المرافق والضمآن المآلي والشهآده البنكية والتعقيد إلي مآله دآعي ..
هاللحين ..
أنآ طلع لي ضمآن مالي وطبعآ مرآفقي مآطلع له .. لآزم يطلع شهآده بنكية بمبلغ وقدره عشآن يقدر يحصل ع فيزة F1 ، طيب إلي مآيقدرو يطلعو هالشهاده البنكية ايش
يسوو ..ليه هالتعقيد .. ليه مايجي ضمانين للطالبة ولمرآفقهـآ أفضل من هالحوسة ..= (
وسمعت سالفة تضيق الخلق عآد مآدري صدق أو كذب ..
لو المرافق سافر بفيزة سياحية وأخذ ضمان مالي من الملحقية .. لآزم يرجع السعوديه عشان يغير من فيزة سياحيه إلى فيزة طالب هالكلآم صح وإلآ لآ ..
يعني لو مآقدرنآ نطلع شهآدة بنكية ، نقدر من هنآك نجيب ضمان مالي ونغير نوع الفيزآ من سياحيه الى طالب من غير تعقيد ورجعه للسعوديه وإلآ اشلون ..
أنتظر تعليقكم ...
رد: المرافق والضمآن المآلي والشهآده البنكية والتعقيد إلي مآله دآعي ..
والله ياعزيزتي ليت الشهاده البنكيه جت على المرافق وبس
انا معهدي عقدني وماقبل ضمان الوزاره وقالي اجيب شهاده بنكيه لي وشهاده بنكيه لمرافقي
شوفي الصعوبه لوين وصلت :(
بالنسبه لسؤالك عن الفيزا للاسف ماادري بس كان السؤال نفسه ببالي ياريت احد يجي يفيدنا
رد: المرافق والضمآن المآلي والشهآده البنكية والتعقيد إلي مآله دآعي ..
اذا ماقدر يطلع شهاده بنكيه ..
خليه يطلع فيزا مرافق .. لا يطلع فيزا سياحية ..
واول ماتوصلون هناك وياخذ الضمان من الملحقية ... يغير الفيزا حقته من هناك إلى فيزا F1 على الضمان المقدم من الملحقية
رد: المرافق والضمآن المآلي والشهآده البنكية والتعقيد إلي مآله دآعي ..
سلطان الله يجزآك خير ويطمن بآلك .. وربي مره كنت شايله هم هالموضوع ..
الحمدلله =)
دنيآ غريبه إن شاء الله زآنت الأمور لي ولك ... يَ..رب
موفقين ...
رد: المرافق والضمآن المآلي والشهآده البنكية والتعقيد إلي مآله دآعي ..
اقتباس:
المشاركة الأصلية كتبت بواسطة نــون
سلطان الله يجزآك خير ويطمن بآلك .. وربي مره كنت شايله هم هالموضوع ..
الحمدلله =)
دنيآ غريبه إن شاء الله زآنت الأمور لي ولك ... يَ..رب
موفقين ...
آمين يا رب .. ولا تشيلين هم .. وكلي امورك للي ما تنام عينه وبيسهلها لك بإذنه
رد: المرافق والضمآن المآلي والشهآده البنكية والتعقيد إلي مآله دآعي ..
إن شاء الله ..
وهو كذلك .. يبغـآلنآ صلآة في الحرم ..وكثرة دعآء وإستغفاار وربي ييسر كل أمورنـآ..
بس سلطان F1 فيزآ طالب و F2 فيزآ سياحية فيزة مرافق شنو رمزهآ .. ؟
رد: المرافق والضمآن المآلي والشهآده البنكية والتعقيد إلي مآله دآعي ..
ملاحظة صغيرة..
فيزا المرافق يداوم عليها دوام جزئي يعني نص ساعات دوامنا تقريباً.. إذا كان حاب يدرس دوام كامل في المعهد حاله حالك.. لازم يطلع F1
أما تحويل الفيزا في أمريكا صعب وممكن يطول إلى 8 شهور..
رد: المرافق والضمآن المآلي والشهآده البنكية والتعقيد إلي مآله دآعي ..
السلام عليكم ورحمة الله وبركاتة
الشهاده البنكيه او الضمان المالي الخاص تقدري عليه وبسهوله تحصلي عليه لانه مؤقت وبشكل وهمي
علشان مرافقك يجيب قبول من المعهد + فيزا F1 >> فقـط
طبعا المبلغ يشمل الدراسه لمدة شهر او شهرين فقط
كم رسوم الدراسه مثلا 20 الف حطي بالحساب 25 الف
يطلع كشف الحساب ويقدم عليه للمعهد + السفاره
:
لمن توصلي بلد الابتعاث افتحي من ملفك ملف مرافق دارس وارفقي كل المتطلبات
وراح يوصله ضمان مالي من الوزارة واطلبي من المعهد تغيير معلومات الضمان الي باسمه
وكذا الوزارة راح تتكفل بدفع تكاليف دراسة المرافق من اول بدايه
:
مرافقك مين علشان يحصل فيزا F2
لان هذه الفيزا محدوده على ثلاث اشخاص ( الزوج - الزوجه - الابناء ) فقط
:
اما فيزا F1 تصلح لاي شخص حاب يدرس ويكمل دراسته باي مرحله
:
تغيير الفيزا في بلد الابتعاث فيها صعوبه وتاخير والافضل تكون من البلد بشكل اساسي
ورسومها دبل غير اذا طلعتيها من البلد رخيصه وبسرعه
:
الرسوم الي راح تدفعينها سوا للفيزا الدراسيه او السياحيه الخساره وحده
فليه تخسري فلوس كل مره على الفاضي
:
في مواضيع كثيره بخصوص دراسة المرافق فقط ابحثي عنها بالاقسام
:
بالتوفيق خيتو
رد: المرافق والضمآن المآلي والشهآده البنكية والتعقيد إلي مآله دآعي ..
^^^
الله يكون بعون المرافقون!
مسوين فيهم النون وما يعلمون!!
إذا المرافق أخوك لايطلع إلا بF1 مهما يكون!!!
موفقين جميعـا والله معكم مرافقين ومرافقـــون!!!!!
رد: المرافق والضمآن المآلي والشهآده البنكية والتعقيد إلي مآله دآعي ..
إيه أخوي . . ويبي يكمل بعد معآي ..
يعني عآدي لو جبت شهادة بنكية بـ 20 ألف ..
ولآز يكون بحسابه أو بحساب أي شخص .. ؟
ومشكورين كل الي ردو علي الله يجزآكم خير ويسدد خطـآإكم ..