الابتعاث وذوي الاحتياجات الخاصة

السلام عليكم ورحمة الله وبركاته

عندي استفسار كما هو واضح من العنوان هل الي من ذوي الاحتياجات الخاصه ابتعاث ولاكن بشروط اسهل
يعني من معلوماتي النتيه ان الي من ذوي الاحتياجات الخاصه احقيه في الابتعاث
ولاكن لا ينظر الى المعدل ولا سنة التخرج والعمر << يعني مسهلينها لنا

انا مصابه بالتصلب المتعدد ( multiple sclerosis ) وهو مرض مصنف عالميا ان اصحابه ذوو احتياجات خاصة

انا الحمد لله مافيني اعاقه حركيه ولا اي نوع من انواع الاعاقات الاخرى

هل لو اني اقدم على البعثه ان شاء الله ومعي اثباتاتي الطبيه تشفع لي باذن الله


وهذا وجزاكم الله خير

دمتم بود

اهلين ،،، في البداية الله يشفيك وفالك العافيه يارب ،،،، ثانياً ياطويلة العمر اكتبي خطاب مزبوط موجه للدكتور ماجد الحربي تشرحي فيه وضعك وكذا ،، وقدر الامكان خلي الخطاب مستريح عشان يتعاطف مع حالتك،، وثالثاً واللي هو أهم شي انك تسلمينه الخطاب بنفسك،، يعني لو رحتي للوزارة وماحصلتيه لاتعطينه الموظف وتكتفي بكذا ،، هو الان اكيد مشغول وصعب الواحد يقابله ،، لكن حاولي قدر الامكان مثل ماقلت لك،، والدكتور ماجد ماراح يخيب ظنك وأملك ،، بس اهم شي خلي نفسك جادة بالابتعاث لأنه ممكن يسألك كم سؤال يختبر فيها جديتك وكذا ،،،، اتمنى لك التوفيق

اولا شكرا وجزيت خير على الرد والدعوات..

لازم اروح انا بكبري والا ارسل احد غيري
وماينفع ارسل له ايميل - لو كان عنده ايميل - يعني .

ثانيا ان شاءالله لو رحت له ممكن التحق بالبرنامج الدفعه الثامنه

وربي يوفقك يااارب

هو ممكن تخلص امورك عن طريق محرمك مافي مشكلة ،، لكن اقولك روحي بنفسك بس عشان يتعزز موقفك قدامه ويشوفك فعلا اتعنيتي وجايه عشان كذا،، جيتك له راح ياخذها بالحسبان ،،، ااما وسائل الاتصال فيه للاسف ماعرف شي،، لايميل ولارقم بس حتى الاتصال ماعتقد يفي بالغرض،، الافضل انك تروحين وتقابلينه بنفسك وقوي شخصيتك قدامه قدر الامكان ،، اعتبريها مقابله شخصية لقرار الابتعاث

جزاك الله الف الف خييير