تعالو شوفوا نتيجه تفاعل الضغط النفسي و العطاله :P (بكالوريوس)

السلام عليكم ..
يسعدلي مساؤكم/ صباحكم و كل اوقاتكم ..

أول شيء حطيت دا الموضوع عشان تتحمسو وتدخلوا :p
تاني شيء انا عندي استفسار شويه غريب بس بصراحه انا الجلسه في البيت طلعتلي رووووحي و ابغا اسافر و ادرس قبل ما مخي يقفل!!
و دراستي بمعهد جامعه جورج ميسون في May دا المعهد اللي اخدت عليه الضمان و فيه تخصص للعلوم الطبيه و يعطي قبول مشروط "مافي احلا من كدا"!!
بس انا مستعجله وما ابغا انتظر كل هذي المده .. الموهم انه لسى ما وصلني الاي توني و انا ابغا اجيب قبول في كابلن ل3 شهور الجايه على بال مايبدا فصل الصيف بميسون
اختي راحت للملحقيه و استفسرت عن دا الشيء قالولها اوووكي وابدا مافي اي مشكله ..
استفساري انا لو جبت 2 اي توني واحد من كابلن اطلع فيزتي عليه و واحد من ميسون عشان قرار ابتعاثي يطلع عليه
ما يصير صح؟!! هل هدا الشيء ينفع لانه انا سمعت مجرد مايجيني اي توني لمعهد و يجيني بعده اي توني لمعهد تاني يعتبر الاي توني الاول ملغي صحيح دا الكلام؟؟
/

بالاخر عارفه اني كتبت قصه حياتي لكن انا فعلا مضايقه و ابغا اخلص اموري بدري بدري
اللي عنده فكره لا يبخل عليا بالمعلومه لاني احتاجهاااا

شكراً لكم و أعتذر عن القرقره الطويله:p

اختي بالنسبه لسؤالك انه الاي توني الثاني يلغي الاول
انا كنت اتوقع اول انه صحيح الكلام ذا
لكن سالت مكتب قبولات و قالي لا عادي ما يلغي ولا حاجه بس يمكن الوزاره ماتعطيك قرار ابتعاث ع الاول
ف ان شاء الله الكل يقدر يفيدك اكثر مني ..

^

مره شكرا لك الله يجزاك كل الخير ...

اللي عنده المعلومه لا يبخل عليا فيها :(