هل اكذب او اقول الحقيقه ؟

ما أدري ما فهمت متفشل إن شكلك يدل إنك صغير ؟ طيب و إذا يعني وش فرقت ؟ ودك يعاملوك على إن بزر ؟ مفتقد طفولتك ؟

الصراحة راحة

لاتكذب ابدا وتقبل نفسك وحب نفسك وكون واثق في نفسك
ولاتنسى شيء مهم جدا
يكفي ان الله معاك

الله يوفقك وييسر أمورك

الصدق منجااااااااااه
ولا انك تدخل بسين وجيم لا انكشفت

مشكورين جزاكم لله خير

كلامكم افادني ولله يعين على السين والجيم

وش ذا الكلام ياخوي اقول الحقيقة والا اكذب ابي اعرف كيف طريقة تفكيرك قولهم عمري 25 واذا شافو شكلك بيقولون ذا صغير ماراح نوافق علية يعني بعدين طالبين صورة الجواز وباين مواليدك علية كيف بتكذب عليهم خلك عادي واذا جابوا الموضوع مع اني متاكد ماراح يجيبونة قولة خلقتي كذا لانت اول واحد ولا اخر واحد بعدين وش احلى من الواحد يكون شكله وهيئته اصغر من عمرة اقول ياخوي لاتشيل هم ولا فيه احراج ولا شي وبالتوفيق


مع التقدير..

وعليكم السلام ورحمة الله وبركاتة


ماشاء الله عليك خيو ليه تخلي هالامر مشكله وكلام الاخوه والاخوات جميل ولكن الاجمل يكون في تفكيرك وتدبرك
:
يعني ماشاء الله عمرك 25 سنه وملامحك طفوليه اجل وش اقول عن نفسـي هههههههه
اكبر منك ولا في دلاله ان طولي مقزم او بنية جسمي صغير بس ملامحي تدل اني اصغر من عمري
:
اغلبنا عزيزي مافيه قزم او بنية جسمه تدل على انه صغير بس ملامحه طفوليه او علامات الدهر لم تغير ملامحه
وهذا الامر جدآ طبيعي ولا يسبب اي ازعاج حتى من ناحية السؤال وتكوين الصداقات
:
الي بيكون صديقكك بيقبل فيك على اخلاقكك الحسنه وصفاء عقلك واحترامك مابيكون صديقكك على عمرك
:
كثير قابلت وكونت صداقات وسالوني عن عمري او تجد نفسك في مازق على قولتك مايقبلونك او يدققون
عادي احمل جوازك معك او الاثبات ومافيها شي لو طلعت بطاقتك الشخصيه وقلت له هذا تاريخ ميلادي
:
ممكن تحصل البعض مافيه شنب او لحيه بس عمره كبير وانت قلت بنفسك اجل لو تشوف الامريكان
اجسامهم ضخمه وتقول معجز وعمره صغير او تلاقي عندنا بالبلد واحد على قولتهم دمه حار
وملامح وجهه او شعر وجهه كثيف يدل انه كبير ولكن لمن تساله عن عمره يطلع صغير
:
لمن حجزت شقه سالني الموظف عن عمري وتفاجا قال معقوله عمرك كبير وملامحك صغيره
عطيته جوازي والامر مرره عادي وضحك وخلك مره بشوش ولا تاخذ الامور على محمل الجد
او تتضايق خلك واقعي افضل من تدخل نفسك في مشاكل انت في غني عنها
:
لانك لو سويت مشكله قانونيه وعرفوا السبب الي انت مكذب علشانه راح يضحكون عليك
عيش حياتك وخليك واثق من نفسك واهم شي خليك ثقيل بشخصية الرجل لانك تعديت مرحلة المراهقه
ودخلت مرحلة النضج الرجالي
:
الله يوفقك ويسهل عليك

خلك ثقتك في نفسك كبيره
وقول الصدق

وليش تكذب اصلا من الاساس قل عمرك الحقيقي وانتهينا وخلي عندك ثقه في نفسك بعدين مو بس انت الي الناس تشوفك يعطوك اصغر من عمرك كثير ناس كذ ا هو مجرد تقدير شخصي لايؤخر ولا يقدم العمر بالعقل وليس بالشكل

ياشيخ عادي لو شكلك اصغر من عمرك حلوووو ماتعجز بسرعه خخخخ
حتى انا دايم لمن يقولو لي شكلي اصغر من عمري افرح