اتمنى احد يفهمني يا عالم ابغا لغة ما ابغا دبلوم

انا يا جماعة الخير جاني الضمان الي هوا بس ورقة عادية ومكتوب فيها لدراسة الماجستير ولدراسة اللغة
اتصل عليا موظف من الوزارة و قالي انتي خلاص اعتمدنا لك كلية سان انتونيو انك تجيبي منها القبول

بس
المشكلة

كلية سان انتونيو انا كملتهم من قبل لا يكلمني الموظف وفهمت منهم انه برنامج اللغة انجليش از سكند لانقويش ما يطلعوله اي توني مافي غير اني اقدم في الكلية
طب هل يعقل انا خريجة بكالوريوس ادخل كلية ادرس دبلوم عشان بس ........................استفيد من الخدة الي بتقدمها الكلية (( برنامج اللغة))
طيب انا الضمان جاني على اساس ادرس ماجستر ولغة مو على اساس ادرس دبلوم انجليزي

والين اليوم محد راضي يفهم انا بتكلم عن ايش
ومو عارفه افهم اي شخص هادي المشكلة


وقلت يا بنت مشي حالك دبلوم دبلوم ايش المشكلة

بس بدأو يبطلبوا مني اجيب تقييم للي انا درسته طيب ايش يستفيدو منه انا دراسة تمريض ورايحة ادرس لغة عندكم ايش يبغوا فيها
اذا الكلية كلها على بعضها ما عندهم بكالوريوس تمريض عندهم دبلوم تمريض ايش يبغوا في الي انا درسته

وطبعا غير انهم مقفلييين فرتة طويلة عشان الكريسمس ولمن فتحو قالولي لالا احنا قلنا نقبلك بس على الصيف وانا ظروفي ما تسمح اني اصبر للصيف مرره بعيد

حاليا بفكر اجيب قبولات من اماكن تانية ولعله خير
بس كنت حابه اشوف هل في احد مر عليه مشكلة انو لازم يدرس دبلوم عشان بس يدرس اللغة

الله ييسر لك جميع امورك يارب
هونيها وتهون انشاء الله ربي معاك

طيب عارفة ترى مو مية مية تقبلك الجامعة لو انك درستي بمعهدها يعني انتي خلصي اللغة و الله يعينك ابدي راااسلي الجامعات- هذا اللي انا فاهمته فيما يخص هالموضوع و الله يوفقك و يوفقنا

طيب إذا كان ما يصدر i-20 ارجعي للوزارة قوليلهم ترى هذا اللي صار و اعطيهم اسم معهد ثاني و عطيهم خبر إنك بتقدمين عليه

فهمت عليك..

الحل انك تختارين معهد ثاني.. لأن سياسات الجامعات والكليات تختلف من ناحية تدريس اللغة.. وللأسف الوزارة ما وضحت هذا الشي عشان نتحقق من المعهد قبل ما نطلب الضمان عليه..

أنا أول شي طلبت معهد تبع جامعة موجودة في القائمة بعدين طلع مافيها معهد أساساً إلا لطلاب الجامعة نفسها يعني لازم يكون عندك قبول في الجامعة..

بعدين اخترت معهد ثاني وطلع ما يقدم سنة كاملة للغة.. بس برنامج صيفي قصير مدته خمس أسابيع..

فاضطريت اختار معهد ثالث وأراسله.. وأنا ضماني عام مافيه اسم معهد.. بعدين إذا ربي يسر لي بروح للوزارة وبقولهم اني غيرته.. طبعاً أنا أرسلت لهم ايميلات بس كالعادة ما يردون..

انتي عشان ماتضيعين وقتك وتتلخبطين دوري لك على معهد ثاني ما يكون متكدس.. واطلبي منه قبول.. وخبري الوزارة متى ما تيسرت امورك انك غيرتيه..

والله يوفقك وييسر لك..

^

نصيحه لك يآ إيمآن وحتى دعآء لو تفكر تسوي زيك؛
المفروض انو المعهد اللي بنآءً عليه صدر الضمآن المآلي ل المبتعث/ـه
( مآ يتغير ) إلآ ب موآفقة الوزآره، لأن الضمآن المآلي فعلاً عآم بس في المقآبل
مآ اعطوك إيآه إلآ لمآ سجلوآ اسمك + اسم المعهد اللي وآفقوآ لك عليه من البدآيه،


يعني الخطوه الصحيحه؛
اولاً تآخذوآ موآفقة الوزآره عَ المعهد الجديد، بعدهآ تجيبوآ القبول من المعهد؛


موفقين؛