الأعضاء الإشتراك و التسجيل

الملتقيات
ADs

تكفوون ابي ارتااح نفسيا ..!!!

تكفوون ابي ارتااح نفسيا ..!!!


NOTICE

تنبيه: هذا الموضوع قديم. تم طرحه قبل 2209 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عبدالاله221
    عبدالاله221

    مبتعث جديد New Member

    عبدالاله221 الولايات المتحدة الأمريكية

    عبدالاله221 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى طآلب , بجامعة لايوجد
    • لايوجد
    • طآلب
    • ذكر
    • الرياض, لايوجد
    • السعودية
    • Jan 2012
    المزيدl

    January 4th, 2012, 01:57 AM

    السلام عليكم ورحمة الله وبركاته
    ان شاء الله كلكم بخير

    انا سالفتي سالفه
    انا انسان عندي طموح واحلام ودي احققها
    ومن ضمنها ...>> الابتعاث <<
    انا الحين ادرس ثالث ثانوي ( الفصل الدراسي الاول ) ونسبتي ف الثانوي ان شاء الله راح اجيب فوق 98 ( ماشآء الله )
    بس عندي مشكله ان القدرات جبت 74
    وباقي مااختبرت تحصيلي
    والي قريته من شروط الابتعاث ان القدرات والتحصيلي لازم فوق 80
    علما بآن حالتي الماديه ماتساعد اني اروح على حسابي
    ............

    الي ابي اعرفه الحين ... خلاص حلم الابتعاث انتهى ؟؟؟؟؟؟؟
    اذا فيه امل علموني تكفوون

    والله يوفقكم كلكم ويجزاكم كل خير

  2. ماشآء الله هــآآآ (لو منكم ومافي وزاره جبت 99.99%
    مقهوره اخر سنه اختبروآ وزاره سنتي واللي بعدها فلتوا اخ بس لو اني اصغر بسنه كان جبت الذيب من ذيله

    ======
    المووهيم ادري خرجت عن الموضوع, وهذآ ما يمنع ان فعلا في طلاب أذكياء وطموحين زيك

    الله يووفقك وعيد الاختبار اكثر من مرا وجرب تختبر اختبارات تجريبيه صدقني الثالثه ثابته
    دام ان عندك اراده قوويه,,
    ما اقول غير الله يووفقك ويفتحها بوجهك
    ===
    ان شاء الله ينلغي الشرط , وترى شروط الابتعاث اشوفها سهله ومو تعجيزيه
    والدليل الكم الهاائل من المبتعثين تفااائل بالخيير
    ادخل موقع وزاره التعليم العالي وشوف الشروط بنفسك
    7 "
  3. أخي الكريم أنآ كنت مثلك كل إختبآرآتي كآنت تحت الـ 75 لين حطيت هدف ببآلي إنو أكمل إبتعآإث ولمآ شفت الشروط لآزم فوق الـ 80 الحمد لله شديت حيلي وذآكرت زين للقدرآت وجبت 84

    يعني مآفي شي مستحيل وأهم شي لآ تنسى الي بينك وبين والله وبإذن الله ربي بيوفقك صدقني مافي شي سهل لآبد تجتهد ولكل مجتهد نصيب

    حدد هدفك وبإذن الله تقدر تجيبهآ

    الله يوفقك وييسر أمرك
    7 "
  4. الله يوفقك
    لا ما انتهى حلم الابتعاث
    انت الحين حاط حلم الا وهو الابتعاث يعني هدف
    مو تقول خلاص انتهى كل شي لالالا بسبب القدرات لانك اذا قلت كذا صدقني صدقني ماتقدر تجيب نسبة اعلى لانك خلاص حاط في بالك ماتقدر تجيب اعلى
    قول انا ببتعث ان شاء الله واقدر اجيب اكثر من 80 كل شي سهل ان شاء الله
    حاول تذاكر زين للقدرات والتحصيلي خذ كتب ودورات وحاول تحل اسئلة من اسئلة السنوات السابقة

    مافي شي مستحيللللل
    7 "
  5. عبد الاله انا واثقه تمام الثقه انك راح تجيب نسبه حلوه وتصبح من المبتعثين بأذن الله والدليل اهتمامك وتسجيلك في منتدى مبتعث وانت لازلت طالب
    اتمنى لك التوفيق ولا اوصيك توكل على الله واحسن الضن بالله خلك متفااائل دائما وان شالله سوف يتحقق حلمك
    فكلنا مثلك كانت مجرد احلام ضننا انها لن تتحقق وسبحانه مقدر الامور الله يكتب لك مافيه الخير
    7 "
  6. السلام عليكم ورحمة الله وبركاته

    لا لا وين وقف ايش طار الحلم بسرعة تستسلم لازم تحاول مره و اثنين و ثلاثه و اربع كل مره تتعلم من المره الي قبلها و لسا صدقني بيكون فيه امل كبير انت اجتهد

    بقد ما تقدر لا تترك مجال للتخاذل اقرى عن اختبار القدرات و التحصيلي مثلا القدرات يختبر في اللغة و الرياضيات و التحصيلي المواد العلمية ركز على هذي المواد

    حاول تخرج كل مره بشي افضل من اللي قبله مثلا انا استخدم طريقة الاستبعاد اللي تكون عندنا اربع خيارات : أ.ب.ج.د اقراء السؤال اذا كنت اعرف الاجابه جاوبت اذا

    ابدا ما كنت اعرف الاجابة كنت استخدم الطريقة اللي هي كل مره اشوف اي الحلول مستحيل يكون الجواب مثلا كانت "أ" بعيد جدا عن الاجابه استبعده و بعدها تكون

    عندي 3 و استمر على هذه الطريقة حتى يبقى خيار وحيد و كمان تقدر تستخدم طريقة السرعة في الاجابة تجاوب على الاسئلة اللي تعرفها بسرعة علشان تكسب الوقت وترجع للاسئله

    الاصعب طبعا في كل سوال صعب تحط تخمينك الاولي و بعدين ترجع له لكن الطريقة الثانيه شوي صعبه يبلها تركيز عشان تكسب الوقت و كمان ما تضيع الاجابات

    ربي يوفقك ويكتب لك الخير و صدقني الانسان ما يدري وين ربي يكتب له الرزق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.