مبتعث مستجد Freshman Member
كندا
تايه وسط الغربة , ذكر. مبتعث مستجد Freshman Member. من السعودية
, مبتعث فى كندا
, تخصصى تخطيط عمراني
, بجامعة الملك عبد العزيز
- الملك عبد العزيز
- تخطيط عمراني
- ذكر
- vancouver, British Columbia
- السعودية
- Sep 2011
المزيدl January 1st, 2012, 08:19 AM
January 1st, 2012, 08:19 AM
السلام عليكم و رحمة الله و بركاته
بالنسبة للأمور المالية و عند الوصول الى بلد الابتعاث باذن الله
ماهي أفضل طريقة لتحويل النقود من السعودية الى بلد الابتعاث هل التحويل على بطاقة البنك الكندي او الامريكي مثلا أم نقوم باستخراج بطاقة من بنك في السعودية مثلا ( الاهلي او الرياض...الخ ) و يكون التحويل عليها
أم نستخدم بطاقة الفيزا و أيهما أفضل بطاقة الفيزا من السعودية ام من دولة الابتعاث
و على حسب ما ذكر في الملتقى و من الاخوة المبتعثين أنه أغلب الدفع يكون عن طريق البطاقة و ليس نقدا
فما هو الحل الامثل؟؟
عندك عن طريق الويستريون يونييون ...
والافضل خذ لك بطاقة فيزا شحن وحط فيها 10 الاف ...ورسومها في البنك الالي ب 50 السنة .والراجحي 100..شوف لك الارخص..
موفق
benefactor January 1st, 2012, 08:32 AM
7 " اخوي انا طلعت بطاقة " فيزا تسوق " من الراجحي بـ 100 ريال فقط..
وهالبطاقة ما عليها رسوم زي الفيزا العادية..
وميزتها تشحنها شحن يعني تحول عليها من حسابك اللي في الراجحي على نفسم الرقم الطويل اللي ع البطاقة..
بتقول وش الفرق بينها ويبن الصرافة العادية حقت الحساب الجاري..
انا اقول لك..
الفرق يا طويل العمر ان صرافة الحساب الجاري صح ان عليها فيزا بس ما تقدر تسحب إلا عن طريق ماكينات الصرف ATM
وبطاقة التسوق ذي تقدر تسحب فيها من اي مكان حتى عن طريق الانترنت..
واذا فيه اي استفسار راسلني خاص..
وعسى الله ييسر امورنا واموركم..
..
وليد الرشيدي January 1st, 2012, 10:41 AM
7 " انا اليوم قدمت على ماستركارد مسبقة الدفع من البنك الاهلي
قيمة استخراج البطاقة 200 ريال
تشحنها شحن عادي من حسابك أو اي حساب في الاهلي ( ما ادري اذا لها ايبان خاص او لا )
ميزتها
ان اي عملية سحب خارج المملكة بـ 30 ريال
يعني بدون نسبة ..
مناحي قرداحي January 1st, 2012, 12:18 PM
7 " انا معي بطاقة مداد تبع بنك البلاد ..
رسومها 100 سنوي ع ما اعتقد, تشحنها من النت وتربطها بحسابك, وتستخدمها ف الشراء ع طريق النت أو نقاط البيع ما فيها رسوم ..
البطاقة برقم سري طبعا ً .. أنا سمعت إن التسوق الراجحي بدون رقم سري .. ما ادري بالضبط يعني أي أحد يقدر يستخدمها غيرك ويسرقك ؟؟ إذا كانت التسوق كذا أعتقد مداد ميزة برقم سري
تقدر تشحن بطاقة المداد بأي مبلغ تبي مالها حد معين, تشحنها بعشرين ألف بخمسن ألف مثل ماتبي ؟؟
بس ما تقدر ترجع من مداد لحسابك ..
يأخذون ع السحب النقدي 25 ريال من اي صرافة .. وأكيد بــرا بيأخذون فرق العملة ؟؟
وتستخدمها ف اي مكان ف العالم, وفرق العملة الظاهر يأخذونه
ولك ف اليوم تسحب كاش 5ألأف ريال فقط .. مع 25 اللي بيأخذونها : )
في حالات إذا كان ف مداد مبلغ كبير ؟؟
اما الحل ؟؟
انا بسوي كذا ولو احد عنده حل احسن لا يتأخر ؟؟
أول شيء خل الصرافة تبعك اللي فيها فلوسك مع أحد تثق فيه هنا ف السعودية, حتى يحولها لك أول ماتفتح حساب هناك
خذ معاك كاش مبلغ حق الطريق, وأول الأيام ..
وأنت حدد, نقول: مثلا الف وخمس ميه دولار !!
بتكون معاك ف الفيزة مبلغ يساوي خمسة ألف ريال .. ولو احتجت زيادة تفتح النت وتشحنها بدون أي مشاكل ؟؟
بس لا تتهاون ف المبلغ الكاش لأن الفيزة يمكن ما تشتغل معاك ؟؟ فبلاش المواقف الظريفة : )
ولا عندك مشكلة وأول ما توصل محل اقامتك روح لأقرب بنك وافتح حساب واودع فلوسك الكاش وأسحب كل اللي ف الفيزة واودعها ف الحساب الامريكي ؟؟ لأن الفيزة تقضيت لزوم , وهم شغالين زي المنشار طال نازل ..
وفلوسك ثلاث أيام وتكون عندك ف الحساب الامريكي ؟؟ اللي حولتها من السعودية
ويبقى السؤال أفضل البنوك ف امريكا وش هي ؟؟
Chancellor10 January 1st, 2012, 02:28 PM
7 " السلام عليكم ورحمة الله
انا الا ابغيه بالمختصر عندي مبلغ معين بدل ما احمله معاي كاش ابغي اطلع لي بطاقه واسحبه من هناك كاش مره وحده
هل هناك طريقه لهذا الشي وما اكلفني مبلغ كبير .
تحياتي
الهاشم January 1st, 2012, 02:32 PM
7 " طيب بطاقه الاهلي ب200
واشحنها فيه وهناك حولها على الحساب الامريكي
واسحبها كاش ..
اماني ناصر January 1st, 2012, 02:42 PM
7 "
January 1st, 2012, 08:19 AM
السلام عليكم و رحمة الله و بركاتهبالنسبة للأمور المالية و عند الوصول الى بلد الابتعاث باذن الله
ماهي أفضل طريقة لتحويل النقود من السعودية الى بلد الابتعاث هل التحويل على بطاقة البنك الكندي او الامريكي مثلا أم نقوم باستخراج بطاقة من بنك في السعودية مثلا ( الاهلي او الرياض...الخ ) و يكون التحويل عليها
أم نستخدم بطاقة الفيزا و أيهما أفضل بطاقة الفيزا من السعودية ام من دولة الابتعاث
و على حسب ما ذكر في الملتقى و من الاخوة المبتعثين أنه أغلب الدفع يكون عن طريق البطاقة و ليس نقدا
فما هو الحل الامثل؟؟