تم اصدار قرار الابتعاث وامر الاركاب والاجازه الاستثنائية ( اي سوال انا حاضر )

بسم الله الرحمن الرحيم
الله يسعد ايامكم
اللهم لك الحمد حتى ترضى ولك الحمد اذا رضيت ولك الحمد بعد الرضى
قبل كل شي نصيحة لكل المبتعثين وغير المبتعثين
اذا اردت ان تتيسر امورك حافظ على صلاتك وادع الله ان ييسر امورك وراح تلاحظ هذا في كل عمل لك ادع الله وبمشية الله راح تتسير معك من ضمان الى معهد الى قبول الى اصدار الى سفر الى حياتك كلها
تم بحمد الله اصدار القرار في اقل من ربع ساعه واصدار اوامر الاركاب في اقل من ساعه واخذ الاجازه الاستثنائية في يوم واحد ولله الحمد والشكر من قبل ومن بعد
اي اسئلة بخصوص قرار الابتعاث او اوامر الاركاب او الاجازه الاستثنائية للمعلمين انا حاضر باللي اعرفه

لا تنسوني من دعائكم

الله يوفق الجميع

مشاء الله تبارك الله

اخوي انا ماحصلت على الضمان ودي اعرف متي يتم اصدار قرار الابتعاث بالضبط وهل تاخير الضمان تاثر علينا

بالتوفيق ان شاء الله وعقبال الباقيين ياارب .. الله يسهل الامور

ما شاء الله تبارك الله
ألف مبروك ياخُوي
والله يسهل لك سفرتك ياربّ
وعقبال الجميع : )

اقتباس:

---

المشاركة الأصلية كتبت بواسطة أعشق أمي

مشاء الله تبارك الله

اخوي انا ماحصلت على الضمان ودي اعرف متي يتم اصدار قرار الابتعاث بالضبط وهل تاخير الضمان تاثر علينا

---

يتم اصدار قرار الابتعاث بعد ما تحصلين على الضمان المالي وتحصلين على قبول المعهد وتحصلين على فيزا من السفاره الامريكية
تاخير الضمان لا ياثر عليك بس راح تتاخرين على الفاضي حاولي تحصلين على الضمان باسرع وقت عشان تراسلين المعهد وتحصلين قبول وتقديم على الفيرا وتصدرين القرار
الله ييسر امورك وامور كل المبتعثين
الله يوفق الجميع

ماشاء الله
بالتوفيق والسداد لك ان شاء الله
والله صراحة عندي مجموعة من الاسئلة ( ياليت لو اقدر اتواصل معك )
وان شاء الله انو صدرك يسع للأسئلة
والله يجزاك كل خير يارب

ماشاء الله تبارك الله ..

الله يوفقك و يسهل عليك كل خطوة ..

و يسهل ع الباقيين امورهم ..

اقتباس:

---

المشاركة الأصلية كتبت بواسطة طموحي للمعالي

ماشاء الله
بالتوفيق والسداد لك ان شاء الله
والله صراحة عندي مجموعة من الاسئلة ( ياليت لو اقدر اتواصل معك )
وان شاء الله انو صدرك يسع للأسئلة
والله يجزاك كل خير يارب

---

انت لا تسأل انت آمر بس
كل اللي اعرفه راح اجاوب عليه على طول
جميع اسئلتك راح ارد عليها لو تقعد تكتب من الحين الين بكره ما عندك مشكله
بس لا تنساني من الدعاء
الله يوفق الجميع

اخوي الله يوفقك وييسرك امورك مبروك

وبصراحة شي حلو انك خلصت هالامور وتفكيت من بدري

اخوي حاب اسالك سؤالين

1-الحين قرار الابتعاث وامر الاركاب عرفتها بس الي ماعرفته هو الاجازة الاستثنائية ياليت تقولي من وين وحقت ايش وش تفيد ؟؟ لاني اول مره اسمع عنها

2-ايش يكتب في امر الاركاب يعني هل يكتبون اسم المكان او الولاية الي بتروح لها ؟؟؟ وهل يكتوبن التاريخ الي بتروح فيه ؟؟؟

وعلي اي اساس يكتبو تاريخ يعني انت تعطيهم تاريخ معين ولا هم يحطون ؟؟؟

حاب اخذ نصيحتك

انا الحين لو بسوي الفيزا واطلع امر الاركاب وحطيت تاريخ هل يلزم الالتزام به لاني يمكن ااخر البعثة شوي

ولاتنصحني اطلع امر الاركاب اذا بطلع من جد يعني مايكون فيه احتمالات

اسف اذا اطلت عليك

اقتباس:

---

المشاركة الأصلية كتبت بواسطة قاهر الازمان

اخوي الله يوفقك وييسرك امورك مبروك

وبصراحة شي حلو انك خلصت هالامور وتفكيت من بدري

اخوي حاب اسالك سؤالين

1-الحين قرار الابتعاث وامر الاركاب عرفتها بس الي ماعرفته هو الاجازة الاستثنائية ياليت تقولي من وين وحقت ايش وش تفيد ؟؟ لاني اول مره اسمع عنها

2-ايش يكتب في امر الاركاب يعني هل يكتبون اسم المكان او الولاية الي بتروح لها ؟؟؟ وهل يكتوبن التاريخ الي بتروح فيه ؟؟؟

وعلي اي اساس يكتبو تاريخ يعني انت تعطيهم تاريخ معين ولا هم يحطون ؟؟؟

حاب اخذ نصيحتك

انا الحين لو بسوي الفيزا واطلع امر الاركاب وحطيت تاريخ هل يلزم الالتزام به لاني يمكن ااخر البعثة شوي

ولاتنصحني اطلع امر الاركاب اذا بطلع من جد يعني مايكون فيه احتمالات

اسف اذا اطلت عليك

---

الاجازه الاستثنائية لا تخص المبتعثين وانما المرافقين المعلمين
الاجازه الاستثنائية اللي انا مقدمها اجازه معلم لاني انا مرافق ولست المبتعث المبتعثه زوجتي
قرار الابتعاث يكتب فيه معلومات عنك الاسم رقم الترشيح الدوله المرحلة ويكتب ايضا تاريخ انتهاء البعثه في خانة ( المده حتى ) يعني محدده بتاريخ معين
من تصدر قرار الابتعاث يحسب على طول انا حسبو لزوجتي ثلاث سنوات اصدرت قرار الابتعاث في 27 /12/2011 المده حتى 27/ 12 / 2014
اذا ما كان عندك احتمالات فالافضل انك تخلص امورك احسن
الله يوفقك وييسر امورك
الله يوفق الجميع