الأعضاء الإشتراك و التسجيل

الملتقيات
ADs

فالكم قرار الابتعاث وامر الاركاب

فالكم قرار الابتعاث وامر الاركاب


NOTICE

تنبيه: هذا الموضوع قديم. تم طرحه قبل 4463 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية دودي 2010
    دودي 2010

    مبتعث فعال Active Member

    دودي 2010 الولايات المتحدة الأمريكية

    دودي 2010 , أنثى. مبتعث فعال Active Member. من السعودية , مبتعث فى الولايات المتحدة الأمريكية , تخصصى محاسبة , بجامعة جامعة الملك عبدالعزيز
    • جامعة الملك عبدالعزيز
    • محاسبة
    • أنثى
    • جدة, missouri-St.louis
    • السعودية
    • Sep 2011
    المزيدl

    January 9th, 2012, 12:36 AM

    الحمدلله وبفضل من الله
    تم اصدار امر الاركاب والتذاكر اليوم

    اليوم وبعد جهد جهيد سافرت الى الرياض رحلة السابعة صباحا طبعا قمة التناحة وفوق هذا كله فطورنا فول
    وصلت الساعه ثمانية ونص اتحركت على مبنى ادارة البعثات حي الغدير اول مادخلت قسم السيدات لقيت بنات كتير ناقصهم قرار الابتعاث وامر الاركاب

    الفجعة الكبيرة ول مادخلت استقبلتني وحدة قالت الناس عندهم اجتمااااااااااااااااااع بغيت انشب لها واقلها تقولهم لايتاخروا عليا
    المهم في اقل من ساعه خلص اجتماعهم
    الي ساعدني ان اخلص اموري في اقل من ربع ساعه ان الاربعاء الماضي طلبت من الوزارة يبعتو لي قرار الابتعاث على الاميل طبعا بعد ما ارسلت لهم صور من متطلبات قرار الابتعاث على الاميل وتم تغير حالة الطلب الى تمت طباعة القرار
    لكن البنات الي جوا وماطلعو طباعة قرار الابتعاث استنوا في طابور طويل

    رحت للمسؤولة عن امر الاركاب طلبت صورة من قرار الابتعاث وجواز السفر والتاشيرة وبطاقة العيلة ليا وللمرافق وبعدها خلتني اعبي نموذج للمراجعة واوقع على امر الاركاب وقالت لي روحي وكالة الطيار في نفس قسم السيدات

    ولمن رحت قالت تبي تطلعي التذاكر من هنا او من جدة قلت لها ايش يفرق قالت لو تبي تعدلي بعد كدا لازم تجي الرياض قلت لها لاخلاص افضل اطلع التذاكر من الرياض واخذت اصل امر الاركاب واعطتني نسخة
    وبكرة ان شالله حطلع التذاكر

    الله يسهل اموركم ويفرح قلوبكم زي مافرحت انا اليوم
  2. مبروك ياعسل على القرار وموفقة ان شاءالله
    بس انا ناوية ما اطلع الرياض بالمرة..يعني اسوي زي مو كاتبين في الموقع حق الوزارة
    انه القرار بالايميل وبعدين احجز في اقرب فرع طيار وبعدين ارسل رقم الحجز والقرار على وكالة الطيارة في الوزارة وتاني يوم اروح اقطع التذاكر..
    ماني شايفة احد بستخدم هدا الاسلوب...!! مع انهم كاتبين هالكلام في موقعهم
    7 "
  3. لا مايمديكي امر الاركاب هذه الخطوة الثانية بعد قرار الابتعاث لازم تروحي عندهم ويشوفو بياناتك وتوقعي على نماذج عندهم

    انا مررررة ماكنت ابا اطلع بس لازم لان مكتب الطيار مايحتاج قرار الابتعاث يحتاجو امر الاركاب واظن ان نفس وكالة الطيار الي في الوزارة لازم ياخد الاصل سواء حتصدري التذاكر في جدة او الدمام او في حوطة بني تميم مثلا

    انا كنت احسب ان قرار امر الاركاب اتلغى وان المور تساهيل بمجرد حصولي على قرار الابتعاث اروح لاقرب فرع لمكتب الطيار بس للاسف تسير الرياح ما لاتشتهي السفن
    7 "
  4. المشاركة الأصلية كتبت بواسطة fofitta
    مبروك ياعسل على القرار وموفقة ان شاءالله
    بس انا ناوية ما اطلع الرياض بالمرة..يعني اسوي زي مو كاتبين في الموقع حق الوزارة
    انه القرار بالايميل وبعدين احجز في اقرب فرع طيار وبعدين ارسل رقم الحجز والقرار على وكالة الطيارة في الوزارة وتاني يوم اروح اقطع التذاكر..
    ماني شايفة احد بستخدم هدا الاسلوب...!! مع انهم كاتبين هالكلام في موقعهم

    الله يبارك فيكي عقبال ما افرح لك ان شالله قريب

    حبيبتي زي ماقلت لك لازم تروحي الرياض
    7 "
  5. المشاركة الأصلية كتبت بواسطة الأحلام الذهبية
    الف مبروك والله يوفقك

    بصراحة مواضيع حلوة وتشرح النفس خاصة اني مااحب مواضيع اللي تجيب الهم

    الله يبعدنا عنها

    والف مبرووك مرة اخرى والله زحمة ماشاء الله
    الله يبارك في عمرك الله لايجيب الهم يارب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.