كثرة المواضيع المسيئة للمبتعثين

السلام عليكم ورحمة الله وبركاته

ان عارفة انو موضوعي ما هو مرتب ولا منسق وينقصه بعض الاشياء ولكن من قهري كتبته في عجالة زي ما هو واضح من العنوان لماذا كثرت المواضيع المسيئة لبرنامج الابتعاث والمبتعثين ؟

مافي يوم يمر الا والصحف سواء الورقية او الاكترونية وكذالك القنوات الفضائية تكتب وتتكلم عن سوء اخلاق المبتعثين في الخارج او فشل المبتعثين دراسيا ومطالبتهم بوقف البرنامج لانه لا يحقق الهدف

المطلوب و صرف المليارات عليهم مما يضعف خزينة الدولة لا والادهى من ذلك من يقول لماذا يدرس الطالب في الخارج مع توفر الجامعات السعودية القوية ؟


ومن هذة المواضيع :

موضوع الدكتور علي العمري 90% من المبتعثين يعانون من انحرافات

وكذالك ما اشيع عن مطالبة الشيخ العريفي بفحص دم المبتعثين من المسكرات و المخدرات

و ان بعض المبتعثين يرتدون عن الاسلام وووووو

انا بس ابغى اعرف ليش هذي الهجمات الشرسة على المبتعثين انا عارفة انو في نسبة صغيرة لكن مو الكل

والله انا كل يوم حاطة يدي على قلبي وادعي ربي يعجل سفري اخاف اهلي يبطلون من كثر هذي الاخبار وانا والله ما صدقت تجيني هذي الفرصة بعد تجارب مريرة لسنوات مع جامعة الملك عبد العزيز في
التقديم للماجستير لكن الحمد لله ربي عوضني خير بالبعثة


فبالله عليكم انتو ليش خارجين هل انتو خارجين علشان تصيعو زي ما يقولون ولا علشان تدرسو وترفعو راسكم وراس اهلكم ودولتكم ؟

ما اكذب عليك فيه نسبه للطلاب الصايعين
ما ابي احط في ذمتي شي لاكن بوه نسبه ومش صغيره هالنسبه

انا الحمد لله متاكد من نفسي اذا جيت خلوهم يفحصون
عشان انا بنفسي اطمئن وكمان اهلي يطمئنون

الله يسهلها ي رب

اصلا هو في وقت عشان الواحد يصيع هنا ؟؟

انا الى الان ماشفت من هالكلام

الله يوفقنا واياكم

خلوا اللي يحكي يحكي شو ما بدو .. يدٍ ما سرقت ما تخاف القطع ^_^

عزيزتي .... lotus.da

أخرج الإمام أحمد عن أسماء بنت يزيد رضي الله عنها قالت قال رسول الله صلى الله عليه وسلم
{ من ذب عن عرض أخيه بالغيب كان حقا على الله أن يعتقه من النار } وإسناده حسن . [ ص: 106 ]


وأنا من هالمنطلق أقولك شيخنا العريفي لم يُطالب بفحص دم للمبتعثين
وهو بنفسه نفى هالإشاعات والتقولات اللي انتشرت على لسانه في تغريداته
تقدرين بنفسك تشوفين تغريدات العريفي وتتأكدين
هو طرح هالموضوع للنقاش بناءاً على رساله وردته من أحد المبتعثين شكى فيها الوضع فالدوله المبتعث فيها
أنا مااأزكي على الله أحد لكن بنفسي قرأت تغريدته اللي نفى عن نفسه هالكلام
وحبيت أبيّن لك وللأعضاء هنا


إذا ظهر الفساد فعهد الرسول فماذا نقول على زماننا .!!!!

ربي الحافظ عزيزتي
بالتوفيق

السبب اننا شعب ننظر دائما للجانب السيئ ونركز عليه ونترك الجانب الايجابي
والله ما قد سمعت شخص او شيخ يتكلم عن الجانب الايجابي للابتعاث دائما يركزون على السلبي ... وهذا اكبر غلط .. كأنه لاجد لدينا شباب منحرفين في السعودية

انا اقولكم يوجد عندنا في السعودية نسبه كبيرة جدا من الشباب المنحرفين ولكن عندنا المشايخ والناس اللي تتكلم على انحراف المبتعثين لا يلقون لهم بال .. ادخلو اليوتيوب وشوف مقاطع القبض على كميات المخدرات المهربة للسعودية التي تقدر بالمليارات .. اكيد هذه ما جاءت للتهريب الا بوجود ناس تستفيد منها في الداخل ولا ما كان جات اصلا ..

وعليكم السلام ورحمة الله وبركاته

طبعاً لاغبار على كلامك ، كل الاشخاص اللي يسوون كذا ياانها من القهر والحره اللي في قلبهم وماعرفوا يبتعثون او انهم ما انضموا للبعثه واخذلك يامشاكل ينزلها عليه وعلى غيره ويخرب الدعوه كلها
في ناس ماهمها الا نفسها وقلوبهم ملئت من الحقد والحسد الى مالايتصوره العقل البشري.

وبعدين انت يابو جامعات قويه اللي يقول عليها طيب انا مابقول انه جامعاتنا مو قويه لا لأن التقييم مايكون من شخص عنده هندسه ولا دبلوم، وانما القييم يكون لمن هم اهل التقييم والاختصاص.
مابي الموضوع يتفرع وتصير له متاهات.
انا اطرح قصتين صاروا لي باختصار وابي ابين حق ابو الجامعات القويه هذا وش صار لي.
انا خريج كليه الجبيل دبلوم الالات الدقيقه والتحكم 2009 قدر الله علي، وعلى اخر فصل دراسي نزل معدلي عن المطلوب للتقديم للباكالريوس وبذلك لااستطيع التقديم على مرحله البكلريوس
حاولت على مدى 3 سنوات ولكن للأسف اسمي لايقبل في النظام للتسجيل وليس يتم رفضي بعد التقديم ، يعني من الاخر هم مسوين فلتره حق الاسماء اللي معدلهم اقل من المطلوب مايدخل في النظام هههه
واهل الحاسب الالي يعرفون يسوون هذا في قاعدة البيانات يعملون فلتر خاص.
مومهم الامر، لكن الفكره اني طلعت عند مدير الكليه وبعد تصريفات دامت ساعات قليله تم الدخول على المدير بكل جرأه وقوه. صاحبكم ذيب مايمشي الا لما يسوي اللي في راسه هههه
شرحت له الموضوع كامل ، وتم الرد علي بأن اللي وضع النظام من قبل مسؤول كبير من محافظه الجبيل وانه المدير هو فقط ينفذ الاوامر. قتل للطموح بشكل قانوني.
القصه الثانيه اني رحت ابي ادرس في الجامعه العربيه المفتوحه بغض النظر عن قوتها ولا مو معترف فيها من الوزاره او غيره
هذا الكلام صار في 2010 قدمت على تخصص نظام معلومات وكنت ابي ادرس على حسابي ، وبعد الموافقه من الشركه رحت للجامعه وفوجئت بالقانون الجديد للجامعه
وهو انه اللي عمره اقل من 25 سنه ماتقبله الجامعه وهذا النظام جاي من الوزاره.
اي عقل يقبل هذا القانون ومن الذي وضع هذا القانون؟
يعني اذا مادرست وانا قبل 25 سنه بروح ادور على الدراسه وانا بعد 25 سنه؟

رد يابو جامعات قويه

اخت لوتس.دا تكفين تسحبين هذا ابو جامعات قويه من اذنه وتخليه يجاوب على اسألتي.
بالتوفيق

اولا احب اقول ..

الشيخ العريفي رجل فاضل وله صولاته وجولاته ..ورجل خدم هذا الدين نسال الله ان لا يحرمه الاجر..

رجل اول شي استاذ دكتور..يعني ماهوو مخمه ولا دلخ عشان يطلق او ينشر اي كلام عابر..

رجل درس في الخارج لمدة 6 شهور عشان يتعلم اللغة..يعني ماهوو حياته كلها بالسعودية..

يعني فاهم اوضاع المبتعثين..

رجل نحسبه والله حسيبه اسد من اسود هذا الدين..فلا نامت عين تريد المساس بالعريفي..

ولا ارتاح عقل يخطط لتشويه سمعة العريفي..واسال الله ان يوفق شيخنا لكل خير ويبعده عن كل شر..



ثانيا :

اختنا الكريمة " ولا يهونون القراء"..احب اقول لك " كل إناء بما فيه ينضح "..

برأيي المتواضع ان هناك 3 أنواع من المبتعثين..

1- حقين دراسة : رايحين يدرسوو ويتعلموو وشايلين هم البعثة ومقدرين النعمة اللي جايتهم..ولا ضير ابدا انهم يتمشون ويروحون ويجون عشان فقط يروحون عن انفسهم.

2- حقين دراسة وفلة : وهذولا اعتبرهم ع قولته " بين الجنة وبين النار "..صح يدرسوو ويحضروو بس عاملين زي الطالب اللي مستواه وسط لكن محافظ ع دوامه..
لكن هذا النوع يطغى عليه طابع الفله مع الحرص على الدراسة.

3- حقين فلة : ناس حقين فلة..جايين ع بالهم خلاص البعثة بالجيب ولاحقين ع الدراسة اهم شي نفلها وننغمس مع الشعب عشان نتعلم اللغة زين لان المعهد ما يكفيك لغة ولا يطورك باللغة..يا رجال بس اترك عنك الدوافير هذولا دلوخ ماهم مقدرين الفلة.." وهذا النوع النسبة الأكبر منه موجودة في البكالوريوس " .. لان مدة ابتعاثهم هي الأطول والأخطر..

نسال الله ان يهدي كل ضال لطريق الهدى والنور والعلم والبعد عن ما حرم الله والقرب من مرضات الله..

ونساله سبحانه ان يحفظ جميع المبتعثين من المسلمين..

ويرزقهم الدرجات العلى .. والشهادات المتفوقة..



ثالثا:

" أصابعك مو سوى "..

بمعنى : الناس تختلف وجهات نظرهم اتجاه شي معين بحسب تصرفاتهم وتعاملهم مع هذا الشي..

فمثلا..تسيب المبتعثين وفحص الخمر بالمطار..

هناك شخص "س" وهناك شخص "ص".. "س" رجل محافظ ورجال سيدا ما عنده لا يمين ولا يسار..
تتوقعون راح يتضايق من كلام فحص الخمور ولا كلام ان المبتعثين متسيبين..بالتاكيد لا..

أما اخونا العزيز "ص" رجال حق فلة ووناسة وكل ابو شي..
فأكيد مليون بالميه راح يتضايق..

لان " اللي في بطنه ريح ما يستريح "..


شوفي كلام اختنا الكريمة في هالاقتباس:

اقتباس:

---

المشاركة الأصلية كتبت بواسطة jodi.a

اصلا هو في وقت عشان الواحد يصيع هنا ؟؟

انا الى الان ماشفت من هالكلام

الله يوفقنا واياكم

---

الناس ع حسب نشاطاتها وميولها ..

الاخت رايحه تدرس مو رايحه تتمشى وتلعب..

فنظرتها طبيعي تكون عاديه ..




والأخ هنا جزاه الله خير يقول:

اقتباس:

---

المشاركة الأصلية كتبت بواسطة TarQ.su

السبب اننا شعب ننظر دائما للجانب السيئ ونركز عليه ونترك الجانب الايجابي
والله ما قد سمعت شخص او شيخ يتكلم عن الجانب الايجابي للابتعاث دائما يركزون على السلبي ... وهذا اكبر غلط .. كأنه لاجد لدينا شباب منحرفين في السعودية

انا اقولكم يوجد عندنا في السعودية نسبه كبيرة جدا من الشباب المنحرفين ولكن عندنا المشايخ والناس اللي تتكلم على انحراف المبتعثين لا يلقون لهم بال .. ادخلو اليوتيوب وشوف مقاطع القبض على كميات المخدرات المهربة للسعودية التي تقدر بالمليارات .. اكيد هذه ما جاءت للتهريب الا بوجود ناس تستفيد منها في الداخل ولا ما كان جات اصلا ..

---

يعني زي اللي لا ناقة له ولا جمل..

الموضوه تمحور حول المبتعثين وتسيبهم في بلد الابتعاث .. والاخ يتكلم عن المخدرات في السعودية..

اقول لاخوي الكريم .. كلامك صحيح وع العين والراس..لكن ماهو هنا محله..

الشيوخ ما يتكلموو عن الخراب هنا لان فيه ناس تتكلم عنه مثل الدعاة او هيئة الأمر بالمعروف والنهي عن المنكر..

الخراب داخليا ولله الحمد معتنين فيه..

لكن بلاك من اللي يخرب بالخارج..يخرب بديرة الخراب..هذا كيف تتصرف معه..بالله قلي شلون.؟؟

من الأفضل ان اصلاح المبتعثين يبدا من بلد ابتعاثهم..

يعني الطلبة المتسيبين نعدلهم هناك في بلد الابتعاث مو اذا جوو السعودية بدينا ننصحهم ونوجههم..

مثل ما صار في بريطانيا في احد الملتقيات اللي نظموها السعوديين واللي تناقش كيفية حل العنف الأسري والحد منه الخ..

هذا نموذج جيد يظهر كيفية التعامل مع مشاكل المبتعثين في دولهم..


..

في الختام اقول لاختنا كاتبة الموضوع..لا تقلقي..

ولا ترتابي..ولا تضيقي صدرك..

الأمور سهالات وبسيطة على من حفظ نفسه وراقب الله في السر والعلن..

ولا يحتاج اقول لك مثل هالكلام لانك خريجة قرآن ودراسات إسلامية..

اطماني وتوكلي على الله ووكلي امرك ودنياك لله سبحانه وتعالى..




أتمنى إني افدتكم ولو بالقليل..




وعسى الله ييسر امورنا اجمعين..



..

اقتباس:

---

المشاركة الأصلية كتبت بواسطة jodi.a

اصلا هو في وقت عشان الواحد يصيع هنا ؟؟

انا الى الان ماشفت من هالكلام

الله يوفقنا واياكم

---

اللي يبي الصياعة أكييييييييد فيه وقت
لكن الله يحفظ الجميع