تم اصدار قرار الابتعاث وامر الاركاب والاجازه الاستثنائية ( اي سوال انا حاضر )

اسف على التاخير
انا ما ادري في اي مرحلة وصلت انت يعني اخذت القبول قدمت على الفيزه طلعت قرار الابتعاث والا باقي
الاجازه الاستثنائية لازم قرار الابتعاث معك
الاجازه الاستثنائية طلعتها في يوم واحد بس يبيلك تجيهم من الفجر عشان تخلص بعد الضهر عشرين الف توقيع حتى البواب حق الاداره لازم يوقعها ههههههه امزح
بس يمرمطونك شوي رايح جاي يعني راح تمشي مقدار عشره كيلو بس راح تخلص امورك بدري ما عليك اذا كانو الموضفين موجودين كلهم ما فيه احد غايب والا مستاذن راح تخلص في ساعتين او ثلاث ساعات .
موضوع الاجازه الاستثنائية ما عليك منهم خله آخر شي بس المهم ركز على اللي قبله من القبول والفيزه وقرار الابتعاث شهر واحد ما فيه وقت ابدا بس حاول تستعجل
الله يوفقكم وييسر اموركم
الله يوفق الجميع

قرار الابتعاث راح يطلع باسم المبتعثه وانت راح يكون لك خانه بالاخير فيها اسمك وتوقيعك وراح تاخذ ورقه من وزارة التعليم العالي انك مرافق مع المبتعثه ويطلبون من وزاره التربية والتعليم منحك اجازه استثنائية حسب اللوائج والانظمه ما عليك كلها بسيطه بس انت خلص امورك وانسى الاجازه الاستثنائية راح تاخذها غصب عنهم فيه امر ملكي بالشي هذا
الله يوفقكم وييسر اموركم .
الله يوفق الجميع

بالنسبة لي انا ما شفتهم ابدا سالوني عليك قرض ولا لا
بس من الكلام اللي سمعته وهو ان شاء الله اكيد
تقدر تاخذ الاجازه الاستثنائية ويصير حسابك بالسالب بس
الله يوفقك ان شاء الله
الله يوفق الجميع

حاليا ,,,,,,,, ما عندي اي شيء اضيفه
بس حبيت اقلك يا اخ / مجروح ويكابر الله يجزاك كل خير ويرحم والديك ويوفقك

شفت اخر سبع كلامات من كلامك
والله العظيم ما ادور الا هي
ما ابي الا الدعاء
وما اسوي كل هذا الا لوجه الله
شي مريت فيه وحصلت ناس ساعدوني وفتحو عقلي على اشياء ماكنت اعرفها واشياء ما عرفت اسويها وجزاهم الله خير في الدنيا والاخره
وطبعا راح اقدم المساعده باكبر شكل ممكن
وهذا شي اسويه وراح يجي يوم من الايام وراح تسويه انت
الله يقدرنا على مساعده الناس
الله يوفق الجميع

حابه اسألك انا اللحين اخذت الضمان لاكن لسى ماارسلت للمعهد عشان القبول وابي المرافق يدرس معي ومااعطوني ضمان مالي له الوزاره
وكيف ارسل لهم الرسوم مع الأوراق المرسله لهم عن طريق البريد وإلا كيف مو عارفه

الوزاره تعطيك ضمان لك انتي وحدك لانك مبتعثه بس المرافق في الوقت الحالي يدبر شهاده بنكية باي حساب ابوه عمه خاله جده اي حساب وبعدين ترسلون اوراقكم على المعهد في نفس الوقت عشان يجيكم الرد في نفس الوقت
طريقة التقديم على معهد انتي بالخيار اما بنفسك او عن طريق مكتب انا بالنسبه لي كان عن طريق مكتب
وطرق ارسال الاوراق العاده تكون سكان وترفع الى المعهد اون لاين وبعض المعاهد يطلب ارسالها بالبريد على حسب معهدك
خلاصه الكلام الضمان لك وحدك والمرافق يجيب شهاده بنكيه وبعدين يطلع معك اول ما يوصل هنا يعطونكم ضمانات ثانيه لك ولمرافقك يعني ما فيه خوف ابدا بالنسبه للمرافق
انا مرافق وكنت خايف من النقطه هذي بس الحمد لله درست اسبوعين ولا احد سال عني وبعد اسبوعين ارسلت لي الملحقيه الضمانات لي واحد ولزوجتي المبتعثه واحد
الله يوفقكم
اسف على التاخير
الله يوفق الجميع

بسمه تعالى

لقد تبقى لي قرار الابتعاث وامر الاركاب
وقرأت الكثير من المواضيع ومع ذلك احتاج الى التاكد من بعض النقاط لو تكرمت

من اجل استخراج قرار الابتعاث
نعبئي الاستمارات الخاصه بقرار الابتعاث وامر الاركاب
ونذهب الى الرياض (سؤالي اين نذهب الى اي مبنى )لقد تم كتابه العنوان في حي الغدير
وبعد ذلك اي بعد اصار الامر اذهب الى الحجز واحجز التذكرة وخلاص ...


بنسبه للمحرم والدي وهو لن يدرس فقط مرافق لي
متى يتم صرف المكافاة الخاصه به

سمعت الكثير من الكلام الخاص بموقع الوزارة الالكتروني انه يتم الحجز ع الموقع
ولكني لم استوعب الكلام ..
فهل هناك خطوات نخطوها على الموقع الالكتروني وتخص قرار الابتعاث وامر الاركاب ...

بنسبه لفتح الملف يتم على موقع الوزارة الالكتروني ؟؟؟

وشكرا جزيلا لكم على جهودكم

الف الف مبروك والله يوفقكم ان شاء الله ..