تجربتي مع الضمان المالي <<< الي ماجاه الضمان تفضلوا يمكن تستفيدو

اول شي تفضلوا القهوة والشاي <<< لاني بطول بالسالفه

يا جماعة الخير

انا الحمدلله وصلني الضمان المالي

قصتي باختصار اني كتبت استمارة بالملتقى بجده ومعهدي وقتها كان متاح

المهم مرت الايام ولا جا الضمان المالي وبسبب هالتاخير معهدي قفل صار لونه احمر اعصابي تلفت

يعني مريت بمرحلة الانتظار المر على هالضمان المالي وكل يوم اقول اليوم

وماعندي احد اعرفه في الرياض وخاطري اعرف احد ارسله

المهم بقدرة قااادر اخوي طلع له شغلة بالصدفة في الرياض واتشربكت فيه ورحت معه

وقلت له تمرالوزارة وتكلمهم

فراح لهم امس الاربعاء لموظفي الضمان المالي

وكلم الموظف قاله ابي ضمان مالي لاخوي على هذي البيانات << طبعا كتبت بياناتي بورقة صغيرة واعطيتها اخوي

المهم

الموظف طالع في اخوي بغرااااااااابة قاله اخوك كتب استمارة الضمان المالي؟؟؟

قاله اخوي اني كتبت 7 استمارات ولا جاه شي ليه مااعطيتوه الضمان المالي انتم الان اخرتونا في امور بعثت اخوي


رد الموظف وقال باستغراب اشد

(( اخوك مسجلين في ملفه المعهد والجامعه الي يبيها من ايام الملتقى وايميله مسجل عندنا كيف مااوصله الضماااان ؟؟؟ ))

قال اخوي مدري عنكم

الموظف هنا قال اخوك يشيك على الضمان المالي في الايميل ولا مايدخل الايميل ؟؟؟

اخوي عصب عليه وقاله اخوي يصبح ويمسي على الايميل اكثر من اخوانه شلون تقول مايدخل الايميل

اخوي هنا عرف ان الموظف يبي يطلع نفسه من السالفه بس مو عارف خصوصا يوم قاله (( خل اخوك الان يشيك على الايميل لان حنا ارسلناه من زمان ))

المهم اتصل علي اخوي على اساس اشيك ودخلت الايميل لقيت الضمان المالي وصل في نفس

التوقيت الي دخل فيه اخوي الوزارة الساعه 9 ونص

-------------------------------------------------

على العموم انا قلت القصة لاني ملاحظ نقطتين مهمه وحاب افيدكم فيها

1- الي مثل حالي مقدم على معهد وسجل استمارة بالملتقى وبعد كذا قفل معهده باللون الاحمر وماوصله الضمان

يمكن تكون قصته مثل قصتي يعني قد يكون محجوز لك المعهد بملفك الي بالوزارة بس ماوصلو لك الضمان

2-الاحظ الشباب الي يحصلون على الضمان ويقولن سواليفهم بالمنتدى اغلبهم يقووول ان الموظفين عذرهم الدائم الايميلات

هل هو هوتميل ولا ياهو ولازم يكون هوتميل عشان يوصل حتى مع اخوي قالو له اخوك ايميله هذ ارسلناه له الضمان من زمان

يعني كلام كثيييير عن الايميل واعذار كثيره حول الايميل ويمكن بكرا واحد يروح الوزارة ويطلعوا عذر جديد بالايميل

السؤال المهم

ليه العذر دايم على الايميل

هل فعلا فعلا في مشكلة بايميلات المبتعثين

ولا مقصوده هالحركة من الوزارة بس لو نفكر ليه يقصدوها ماراح نلقى جواب مقنع

يعني ايش مقصدهم بيكون ؟؟؟ << طبعا مو دفاع عنهم بس جد ايش مصلحتهم يسوون فينا هالحركة

انتم ايش تتوقعون لو تتخيلوها ؟؟؟

انا خيالي يقول

اعتقد والله اعلم ان في موظف وقت الملتقى كان مفهي واعتقد كان مهنته تجميع مجموعه من الضمانات وتسجيلها بملف الطلبة فقط دون ارسالها للايميلات

طبعا الطلبه يستغربون الضمان ماوصلهم ويروحون للموظفين

والموظفين يدخلون ملف الطالب يلقون المعهد محجوز لهم ؟؟ فيستغرب الموظف عدم وصول الضمان المالي

مدري انا خيالي يقول كذا

على العموم ياحلوين هذي قصتي

وانا قاعد افكر معاكم بحل لمشكلة الضمان المتأخر

عندي لكم حلين وان شاء الله كلها تفيدكم

1- مراسلة الملحقية للحصول على قبول

2- تتجمعوا وتفكروا في كيفية الحصول على رقم الدكتور ماجد او الدكتور عبدالله الموسى

وتقولون لهم مشكلتكم

وحل 3 انكم تراسلون الاستاذة غااادة على ايميلها يقولون متعاونه

واذا عندكم حلول تحبو تفيدو غيركم فيها يكون احلى واحلى

الله يوفق الجميع

مع وزارتنا الحبيبه مش حتقدر تغمض عينيك
توقع الغير متوقع
كلنا اكلنها مفلفله بس خليهاعلى ربك اللي ماتنام عينه
وبالنسبه للاستاذه غاده كلمتها واعطتنى ايميلها وارسلتها من يوم الثلاثاء الصباح ولاردت عليا هذا كله بس عشان يحددو انا فى اي معهد

طيب اخوي ايش رايك اذا جاني ضمان على معهد وراسلت الملحقيه على معهد تاني ؟

اقتباس:

---

المشاركة الأصلية كتبت بواسطة monka

مع وزارتنا الحبيبه مش حتقدر تغمض عينيك
توقع الغير متوقع
كلنا اكلنها مفلفله بس خليهاعلى ربك اللي ماتنام عينه
وبالنسبه للاستاذه غاده كلمتها واعطتنى ايميلها وارسلتها من يوم الثلاثاء الصباح ولاردت عليا هذا كله بس عشان يحددو انا فى اي معهد

---

على بالي انها ماترد على الاولاد فقط

لاني مره ارسلت لها وقالت مشغولة في اجازة عمل لمدة اسبوع

وعدا اسبوعين وردت عليه تقول جاك الضمان المالي ولا لا ؟؟؟

قلت لها لا

ومعد شفتها ترد

على العموم الله ييسرها

اقتباس:

---

المشاركة الأصلية كتبت بواسطة Nona 151

طيب اخوي ايش رايك اذا جاني ضمان على معهد وراسلت الملحقيه على معهد تاني ؟

---

والله الوزارة السبب في كل طالب او طالبه تحطه في موقع محير او حرج

مافي تنظيم وتنسيق

انتي شلون صارت معاك كذا

يعني وصلك ضمان مالي من الوزارة ولا ماوصل شي ؟؟