هل راح تاخذها كاش معك ؟؟؟
عرض للطباعة
الحمدلله يارب أنا واخوي وصلتنا الفيزا ومدتها سنه و6 شهور
الحمدلله يارب
عقبال الكل يارب
مبروووووووووووك يالدانه متى وصلت فيزة اخوكــ ..؟
اميين يارب و الله يوفقك ..~
مــبروك للي وصلتهم الفيزه , والله يسهل وييسر لنا ,
يــاقلبي لؤلؤة شفت اخر رد منك قلت يمكن وصلت فيزتك ,, يلا ان شاء الله فالي طيب وتبشريني ^^
هاااي من كندا :)
انا ولله الحمد وصلت لكندا وجاري فتح الملف
حاب انقلهم تجربتي
اول شي الحمدلله جاتني الفيزا بعد انتظار 35 يوم وبعدها رحت الرياض واصدرت قرار الابتعاث وحجزت على رحلتي على الخطوط البريطانيه كله في يوم واحد واخذت مني هذي الاجراءات تقريبا ثلاث ساعات
وبعدها بدأت اجهز اموري
نصائح:
حاولوا تشيلوا مبلغ كاش مو كثير مره عشان لاتتعرضوا للسرقه لاسمح الله انا شلت معي 2300 دولا كندي كاش والمشكله مالقيت احد يحولي الريال السعودي الى دولا كندي غير شركه العامودي الفاشله حتى البنوك قالولي ماعنهم دولار كندي المهم حولتها من عند العامودي واعطاني 2300 دولار كندي كلها من فئه 20 دولار :eek_yello::eek_yello::eek_yello: تخيلو صارت معاي ثلاث رزم من الفلوس ولا عارف فين احطها ماتدخل في جيبي ولاشي وكنت خايف عليها مره بس الحمدلله لقيت طريقه حلوه اخبيها والحمدلله مشيت الامور يعني حاول لمن تحولو فلوسكم خذوها منوعه.
في المطار خليكم عادي ولاتخافوا واموركم تتسهل ان شاء الله انا ولله الحمد خلصت اجراءات المطار كلها يمكن في 10 دقائق واصدار الاستدي بيرمت اخذ مني يمكن دقيقتين بعدها لمن فتشوا شنطي العسكري كان مررره محترم وقاعد يمزح معاي وقاعد يقولي علمني عربي ومره ونسه وانتبهو لاتكذبوا بخصوص عفشكم مره يعني مثلا قالي عند شي حاد في الشنطه قلتله ايوا معاي ابره قلي ابره حقت الحقن قلت له لا ابره الخياطه وبعدين قلي في اي شنطه قلتله ماافتكر بصراحه بس في وحده من هذي الشنطتين. وموضوع الكلاب طبعا ان اخاف من شي اسمه كلب بس الحمدلله من لمن طبيت كندا ولاشفت ولا كلب والله الحمد
ونصيحه اخيره
طبعا اخوكم في الله اكبر فاشل في الطرق لدرجه اني رحت مول عشان اتسوق وخرجت من المول وضعيت الفندق حقي :bawl::bawl: والحمدلله كان عندي في جوالي جي بي اس وحدد موقع الفندق ووصلت الحمدلله المهم طبعا انتم عارفين لازم لمن توصلوا بلد الابتعاث تسجلو جوازاتكم لدي السفاره السعوديه في اوتاوا عن طريق بريد فدكس انا طبعا مااعرف مكانهم فقلت اتصل بيهم يجوني للفندق ويستلمو اوارقي وهم يرسلوها لمن اتصلت بيهم اعطيتهم عنوان غلط >>>كالعاده :D :D:D
ودقوا عليا لمن ضاعوا ويالله فهمو عليا وجوا للفندق وطلعت موظفتهم عجوزه شمطاء قهرتني قاعده تسبسب :swear::swear:فيها وتقولي انت ماتعرف توصف ومدي ايش وانا قاعد ابتسم واقولها سوري سوري
مايستفاد لو كنتهم مضيعين خلو موظف الاستقبال يوصف الفندق للشخص اللي راح يجيكم
هذي تجربتي حبيت انقلها لكم وعقبال ماتخلصو اموركم على خير ان شاء الله وربي يوفقكم
حبايبي حابه اسالكم انا لما اقدم على الفيزا راح اقدم اوراقي اللي ترجمتها من المكتب فهل اسلمهم الاوراق اللي اترجمت من نفس المكتب والا اصورها واعطيها للسفارة؟ لاني ما ابغى اعطيهم الاصول اللي اترجمت من المكتب
مثلا انا اعطيت المكتب كرت العايلة ترجموه لي بورقة مختومه هل اصورها واخلي اللي اترجمت من عندهم عندي؟
شكرا جزيل لكم اخواني وخواتي