ارجو المساعده من الجميع بخصوص الاسم في الجواز والوثيقه

السلام عليكم ورحمة الله وبركاته
ذهبت الى البنك لأحصل على كشف حساب لمدة ثلاث شهور وقال هات الجواز واعطيته ولكن
انا عندي إختلاف بسيط في أسم الاب وهو زيادة حرف كالاتي
الاسم في الجواز MOHAMMAD AAHMAD
الاسم في كل الوثائق المتبقيه MOHAMMAD AHMAD
مع العلم الاختلاف هو فقط في الحرف اللي في أسم الاب
والله ورطت راسلت المعهد ولوجا الاي تونتي ماراح اقدر اغير وانا تعبت على بال ماخلصت من الجامعه والتوصيات وترجمه ووووووووو
وفي الاخير يطلع هذا الحرف
ولا اغير الجواز واريح نفسي وارسلهم صوره
اخاف يطلبون شهاده بنكيه جديده لانها نفس الاسم في الجواز
تكفوووووووووون لاتخلونييييييي

أنا كانت عندي نفس المشكلة بس الحمد لله انتبهت لها بدري وغيرت الوثيقة والسجل الأكاديمي..

بالنسبة لك أشوف انو تغيير الجواز أسهل من تغيير كل الأوراق.. يعني احسبها.. حتى المشاوير أخف ^_^

غيرها لان هالحرف بيسببلك مشكله انت بغنى عنها غيرها وارتاح

خلاص بكره إن شاءالله بروح الجوزات وغير والله يعين
بس يمكن المعهد يقول جيب شهاده بنكيه جديده
والله قهر على حرف نغييييييييييير بس الجوزات الله يسامحهم مع العلم اني مسافر لاوروبا اربع مرات واكتب التذاكر بدون الحرف الزائد هذا اللي خلاني اثق انو مافي مشكله
واشكركم

نفس المشكله صارت معاي قالوا ليه غيري الوثيقة الجواز تمام وغيرت وثيقتي ولكن الجوازات رفضوا

يبن الحلال غيرها وافتك..


انا كان اسم العائلة في كل وثائقي بالانجليزي الراشدي مو الرشيدي..

تعقدت من هالاسم رغم انه ما يضرني شي..لكن فكرت في شي واحد قلت كيف لو تطلع الشهادة بعدين ويطلع فيها اسمي بهالشكل الشهادة راح طول عمرها تطلع باسم غلط..


واحد من الاخوان كمل على نفس الخطا باسمه ويقول ما قدرت اسوي شي امري لله..


نصيحتي لك انك غير الجواز وكويس انه الخطا بس في الجواز روح للجوازات وقل لهم انتوو حاطين اسمي غلط..

اذا كان الغلط منهم راح يعدلون لك الاسم ببلاش واذا كان منك الغلط راح تدفع 150 رسوم تجديد..

رح غيره احسن لك لاني اضطريت اني اغير اسمي بالوثيقة "100ريال" واسمي في الجواز "150ريال"..لا تهتم بالمبلغ..

رح غير اسمك حتى لو تطلب الامر انك قدم من جديد اهم شي اسمك..


لا تغلط زي الناس اللي غلطت واكلتها..


..


وعسى الله ييسر امورنا اجمعين يا رب..
..

..

..

يعني حرف واحد بس يلغي البعثة