تم اصدار قرار الابتعاث وامر الاركاب والاجازه الاستثنائية ( اي سوال انا حاضر )

اخي الكريم هل تستطيع اختيار اي شركة طيران بالنسبة للخطوط وهل تحدد خط سير الرحلة حتى لو فيها ترانزيت وهل اقدر ادفع الفرق واخليها درجة اولى وشكرا

اللي حاب يسال عن اي شي لا يرده الا اصابعه على الكيبورد وانا حاضر باي وقت
الله يوفقكم جميعا

مشكور يالغالي .. اتمنى لك التوفيق الدائم والسعاده الدائمة يارب..

نعم تستطيع اخيار اي شركة طيران وتحديد خط سير الرحلة التي تناسبك وتستطيع تحديد الايام في الانتظار يعني لو حاب تفلها يومين في تركيا وتطلع لامريكا ما فيه مشكله بس الفرق للتحويل للدرجه الاولى اعتقد فيه بس مكلفه شوي يعني فرق السعر راح يكون عالي مره

اخوي مجروح صباح الخير الله يعطيك العافيه
عندي سوال هل فيها صعوبه الاجازه الاستثنائيه انا معلم بادارة الرياض
مع العلم اني معلم جديد
ادامكم الله

صباح الانوار
لا ابدا ما فيه صعوبه ولا شي ان شاء الله تتيسر الامور بس اهم شي يوافق مديرك لانهم راح يكلمونه ويقلون انت تقدر تغطي العجز اللي عندك لو قال ايه تمشي امورك على طول
صح راح تتعب شوي خاصه في ادارة الرياض راح تمشي ما يقارب عشره كيلو عشان توقع ورقه عشرين الف موظف وعشرين الف توقيع بس حاول تجيهم بدري عشان تخلص في نفس اليوم

الله يعطيك العافيه ماقصرت
بس انا خايف يقولون انت جديد ومانعطيك اجازه هذا اللي مقلقني
العذر ازعجتك

ما اظن انهم راح يقلون شي انا ما سالوني اول سنه والا ثاني سنه انت قدم وتوكل على الله كل شي سهل ومتيسر ان شاء الله لا تخاف توكل على الله وقدم

سلااام ..
أولًأ مبرووك و ربي يوفقك
و ثانيًا :
ممكن بس كم سؤال :
أنا من الشرقية و مو متأكدة وين أروح في الرياض مفروض أروح وكالة شؤون البعثات عشان أصدر القرار صح ؟! << أدري سؤال عبيط !
و النماذج الي نعبيها لإصدار القرار بس نموذج واحد الي هو حق التعهدات ؟
وبالنسبة لخريجي الثانوية ومبتعثين باكالوريوس نستلم الشهادة الأصلية للثانوية؟ و إذا نستلم ممكن ولي أمري يستلمها عني ؟!
و هل أوراق أمر الإركاب تختلف عن الأوراق الي يحتاجوها لإصدار قرار الإبتعاث ؟ أو نفسها بس ناخذ نسختين من كل شي ؟!
و هل أقدر بعد ما أخذ أمر الإركاب أني أخذ التذاكر من مكتب الطيار الي في الخبر مثلًا ؟!

أدري طولتها و الأسئلة عبيطة شوي بس يعني .... الله يعينك و مبرووك مره ثانية
و شكرا ..بالتوفيق

السلام عليكم و رحمة الله وبركاته
عندي سؤال :
هل يعطى المواظف الجديد اللي اقل من شهرين اجازة استثنائية كمرافق مع المبتعثة ؟