تكفوووون يااهل الخبره والمعرفه لاتبخلو علي باالفائده

بسم الله الرحمن الرحيم

السلام عليكم ورحمة الله وبركاته وبركاته

أما بعد انا بقول لكم شغلتي بالكامل ولو انها طويله لكن علشان تفهمون الافضل لي واللي علي

انا موظف حكومي بمملكة ابو متعب الله يحفضه ويطول بعمره لنا

وباخذ اجازة بمشيءة الله من العمل لمرافقتي لزوجتي لدراسات العليا باامريكا ومعي ولدي واحتمال بنتي باخذها معنا

باقي ماوصلني (الايتي ون وقرار الابتعاث والسيفيس وامر الاركاب والتذاكر والفيزاء ) للحين ماطلعاتها لان المعهد الله يوفقه طالب مني شهادة الاصل من زوجتي وخايف ارسلها له لاني اخاف يضيعها ويروح علينا الابتعاث

المهم مالكم باالطويله .

أنا معي شهادة الكفائه المتوسطه وارغب في دراسة اللغة وارغب في مواصلت دراستي باامريكا هذا اذا يسمح لي باالدراسه .

انا اسمع باالمنتدى (F1 و F2 ) ولا اعرف وش هذي الاف ون ولا الاف تو ابيكم تعرفوني عليها وابيكم تعطوني الافضل لي ولزوجتي ولولدي لاني ناوي ادرس اللغة واحاول اكمل اللغه واذا الا(F1 و F2 )من السفارة الامريكيه

وش اقول لهم حتى يعطوني اللي تنصحوني فيه علشان احصل على رغبتي ورغبت زوجتي وياليتكم تفيدوووني بسرعه لاني بروح قريب للسفارة واتمنى اعرف كل شيء ينفعني وبمصلحتي وبمصلحت زوجتي طبعاً برضو بتدرس لغة وبعدها بتخضر الماستر.

وايضاً ماني عارف ( الايتي ون ) بس لزوجتي المبتعثه او لكل المرافقين (اي تي ون )ولا كيف الطريف فهموني تكفووون الله يحفضكم



وسلامتكم والله يحفضنا ويحفضكم من كل سوء



أخوكـــــــــــ ( أبو عبدالرحمن ) ــــــم

إلي اقدر افيدك فيه هو

F1 = فيزة للطالب
F2 = فيزة للمرافق وممكن يكون طالب لكن في الاصل هو مرافق

وبخصوص الآي توني بيكون لأم العيال لأنها هي مقدمة على المعهد

وانت إذا قدمت على معهد بيكون لك آي توني خاص فيك

ولو تبغى تدرس لغة شفلك معهد وراسلهم وشوف الاوراق المطلوبه وارسلها لهم عشان يعطونك آي توني خاص فيك


أما باقي الاشياء إلي تسأل عنها ما اقدر افيدك فيها لقلة معرفتي


وبالتوفيق..