تم رفض ضمان الوزارة و الملحقية ... ما العمل؟
السلام عليكم،،
اتمنى من الأخوة أو الأخوات اللي عندهم خبرة في هذا الموضوع مساعدتي، أنا قدمت على معهد Kennesaw State University Intensive English Program، تم تسجيلي في المعهد من طرف الوزارة ولله الحمد و استلمت الضمان المالي، لكن للأسف تم رفضه بحجة انه غير ملزم حتى احصل على قرار الأبتعاث النهائي.
قمت بعدها و بمساعدة بعض الأخوة هنا بالاتصال بالملحقية و الحصول على ضمان مالي جديد (ضمان مالي للقبول فقط)، و لكنه قوبل بالرفض أيضاً... لذلك قمت و طلعت شهادة بنكية و الـI-20 الحين بالطريق... الشهادة غير ملزمة و المبلغ المطلوب كان مبلغ يسير ولله الحمد.
بما اني طالب مبتعث و مع ذلك جبت قبول باستخدام رسالة بنكية خاصة... هل هذا يضعني في مشكلة؟ من ناحية الفيزا أو الوزارة. المعهد يقولون أنو مجرد ما اجيب لهم ضمان مالي حقيقي يقدرون يغيرون معلومات الأي 20 و مافي داعي لأصدار فيزا جديدة أو وجع راس و الشغلة بسيطة جداً، لكني لا زلت قلق شوي...
هل في أحد أخر مر بمثل هذي التجربة أو يقدر يفيدني اذا انا لازلت في السليم؟ والله اني مرتبك و خايف ان الفيزا تبطل او الوزارة تستقعد لي بعدين عشان اني طلعت قبول بدون ضمانهم التعبان...
رد: تم رفض ضمان الوزارة و الملحقية ... ما العمل؟
انا حاليا امر بنفس التجربة
وان شاء الله
تتيسر باقي الامور ويقبلون الضمان وقت ما نجيبه معانا (لا نتورط)
بالتوفيق......
رد: تم رفض ضمان الوزارة و الملحقية ... ما العمل؟
انا عندي ضمان مالي ورحة تجسسير وكلمتهم يراسلون المعهد قالو المعهد اشترط مع الضمان شهاده بنكية لاتقل عن150000 الف ريال
وانا ماعندي وش الحل وهل الضمان ماينفع
رد: تم رفض ضمان الوزارة و الملحقية ... ما العمل؟
انا طالبين مني شهادة بنكية بمبلغ 100.000 ريال عساهم الهم انا لو عندي 100 الف ما كان طالعت في شكلهم حتى
ويش الحل طيب ياجماعة ، ضمانات الوزارة ماهم راضيين يقبلوها
رد: تم رفض ضمان الوزارة و الملحقية ... ما العمل؟
الوزارة تقول مبتعثين على حساب الدولة وتعطينا ورقة الي هي الضمان وتقول هذا ضمانكم المالي من الدولة طيب الورقة هذي مانفعت
وش الحل وكل مارحنا لهم قالنا الضمان مانفع قالو حنا عطيناكم الضمان خلاص
لو على شهادة بنكية بالنسبه لي ماني طالعة مبلغ 150000 الف ماشوفه الى في الخيال
فكيف اجيبة للواقع
ولو عندي المبلغ رحت على حسابي ولا شفت لي حل
بس شكل البعثة على حساب الدولة بكنسلها كله عشان ورقة الضمان المالي حقت الوزارة الي ماتسوي شي
رد: تم رفض ضمان الوزارة و الملحقية ... ما العمل؟
يا جماعها وش فيكم لكل مشكله حل ما عليكم فيه مكاتب تطلع شهادات بنيكه بالمبلغ المطلوب ويكلفك تقريبا 850 ريال
الشهاده البنكيه فقط لتسجيل في المعاهد يعني تقدرون تقولن تسكيته واذا رحتو هناك تستبدلونها بضمان الوزاره ويدفعون للمعهد بس لازم تسئلون الوزاره بهذا الخصوص
انه اذا وصلتو للمعهد هل الوزاره تبداء بدفع الرسوم للمعهد عشان يتم استبدال الضمان ... وبالتوفيق للجميع
رد: تم رفض ضمان الوزارة و الملحقية ... ما العمل؟
المعهد يقول أنو بمجرد اني أجيب ضمان مالي مزبوط من الملحقية (مثل الي تاخذه عشان تعطيه المعهد قبل الدراسة) راح يتم تغيير الضمان الموجود عندهم... مافي اي مشاكل من طرف المعهد، الخوف كله من الوزارة، هل راح يستقعدون لي عشان طلعت الأي 20 بضمان شخصي ولا لا...
و السفارة كذلك، هل اعطيهم ضمان الوزارة اللي اعطتني اياه للمعهد ولا اوريهم الرسالة البنكية اللي اصدرتها انا للمعهد؟
الله يساعد الجميع...
رد: تم رفض ضمان الوزارة و الملحقية ... ما العمل؟
يب نفس المشكله
الضمان رموه في وجهي:o