تم اصدار قرار الابتعاث وامر الاركاب والاجازه الاستثنائية ( اي سوال انا حاضر )

اسال الله العظيم رب العرش الكريم في اخر ساعة من يوم الجمعة ان يوفقك ويسهل امورك

الســلام عليكم ورحمـة الله وبركاته

أخـوي مجروح ويكابر ..كيف حـالك ؟؟
إنشـاء الله تكون بـخيـر وصحـه وعـافيــه .. بصراحــه أسعدتني ردودك إللي تشرح الصدر .. لا أريد الإطـاله عليك .

أنا وبصراحــه مخطط للإبتعــاث وقبل كل شي . أنا حديث الزواج . وفكرة إني بدل مـا اعمل زواج وزي منت عـارف إن مصـاريف الزواج مــررررررهــ كثيره
فقلت لـ ـو إني أطلع فيهم بعثه على حسـابي و إنتظر قبولي في برنامج الإبتعــاث .

ســؤالي لكـ .. وش الإجرائـات إللي أعملهــا .لأني وبصراحــه مرررررررررهـ تعبت من كلام هــذا .. وهــذا ..
وش الخطوات إللي أبتدي فيهـــا ..

هــذا ولك مني جــزيل الشكـر والعرفـــاان

اللهم امين لنا ولك ولجميع المبتعثين والمبتعثات ولجميع المسلمين والمسلمات اللهم امين

وعليكم السلام ورحمة الله وبركاته
تمام والحمد لله رب العالمين
انا اخوي مثلك طالع على حسابه الخاص
الطريقة سهله وبسيطه جدا بس انك تقدم على قبول معهد وقبول جامعة وتفيز طبعا على حسب الدوله اللي انت رايح تدرس فيها
وبعدين تفتح ملف في الملحقية وتنتظر الين يظمونك في البعثه
هذي بطريقة مختصره جدا جدا
وفي خطوات موضحه وطويله في المنتدى في الطلاب الدارسين على حسابهم الخاص مواضيع كثيره مثل الموضوع هذا ادخل
عليه واستفد بس ترى الموضوع بسيط جدا وميسر ان شاء الله
اي سوال انا حاضر
الله يوفقك وييسر امورك
الله يوفق الجميع

..صحيح قبل مـا انسى أخوي مجروح ويكابر.
وش الدول إللي ترشحهـا لي . من حيث الدراســه
انا طبعــآ شهـادتي دبلوم برمجيات . وزوجتي في الوقت الحـالي تدرس بـ جـامعـه الملك فيصل ( تخصص إنجليش ) .
:::: أتمنى إنك تقدر الوضح والحيره إللي أنا فيهـــا ::
لأن مـا اخفي عليك وضعي المـادي بسيط وخـايف ومــوووووو عـارف من أين أبتدى ... لأنهـاا مجـازفــه /،/،/،/،/،/

أكرر إعتذاري لك مره اخره . على الإطـاله

لا عادي جدا قل اللي عندك ولا تخاف اي شي تبي تقوله قوله ولا يهمك انا هنا في خدمه اخواني واخواتي المبتعثات
واي شي مستحي تقول عندك الخاص ولو تبي نتواصل باي طريقة اهم شي اقدر اخدمك
شوف الله يطول عمرك الدول كثيره وكل دوله فيها مميزات وعيوب
لكن انا من وجهة نظري يعني قد تكون خطا وانت بعد تاكد وشوف اللي يصلحلك
انا اقول امريكا ليش لان الجامعات كثيره مره وتخصصات الحاسب كثيره انا تخصصي حاسب وبحثت في اكثر من جامعة
واشوف انها انسب واحسن
واعرف انك منحاس ومتلخبط ووضعك المادي بسيط لاكن كلنا على ما قالو في الهوى سوى انا ما اقول لك انك طلعت بمليون ريال
بس طلعت ما يقارب من عشره الف الى عشرين الف ريال واستاجرت شقة وساكن الحين بفندق واموري تمام التمام وناوي اشتري سياره
اهم شي تختار ولاية رخيصه مو غاليه عشان تمشي امورك تمام وانت بكيفك وانصحك تكثر من البحث يعني خلك على طول تبحث في الدول والولايات
الين تلقى اللي يناسبك ويصلح لك والقرار في الاخير بيدك
اسال الله العظيم انه ييسر امورك ويختارلك اللي فيه صالح لك اللهم امين
الله يوفقك
الله يوفق الجميع

اخوي يوم اصدرو لك قرار الابتعاث طلبو منك صورة من وثيقة التخرج اذا كان معك باكلريوس ولا شهادة الثانوية ؟

لمن بحاجت هذا ايميل الاستاذة عبير


atariri@mohe.gov.sa

طلبو صوره وثيقة التخرج

اخوي الحمدلله عالسلامه وربي يوفقك ويفتحها بوجهك


سؤالي الشهادات والأوراق يبونها صور طبق الاصل؟

وتقدر تختار عالخطوط البحرينية؟

واي مكتب طلعت منه الفيزا بسرعة ماشاءالله انا بمكتب الفيفا وقالو لنا من شهر الى شهرين

ودراستي تبدا بشهر فبراير

ربي يجزاك كل خير