استفسارات مهمة بخصوص المرحلة الثامنة

بسم الله الرحمن الرحيم
السلام عليكم و رحمة الله و بركاته

أول شيء ما أدري إذا كان الموضوع مخالف أو لا لأنه يتعلق بالمرحلة الثامنة مو السابعة
لكن دورت بأقسام المنتدى كلها و لقيت هذا أنسب قسم
على العموم إذا ما كان المكان مناسب يمكن للمشرفين نقله للمكان المناسب

1 / متى يبدأ التسجيل في برنامج خادم الحرمين الشريفين المرحلة الثامنة ؟
يعني شهر كم ؟

2 / بعد التسجيل و تعبئة البيانات و القبول
متى يصدر أمر الإركاب ؟
يعني كم هي المدة بين التسجيل و السفر ؟

ما أدري إذا الفترات تختلف من مرحلة لمرحلة
إذا كانت تختلف ممكن تقولون لي فترات المرحلة السابعة

جزاكم الله خير

التسجيل بيكون بدايه رمضان اذا مثل السابعه
ومن القبول الى السفر يعتمد على وقت الملتقى ووقت دراستك مثل حنا وقت الملتقى بمحرم ومن بعده بدت الناس تسافر
هنا في ناس اخذ معها الموضوع 5 شهور بدايه من تسجيل رمضان الى الاعلان والسفر
وناس بتاخذ اكثر لانها مختاره وقت دراسه متاخر
وربي يسهل لك وموفقه

وعليكم السلام ,
كلامي ما يختلف عن اختي اللي سبقتي :p
بس من شروطهآ ما تكمل تسجيل بالجامعات السعوديه ,
و بالنسبه للمرحله بدا التسجيل 1 رمضان وانتهى 15 رمضان اعتقد
و اعنو النتايج بعد العيد و بداو الملتقيات من منتصف شهر 10 بعد كذااا انتظظرنآآآ حوالي شهري الترشيح النهائي
وبدات الملتقيات 29 ذو الحجه بدايه بالرياض بعدين جده بعدين الخبر ..
و من بعد ما يخلص الواحد حضور الملتقى يبدا يطلع قرار الابتعاث و يروح بسلامته بس طبعا بعد مايجيب القبول و على حسب موعد الدراسه

تسجيل - ترشيح - تدقيق - ترشيح نهائي - ملتقى - امور البعثه من قبول و تاشيره بعد كذا قرار الابتعااث و التذاكر

فالك التوفيق : )

غلاهم و تويتي مرة مرة شكراً و جزاكم الله خير :heart:

اقتباس:

---

بس من شروطهآ ما تكمل تسجيل بالجامعات السعوديه ,

---

سبق و سمعت هالحكي لكن مو مستوعبة !
يعني الحين إذا تخرجت من الثانوي و بدأوا الناس يقدمون على جامعة سعود و نورة و غيرها أنا ما أقدم ؟
طيب افترضي ما انقبلت بالبعثة تروح علي البعثة و الجامعة ؟
تو قرأت موضوع يتكلم عن هالنقطة
بعض الطلاب مسجلين بالجامعة يقولون بنطلب استعارة لشهادتنا الثانوية من جامعتنا
و إذا انقبلنا بعثة سحبناها نهائي و إذا ما انقبلنا بنرجعها
صحيح السالفة و لا أنا فاهمة غلط ؟

و بخصوص الملتقيات كم مدتها ؟
و إيش يصير فيها ؟ يعني ندرس و كذا و لا بس محاضرات ؟

آخر استفسار
يقولون إن فيه شرط في المرحلة الثامنة اللي هو إجادة اللغة الإنجليزية و الحصول على الآيلتس أو التوفل قبل الابتعاث
صحيح هالخبر و لا بس كلام جرائد ؟
لأنه مش معقول

اهلين اختي ,
اي كاتبين بالتسجيل للمرحله السابعه وقت التسجيل و انتي تعبين معلوماتك
اتعهد بعدم التسجيل للجامعات السعوديه
شوفي اذا انتي تنطبق عليك الشروط كان بهآآ , و سجلي بالابتعاث و انسي الجامعات
لانهم يقبلون كل اللي تنطبق عليهم الشروط مافيه مفاضله
انا بالنسبه لي كنت ادرس بالجامعه لما جات الاجازه على طول سحبت ملفي قبل التقديم ,
و الاستعاره للشهاده يمكن توهقك .. لان بوقت الترشيح يشيكون ع الجامعات اذا كان اسمك موجود بالجامعه يسقط اسمك من الابتعاث
ف اذا منطبقه عليك الشروط لاتسجلين بالجامعات ..
الملتقياات مدتهآ 3 ايام
بتحصلي اقسام فرعيه هنا عن الملتقيات واللي صار فيها بالتفصيل الممل بمواضيع مسوينهآ قروب مبتعث ..
ف هي 3 ايام و كل يوم فيه 3 ساعات تقريبا
عبااره عن محاضرات يلقونها دكاتره و اساتذه البرنامج و اعضاء من وزاره الخارجيه و شغلات كذا تهمك بالابتعاث
و مهم تحضرينه يعطونك بطاقه حضور , في حال ما حضرتيه ما يعطونك قرار ابتعاث وقتهآ تروح عليك البعثه ..

بالنسبه لاستفسارك الاخير انا ماعندي اجابه مؤكده , سمعت بهالشيء من بدايه المرحله السابعه بس مادري اذا صح ولا لا
ع العموم نهايه الترم الثاني و قبل التسجيل للجامعات بيطرحون الشروط يمكن تتغير ,
لان السادسه كانت طالبه تحصيلي 70 و قدرات 75 , اما السابعه كلها لازم تكون 80 +
و ربي يوفقك ان شاء الله : )

يا لبى قلبك تويتي مرة مرة شكراً الله يوفقك و ييسر لك كل صعب و معقد

اقتباس:

---

لانهم يقبلون كل اللي تنطبق عليهم الشروط مافيه مفاضله

---

أكيد هالكلام ؟
لأن كنت أشوف كثير ناس قدموا على البعثة و لا انقبلوا مع إنهم مستوفين للشروط
خائفة تروح علي الثنتين :cry2:

اقتباس:

---

الملتقياات مدتهآ 3 ايام
بتحصلي اقسام فرعيه هنا عن الملتقيات واللي صار فيها بالتفصيل الممل بمواضيع مسوينهآ قروب مبتعث ..
ف هي 3 ايام و كل يوم فيه 3 ساعات تقريبا
عبااره عن محاضرات يلقونها دكاتره و اساتذه البرنامج و اعضاء من وزاره الخارجيه و شغلات كذا تهمك بالابتعاث
و مهم تحضرينه يعطونك بطاقه حضور , في حال ما حضرتيه ما يعطونك قرار ابتعاث وقتهآ تروح عليك البعثه ..

---

بس كذا :unsure:
قرأت موضوع عن طلاب الدفعة الرابعة المبتعثين لإيرلندا
الملتقى حقهم كان عبارة عن دراسة !
يعني درسوهم حاسب و إنجلش و كانوا يعطونهم مكافآت !

اقتباس:

---

بالنسبه لاستفسارك الاخير انا ماعندي اجابه مؤكده , سمعت بهالشيء من بدايه المرحله السابعه بس مادري اذا صح ولا لا
ع العموم نهايه الترم الثاني و قبل التسجيل للجامعات بيطرحون الشروط يمكن تتغير ,
لان السادسه كانت طالبه تحصيلي 70 و قدرات 75 , اما السابعه كلها لازم تكون 80 +
و ربي يوفقك ان شاء الله : )

---

إن شاء الله إشاعات يا رب

هل انتي متاكد من كلامك ادا توفرت الشروط راح نكون مقبولين في البرنامج وله بضيعي علينا البرنامج والجامعات :p

يبداء التسجيل في بداية شهر رمضان اما بخصوص اتقان اللغة فصحيح يبغو يجربو المبتعثين هل يقدرو يمشو امورهم من ناحية المطار والسكن والامور المعيشية بمعني لغة بسيطة تمشيهم الكم شهر وليس توفل
لان لعض الطلاب بيطلعو مييييح هذا الي صرح بية وزير التعليم العالي في جريدة عكاظ

الموضوع قبل 4 شهور :d

اقتباس:

---

المشاركة الأصلية كتبت بواسطة Talooo AL-so0ol

هل انتي متاكد من كلامك ادا توفرت الشروط راح نكون مقبولين في البرنامج وله بضيعي علينا البرنامج والجامعات :p

---

يالغالي بمجرد مطابقتك للشروط بإذن الله " مقبول " حتى لو كنت جايب نفس المعدلات :

طالبين 80% قدرات و80% تحصيلي " المرحلة السابعة "


واحد من الشباب جايب " 80% تحصيلي والقدرات جاب أعلى من 80 والحمدلله انقبـل .


الله يوفق الجميع ويسهل أمور كل مسلم ومسلمة يــــارب

الله يسهل يااارب