بنتي والبراد

هلا والله بسكروته
دائماً سباقة الى مثل هاي المواضيع
الحين ارد عليك

تصدقين يقولون عندهم صح ثلووج بس مو زي بردنا برد الصحراء مووت
وتطمني عندهم البيوت فيها نضام تدفيه وبنتك لبسيها زي اطفالهم لبسهم ثقييييل فيه جاكيتات لبس كامل للاطفال
وماشالله نشوف اطفالهم يطلعون ويلعبون بثلج وعااادي توكلي ع الله وان شالله تتأقلم (:

حقيقة انا ان شاء الرحمن رايحة اوهايو ويقولون برد
وطبعا اولادي مايحبون شي اسمه برد
والله يستر
حاطه في بالي
اخذ لهم ملابس شتوية ونلبسهم ادوار يعني كم طبقة
زيت زيتون
وعسل وتمر
ويمدحون الفازلين لدهن المناطق المكشوفه في الجسم
لانه يعمل حاجز ويمنع دخول الهواء البارد
>>>>>يقولون ماجربته
بس اللي سمعته ان التدفئة هناك شغالة في المدارس والجامعات والسيارة والمنزل >>يعني يقولون

وعليكم السلام ورحمة الله وبركاتة

البرد برد اخواتي في كل مكان يكسر عظامك هههههه
والاكيد تختلف حالة البروده من منطقه الى منطقه ولكن الحاله برد ومطر
:
شوفي اختي العزيزه وفري لبنتك ولك ملابس شتويه وبذات البجامات القطنيه وشربات دايم لبسيها كثري منهم
مثل ماقالت خيتو اذا وصلتي بالسلامه اختاري سكن فيه التدفئه مركزيه بشكل وحده مباشره على الشقه كلها
لمن تشغلي التدفئه بتشوفي الشقه دافئه بشكل ماتتصورينه عن الخارج واهم شي ابحثي عن سكن مفروش
لان الارضيه تصير بارده حيل
ولا تخرجي كثير برا الا وانتي ملبستها عدل ومشتيتها علشان تتدفى ولبسيها قبوع كامل
جهزي عدتك من البلد احسن من تشتري من امريكا لان هنا ملابسهم غير شكل ويعتمد على الولايه الي بتروحي فيها
:
بعض الولايات تغيرت الاجواء السنويه مثل ولايتي تاخر نزول الثلج هههه مسكين شكله خايف
بس البرود ه تحت الصفر دائم حتى بالنهار والشمس ساطعه
والامطار يوم ويوم ماشاء الله خير وبركه على كثر الامطار الي تنزل ماتحس ان في مطر
لو اني بالبلد كان صرت سباح ماهر ههههه
:
الله يوفقك ويسهل عليك ويبعد عنكم كل مكروه ويشفي بنتك

مشكورة حبايبي
يعني الفازلين زين؟؟؟؟
طيب من فين اشتري ملابس شتويه صوووف من محلاتنا بس اسعاااارها رخيصه ؟؟؟؟

الملابس تلقينها بأسواق الهرم سواء اللي بالدمام او الرياض اسعارهم ارخص من المجمعات الماركه

لكن بشكل عام الملابس الشتويه ايام الشتى اسعارها فوووووووق

انا محتاره كم لبس اشتري لبناتي
لأنهم يقولون الاسعار رخيصه في كلورادو
واخاف اكثر من هنا ويطلع وزن الشنطه الوحده اكثر من المطلوب واروح ادفع ع الوزن الزايد


لكن اهم شي اني راح اخذ ادويه معي فيفا دول شراب وتحاميل اطفال
وشراب السعال
وقطرة انف

بس مسموح لي بأخذ الادويه

بصراحة سيتي ماكس
فيه ملابس حلووة للبرد عندهم وقت للتخفيضات ...
اما البجايم القطنية ناخذ تبع دروش مرة حلووة ومتينة ومتتأثر بالغسيل ...
والله شايلة هم الاولاد والبرد .......؟؟؟

بحكم التخصص انصح بالملابس الدافئة وانصح ان تكون من الراس حتى القدمين

وكذلك بالنظام الغذائي المتوازن للطفل

وتدفئة مكان الجلوس والنوم بدرجة حرارة مناسبة ( لا افراط ولا تفريط )

احرصي على ملابس القطن فهي مناسبة للطفل

قرأت الموضوع بنتي والبُراد____ قلت خير اش الهرجه


الله يحميها بس اشوف انو عادي رح تتأقلم لو بيضرها لاسمح الله كان كل اطفال امريكا تعبانين
الله يحفظها لك