من مدريد .. اي خدمة لطلاب وطالبات اسبانيا انا حاضر ..

مبتعثين ومبتعثات المرحلة السابعه ... السلام عليكم ورحمة الله وبركاته ..

اتمنى لكم التوفيق يا رب وتعدون مرحلة اكمال الاجراءات اللي بصراحه انمغصصصت فيهاا كثير .. واللله حاس فيكم وربي .. بس لا تخافون ترى تعدي بسسسهوله بس انتو اصبروو شوي والامور كلها تتسهل..

الزبده من هالموضوع .انا اخوكم محمد مبتعث في اسباانيا من طلاب المرحلة السادسه .. اي خدمة لطلاب اسبانيا انا حاظر . باللي اقدر عليه .. واتمنى نشوفكم عن قريب ..

ودي ..

السلام عليكم .. كيف حالك اخي .. احب أسأل عن وجود جامعات تدرس تخصص إدارة اعمال بالانقليزي في اسبانيا.؟؟ ويكون معترف فيها من الوزارة ..

وياليت تفيدنا عن الوضع عندكم من ناحية : الأسعار والسكن والمعيشة بشكل عام ؟ وصعوبة الدراسة من سهولتها ؟؟

وفقك الله يالغالي ..

الله يوفقك ويعطيك الف عافية

انا اسف على التاخير بصراحه ... ابتعدت عن المنتدى لظروف دراسيه .. بالنسبه لسوالك اخوي سي فود اكيد هناك جامعات تدرس تخصص ادراة الاعمال باللغه الانجليزيه فمدريد وغيرها من المدن بس السوال هو هل انت راح تدرس على حسابك الخاص ولا على العبثه لانو بصرااحه صعب جدا اذا كنت مبتعث تدرس باللغه الانجليزيه ويجب عليك الدراسه بلغة البلد اللي هي الاسبانيه <<< كنت مثلك ابي ادرس بالانجليزي بس ما قدرت صعبه بصراحه والدكتور توفيق الشريف المسؤل في الملحقيه الثقافيه في باريس صرح بالشي ذا ويقول انوو قرار من وزراة التعليم العالي ... بس احب اطمنك بعد ما عرفت انوو ما راح اقدر ادرس باللغه الانجليزيه قررت اني ادرس بالاسباني واكتشفت ان اللغه الاسبانيه سهله جدا وممتعه فنفس الوقت والحمدلله الامور تمام الى الان ...

وبالنسبه للنقطه الثانيه : شوف انا كنت فمدريد بصراحه يعيب مدريد غلاء السكن واذا تبي سكن رخيص راح يكون بعيد وتكون المساله صعبه عليك خاصه فالدوام لكبر المدينه .. جلست في مدريد لمدة شهرين وحولت الى مدينة سلمنكا ووجدت الفرق الشااااااسع بصراحه من رخص فالمعيشه والسكن والمعهد الممتااااز وجمال المدينه وكل شي قريب منك تقدر تروح له مشي والاجواء الطلابيه من كل مكان فالعالم ... فرررق 180 درجه بصراحه واذا تبي نصيحتي لا تجي الا سلمنكا لانو اعتبرها افضل مدينه دراسيه في اسبانيا

الله يوفقك ا خ ـــوي / كانت رغبتي 3 اسبانيا بس جت ع امريكا

الله يعطيك العافيه اخوي محمد وماقصرت
انا حاب ادرس على حسابي باسبانيا كم تتوقع المده الي اقدر فيه انظم للبعثه واطلب الالتحاق
وكم اصرف في الشهر بشكل كامل وتقريبا اذا كنت بمدينه سلمنكا

لاهنت اخوي محمد

السلام عليكم


سمعت انو الان في مشاكل بالقبول في الجامعات

انا بجي ادرس بكالوريس علا حسابي ومتامل انظم للبعثه في اقرب وقت هل هذا ممكن خلال 3 اشهر

وشكرا