الـــــــــــــظــــــــروف وختمها ... ومادا نضع فيها ؟؟ ((سوال لاهل الخبره فقط ))

عندي سؤال ..

طيب ومتى نرفق نتائج اختبارات التوفل او الايلتس بعد ما نغلق الظرف ؟؟؟

مشكور وماقصرت بس عندي استفسار التوصيات كيف اخليها طبق الاصل بنفس الطريقة حقت الوثيقة ولا عادي اصورها واحطها مو شرط طبق الاصل وتانين الظروف والتختيم من فين من نفس الكلية ولا اروح للقبول والتسجيل

والله انا مارحت وجبت ظروف ولا حاجه للحين مع ان سفري قررررررب مره بس عموما اختي ام رائده الي اعرف وهو الي سويت انو التوصيات صورتها كذا نسخه ورحت للقسم وختمو فوقها من جديد ختم ازرق وبالتوفيق

إلى الحين تلتون و تعجنون في سالفة التوصيات ؟ هذا الموضوع الألف في يومين و ما أحد فاهم وش السالفة .. و تبون تبتعثون بعد =/
ابحثوا في المنتدى رح تلاقوا شرح كافي و وافي بدل هالزحمة هذي كلها

ياجماعة نصيحتي لكم لاحد يسافر وهوا اوراقه مو كاملة وعلى عماه..على الاقل اقرأو في شروط الجامعات وشوفو ايش الاوراق اللي يطلبوها ...التوصيات مهم تكون عندكم صور طبق الاصل منها وهناك في امريكا الجامعات ماتقبل الا وثائق رسمية وكيف تكون رسمية؟؟ تكون رسمية لو كانت كلها صور طيق الاصل وجوا ظرف مقفل ومختوم عليه من الجامعة..ولا اي طريقة تانية مارح تنقبل..حطو في بالكم هدي الاشياء..
اما بالنسبة للناس اللي في مجاالات طبية عندهم كتير تحضيرات واوراق لازم يسووها من دحين ..زي اللي يبغى ياخد رخصة امريكية في اي مجال صحي هدي يبغالها وقت واختبار..واوراق من هنا تتعمل من هيئة التخصصات..
وكل واحد يشوف تخصصو ايش يحتاج اوراق وامور لازم يعملها للحصول على قبول جامعي برضو لازم يبحث ولا يروح على عماه ويقول بعدين اعرف..
موفقين جميعا

ايوه ايوه بنفس الطريقة..

مثلا عندي سجل بخليه طبق أصل..اروح اصوره تصوير عادي..

بعدين اخذ صورته واوديها للقبول والتسجيل وأقول أبي أختم هالصورة طبق أصل..ويختمونها لك..وخلاص صارت هالصورة طبق أصل..

وتسوين الإجراء السابق على كل من: الوثيقة، السجل الأكاديمي، التوصيات، حسن السيرة والسلوك(إن وجد).

طيب الآن نجي نعبي الظرف..

الظرف ظرف عادي البني اللي بريال او ريالين ..خذي لك درزن 25 حبة بـ 12 ريال...

في كل ظرف حطي صورة طبق أصل من الوثائق اللي فوق..ولا تقفلين الظرف .. لان القبول والتسجيل لما يختمون الظرف هم اللي يقفلونه ويختمون على لسان الظرف "الطرف اللي يتسكر منه الظرف"..

بس خذي بالك وراجعي اوراقك قبل ما تسكرين الظرف لان الظرف لو اتسكر وانفتح مرة ثانية بغرض اضافة اوراق راح يعرفوا انك فتحتي الظرف المختم وبالتالي ما راح يقبلوه منك..

خذي لك أقل شي 13 او 10 ظروف معك عشان لما يشوفوا العدد هذا يقولوا لك لا بنختم 7 ولا 8 بس..

واللي يبي يستفيد أكثر يراجع هالموضوع من أول الردود وراح يلقى ضالته ان شاء الله..

وعسى الله ييسر أمورنا أجمعين..



..

ياشباب لاحد يلخبط الناس خاصة اللي في جامعة الملك عبدالعزيز ... للعلم فقط كالتالي :

1 - وثيقة التخرج تصور منها كم نسخة وتختم الصور من عمادة القبول والتسجيل
2- الترانسكريبت لايمكن أن يصور لانهم ماراح يختمونه لك في الجامعة, وانما هناك ترانسكريبت أصلي بـ10 ريال (عندهم دفع بالشبكة, والكاش سيحولك الى بنك سامبا)
3- التوصيات تكلم الدكتور ويقولك روح لسكرتير القسم ويطبعلك توصيتي مذكور فيها اسم المادة والدرجة, بعد كذا تتوجه للدكتور عشان يوقعها ويتأكد منها , ترجع الى سكرتير القسم في الكلية عشان يختمها لك وبعدها تصورها كم صورة أيضا ويختملك على كل صورة سكرتير القسم عشان تكون طبق الاصل , من الممكن انك تصورها بعد توقيع الدكتور مباشرة عشان لا يصير هناك ختمين على صور التوصية واحد اسود مصور والاخر ازرق

الان نجي للمظاريف ,

1- الظرف الاول تاخذه من عمادة القبول والتسجيل 5-10 ظروف انت وحاجتك عليه شعارهم الاصلي(مجانا). تضع في كل ظرف صورة مختومة من الوثيقة مع ترانسكريبت وتتوجه لمكتب الاستقبال نفسه اللي اخذت منه الظروف عشان يختمها لك ولا يمكن أن يقولك مايقدر يختمها او يعترض على العدد, انا مختم 9 ظروف (طريقة الختم واحد في اعلى الظرف والثاني في اخره ,مكان لسان الظرف)

2- التوصيات, البعض يضع التوصيات مع الظرف الاول المتضمن الوثيقة والترانسكريبت ولكن الاضمن والشائع انك تضع التوصيات في ظرف آخر تاخذه من سكرتير القسم في الكلية بشعارهم(مجانا), بمعنى انك ستاخذ 3 توصيات من 3 دكاترة , وصورتها مثل ماقلنا اول وختمتها , وانت تحتاج على الاقل 7 صور لعدة اسباب ( لزيادة عدد الجامعات المتقدم لها او للاحتياط) اصبح لدينا 21 نسخة , سنضع صورة واحدة من ال3 التوصيات في كل ظرف , سيصبح لديك في النهاية 7 اظرف كل ظرف فيه 3 توصيات كل توصية من دكتور , والختم هنا من سكرتير القسم على الظرف ولا لعمادة القبول والتسجيل هنا أي دخل , ويفضل انك تحتفظ بالتوصيات الاصل خارج الاظرف

سيكون لديك الان 7 اظرف متضمنة الوثيقة والترانسكريبت فقط
و7 اظرف اخرى متضمنة 3 توصيات من الدكاترة
14 ظرف ستسافر بها ان شاء الله

للتنبيه عدد الاظرف انت من يقرره لو تبغى 5 او 7 انت بكيفك



ولاحد يقلق , لاسمح الله لو سافرت ولأي سبب ضاع او خلصت الظروف اللي عندك بامكانك ترسل أخوك او اي شخص يطبعلك اللي تبغاه من الجامعة

1- وثيقة التخرج الاصل(بدل فاقد او بدل تالف بـ50 ريال) من عمادة القبول والتسجيل
2- الترانسكريبت بما انه ما يصور ومافيه الا أصلي كل ترانسكريبت بـ10 ريال من عمادة القبول والتسجيل
3- التوصيات بما انك محتفظ بالاصل معاك بامكانك ارسالها هنا وتصويرها والتصديق عليها أيضا من سكرتير القسم عن طريق أخوك أو صديقك حتى

جزاك الله خير على ما ذكرت..

وحاب أقول وربي ما ألوم الناس بجامعة الملك عبد العزيز..

انا الوثيقة والسجل العربي والانجليزي وحسن السيرة والسلوك عربي انجليزي والتوصيات كلهم وخذيت لي كمان 20 ظرف ما دفعت ولا ريال خير حق التصوير والظروف..

أما عشان اخذ سجل ادفع 10 حشى وربي..


عذرا اخواني الكرام اللي رديت عليهم في مواضيع سابقة وكانوا يقولوا ما تدري انت عن جامعة عبد العزيز..اي والله صحيح ما ادري..


ع العموم..عسى الله ييسر أمورنا أجمعين..


..

حتى في الجامعة ترا أحيان شغلات تمشي وشغلات لأ, حسب الموظف اللي قدامك

لكن عموما الجامعة عارفة اجراءات الابتعاث وطلبات المبتعثين , حتى بامكانهم ارسال الاوراق نيابة عنك لكن ستاخذ وقت أطول,

أتمنى أن تكون جميع مؤسساتنا صفتها التيسير لا التعسير, صارلي موقف عند اخلاء طرف من الجامعة وتنقلت بين المباني بشكل عجيب اخذت لي ساعة وشي , لكن طلعت أسهل ممن هم في أم القرى ستجبر على التنقل بسيارتك من حي الى آخر في مكة عشان بعض الادارات تغيرت اماكنها واصبحت خارج نطاق الجامعة للتجديد

جزاك الله كل خير على ما قدمت وأفدت