المشاركة الأصلية كتبت بواسطة تايه وسط الغربة
يا جمااااااااااااااعة
تصدقو إني دقيت مشوار من ينبع الى الرياض 1200 كم عشان اصدر قرار الابتعاث لاختي هيا و زوجها
المهم و أنا نازل من الرياض وصلت تقريبا القصيم
ولا يدق عليا رقم غريب ,,, واحد بنقالي قلت هيا أنا فاضي للبنقالية ايش يبغا ذا ةانا امس صكيت 1200 كم و دحين ابغى اصك وحدة ثانية والاخلاق زفت
و لا يقول لي انت فلان فلان ...قلت له: ايوه معاك
قالي :معاك مكتب اراميكس فيه غرض لك من السفارة الكندية
لاااااااااااااااااااااا حرام أنا أمس مسافر الرياض و دقيت مشوار 1200 كم و اليوم نازل و انا في نص الطريق يدقوا.......
أقول لا أسوي فيها والله اني تقطعت من الفرح ماني مصدق و دقيت على اخويا يستلم الطرد
وقلت له : والله لأنتفك تنتيف لو تفتحه ...
بيني و بينكم باقي يمكن 700 كم والله مافيه اصبر و بعدين اخويا كل بعد ربع ساعة يدق عليا يقول لي افتحه...
و انا اقوله يا كلب لو تفتحه باقتلك..
ما ابغى ابالغ بس يمكن دق عليا 12 مرة يبغى يفتح الطرد و انا كل مرة اسمعه سبه شكل
لعنت امه و ابوه حتى جده ماخليت احد
و على قول المثل ((كثر الدق يفك اللحام))
وانا جالس على اعصابي
قلت اذا دق عليا باقول له افتحه,,, ايش اسوي
ما انتهيت من الفكرة الا دق عليا و يقول لي افتح الطرد,,,,,,,,,,,,,, الله يلعن شيطانك
قلت له يا بقرة افتحه دحين وانا اكلمك
(( الحيواااااااااااااااااااااااان لعب باعصابي )) لين قال لي الحقيقة
واخر شي قالي امزح معاك ترى الفيزا موجودة و صورها ليا و ارسلها وسائط
لااااااااااااااااااااااااااااااا ماني مصدق الفيزا وصلت
والله و تحقق منايا.... شوفو جوازي معايا... ههههههههههههههه انخبلت شويا
جاء وقت الجد,,,,,,,,,
المهم
اللهم لك الحمد حمدا كثيرا طيبا مباركا فيه
قدمت على الفيزا بنفسي و ارسلت اوراقي عن طريق مكتب اراميكس بتاريخ 14 / 12 /2011
وصلتني رسالة من السفارة الكندية بتاريخ 18 / 12 / 2011 ان الاوراق وصلت
اتصل عليا مكتب الارامكس اليوم بتاريخ 24 / 1 / 2012
كانت المدة من تاريخ ارسال الاوراق الى استلام الفيزا 40 يوم
يارب و من كل قلبي أقولها ( عقباااااااااااااااااااااالكم ان شاء الله ) ما عليا الا اني اطلع الرياض ان شاء الله و اصدر قرار الابتعاث و اقطع التذاكر
دعواتكم الله يسعدكم و يسهل امركم ان شاء الله أخوكم تايه وسط الغربة