعلمك بوجهة نظري .. انا طبقت تربية ميدانية في مدرسة متوسطة..وكرهت التدريس في المدارس فقط ولا الجامعات هي طموحي..

ناس لاموني كثير قالوو يا غبي وظيفة واقعد احسن لك..انا عارف نفسي لو اخذت الوظيفة راح اتعود ع الراتب واتزوج وخلاص يصير روتين عندي..

عندنا امام مسجدنا له فوق 10 سنين يدرس..كنا نتحادث انا وياه يوما ما..قال والله يا وليد التدريس تعب..وفيه ولد عمي مدرس يقول مافيه احسن من التدريس..

نرجع لوضعي..عمي قال كلمة حلوة واللي هي " حرام واحد مستواه عالي في البكالوريوس وواحد مستواه متوسط وكلهم يصيرو مدرسين ولا اي فرق حتى في الراتب"

في عدة حالات انصحك لا تروح ألا وهي :

1- اذا انت رايح عشان سمعة.
2- اذا انت رايح عشان سياحة.
3- اذا انت رايح عشان تطقطق.
4- اذا انت رايح عشان بس يقولون طالب امريكا.


وفي حالات انصحك تروح فيها:
1- إذا إنت عندك طموح انك تكمل للدكتوراة .. لانا سالنا احد ربعنا في السفارة الجزائرية وقال لابوي اذا ولدك طموحه ماجستير خله يمسك الوظيفة لان الماستر زي بعضوو الحين..اما اذا كان طموحه BHD فخليه يكمل احسن له.
2- اذا انت تبي تسوي شي في حياتك..لان الحياة وحده مو ثنتين.
3- ودامك شريعة.لعل الله يفتح لك باب رزقه وتتعلم اللغة وتصير ممن يدعون إلى الله بالحكمة والموعظة الحسنة..والله يخوي اني كنت بطلع ع تخصص حاسب آلي وقلت بمشي حالي فيه..لكن بنفس الوقت كنت اتمنى اقل اقل شي انه يسلم واحد ع يدي.
4- تذكر قول النبي - صلى الله عليه وسلم - : ((من سلك طريقا يلتمس فيه علما سهل الله له به طريقا إلى الجنة )).

شف انت اسال وتاكد من اصحاب الشأن إذا يمديك تدخل في التدريس بعدين تقدم اجازة بدون راتب..لان كثير صجوني بهالطريقة.


أتمنى إني افدتك اخي الكريم..واوصيك بالدعاء في الثلث الأخير من الليل فوالله إنك ستجد ضالتك هناك..

وعسى الله ييسر امورنا واموركم...




..