مرافقي رٌفض ف الفيزا الامريكية.. وش الحل
السلام عليكم والرحمه
حبيت آطرح لكم مشكلتي آلي آخر شيء كنت اتوقعها تصير معي
لكن ما اقول غير الحمدلله على كل حال ..
اليوم رحت السفارة انا و اخوي وسوينا المقابلة
انا الحمدلله وافقوا على طلبي و بيرسلون لي الفيزا في الايام القادمة ..
لكن المشكلة و الصدمةة
انها رفضت اخوي والسبب
1- لآن درجاته فالثانوي ضعيفة ومتخرج من 10 سنين
و ثاني سبب .. انه ماعنده اي روابط هنا ف المملكة ,, يعني لا وظيفة ولا زوجه لآنه استقال قبل 3 شهور
يعني طلع الروابط لازم الزوجه والابناء اما الاهل لا مايهتمون فيها
فآلحين على سالفة الدرجات
لآن اخوي قدم بفيزا (( طالب F1 )) و معه ال I-20 من المعهد
ف اش الحل ؟؟؟
عادي حتى لو يقدم بفيزا ثانية غير الطالب بس يدرس المعهد
اعطوني الحل الله يسعدكم ,, لآن مره ماعندي وقت على بداية دراستي ..
و هل عآدي يآخذ موعد ثاني فالايام الجاية ولا لازم تمر شهور بين المقابلة والثانية
آسفة عالاطالة ,, بس الله العالم بالحال :(
آلحمدلله على كل حال
رد: مرافقي رٌفض ف الفيزا الامريكية.. وش الحل
الله يسهل امرك ماعندي اجابة لك غير ادعيلك بالتوفيق
رد: مرافقي رٌفض ف الفيزا الامريكية.. وش الحل
ياغالية ..هل قدمتوا كشف حساب وضمان بنكي لهم
رد: مرافقي رٌفض ف الفيزا الامريكية.. وش الحل
قمر ..
آميييين يارب
الله يسمع منك ي آختي مشكورة
رد: مرافقي رٌفض ف الفيزا الامريكية.. وش الحل
اقتباس:
المشاركة الأصلية كتبت بواسطة benefactor
ياغالية ..هل قدمتوا كشف حساب وضمان بنكي لهم
اي ي آخوي قدم لها كشف الحساب
لآن انا بعثة وهو على حسابه وان المتكفل بيه ابوي
بس هي انه ليه 10 سنين من تخرجت مادرست
قال لها الظروف ماسمحت
والان بما اني مرافق ان شاء الله باستغل الفرصه واكمل دراستي
و ان مو متزوج ولا عنده روابط عائلية
اش ذا مايعجبهم شي
رد: مرافقي رٌفض ف الفيزا الامريكية.. وش الحل
طيب جربي خليه يقدم على B-2 واذا درس يغير الفيزا بعد ل F-1
الله يسهل امرك وامره ..
رد: مرافقي رٌفض ف الفيزا الامريكية.. وش الحل
اتوقع لو كان المبلغ الي بشهاده البنكيه وكشف الحساب مبلغ كبيرررر راح يوافقون عليه لانه ما همهم الا الفلوس وانه يقدرون يستفيدون منه هناك ومن فلوسه
ويوم شافو ما عنده روابط عائليه زوجه وابناء خافو قالو هذا بيهج مين يرجعه:D
رد: مرافقي رٌفض ف الفيزا الامريكية.. وش الحل
خليه يقدم مره ثانيه ويحجز موعد على فيزة f2 بدون دراسه واذا رحتو هناك عادي يدرس بعد مايحول الفيزه الى f1 بس تاخذ وقت حوالي ثلاث شهور طبعا كلامي في الدوله المبتعث فيها يقدم على الملحقيه
والله يوفق الجميع
ترى هذا كلام الدكتور ماجد الحربي اي مرافق له حق الدارسه
رد: مرافقي رٌفض ف الفيزا الامريكية.. وش الحل
الله يسهل علينا وعليك البعثه
كل ماقلنا هنات جد علمن جديد!!
طيب بالنسبة للمرافق اللي ناوي يدرس لغة
وجاب اي توني معاه
لازم يجيب كشف درجات اخر مؤهل حصل عليه؟؟؟
رد: مرافقي رٌفض ف الفيزا الامريكية.. وش الحل
اقتباس:
المشاركة الأصلية كتبت بواسطة ما به جديد
خليه يقدم مره ثانيه ويحجز موعد على فيزة f2 بدون دراسه واذا رحتو هناك عادي يدرس بعد مايحول الفيزه الى f1 بس تاخذ وقت حوالي ثلاث شهور طبعا كلامي في الدوله المبتعث فيها يقدم على الملحقيه
والله يوفق الجميع
ترى هذا كلام الدكتور ماجد الحربي اي مرافق له حق الدارسه
للتوضيح فيزا F2 تعطى للزوج/الزوجة والأبناء فقط
أما الأخ أو الأب يعطى F1 اذا بيدرس وجاب قبول
وإذا مايبي يدرس يقدم على فيزا سياحية B2