الأعضاء الإشتراك و التسجيل

الملتقيات
ADs

تقرير الندوة اللي نظمتها القنصلية في جدة ..

تقرير الندوة اللي نظمتها القنصلية في جدة ..


NOTICE

تنبيه: هذا الموضوع قديم. تم طرحه قبل 4448 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية makkawe2005
    makkawe2005

    مبتعث مستجد Freshman Member

    makkawe2005 الولايات المتحدة الأمريكية

    makkawe2005 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى علوم حاسب , بجامعة جامعة ام القرى
    • جامعة ام القرى
    • علوم حاسب
    • ذكر
    • مكة الله يعمرها, مكة الله يعمرها
    • السعودية
    • Dec 2011
    المزيدl

    January 24th, 2012, 12:04 PM

    السلام عليكم ورحمة الله وبركاته


    الأخوة الأعزاء رواد منتديات مبتعث .. سأكتب نبذة مختصرة عن الندوة التي نظمتها القنصلية الأمريكية العامة بمدينة جدة لطلاب بعثات خادم الحرمين الشريفين وهي عبارة عن ندوة مصغرة عن ما سيواجهك في المستقبل من صعوبات وضغوطات واجراءات لابد ان تستكملها من بداية سفرك وحتى تأقلمك مع الجو المعيشي مع الشعب الأمريكي . التقرير سيكون تقرير كتابي فقط .. لأن ما جا على بالي اصور << واثق انه كان يبغا يجيب كاميرا ويصور

    .. قبل ما تدخل ..
    طبعاً اول حاجة دخلنا علىها التفتيش وانت داخل القنصلية والاجراءات الأمنية المتبعة عندهم .. جوال ما تدخل اي اجهزة الكترونية لا ما تدخل معاك الا اوراق ققط وانا سمحوا لي ادخل مفاتيح السيارة معايا..

    .. دخلنا القنصلية الحمدلله ..
    ركبنا في سيارات واخذتنا على القاعة المخصصة للندوة .. دخلنا القاعة اخذنا البروشورات ونحن داخلين .. وبما انه كان وقت صلاة ظهر طبعاً رحنا صلينا << هنا لازم اوقف ابغا اسأل الشباب اللي جابوا الشراشف اللي صلينا عليها ، من فين جبتوها ؟؟ شكلكم سحبتوها من الطاولات اللي كانوا حاطين عليها الببسي والكولا والله انكم رهيبين هههههههههه

    المهم صلينا وبدأت المحاضرة .. شغلوا لنا فيديو لطلاب مبتعثين في امريكا ويحكوا تجربتهم عن الدراسة في الولايات المتحدة الأمريكية .. بعدها جاء القنصل ورحب بالحضور << ماعرف ليش كان خايف نفسه كل شوي يقطع خخخخخ .. المهم بدأت بعده الاستاذة حنين كمال المشرفة على المكتب التعليمي في القنصلية وبدأت في البرزنتيشن حقها ..
    كانت المادة كاملة تتكون من ثلاثة اجزاء - ماقبل السفر وتجهيز الشنطة - في السفر والطيارة والحوسة - مابعد السفر والضغوطات النفسية والامراض والتغيرات .

    تقريباً أغلب الكلام كلنا نعرفه ، بس في حاجات لازم اذكر بيها .

    - بالنسبة للتأمين الصحي .. للأخوان اللي يعانون من امراض معينة اسأل الله لهم الشفاء والعافية التأمين الصحي ما يغطي الحالات المزمنة كالضغط والسكر والامور دي .. وبالنسبة للأسنان والعيون ايضاً ما يغطيها فنصحتنا اننا نشيك على الاسنان وكشف النظر من هنا لانه هناك غاااااااااااااالية وكمان اعمل نظارات سبير للناس اللي زيي دايماَ يضيع نظارته او ينساها في اي مكان او انه استخدامه عنيف .. المهم انتبه للكلام دا وخليه في بالك لا تروح هناك وتتورط .. والادوية ما يسمحوا لك انك تاخذ ادوية كثير .. هذه المعلومة سمعتها منها لمن في وحدة من البنات كانت بتسألها على هامش الندوة كدا .. انه كمية الادوية للامراض المزمنة ما تتجاوز كمية واحد شهر كحد اقصى ..
    ايضاً معلومة مهمة للأخوات .. التأمين لا يشمل الولادة اذا كان عملية الحمل تمت بعد اصدار التأمين .. اما لو حصل الحمل بعد اصدار التأمين فيتم تغطيته على حساب التأمين << الحين انت ايش دخلك ؟؟!!
    ملقوووووووف

    - بالنسبة لورقة I-94 هي عبارة عن جزئين .. جزء ياخذوه وانت نازل وجزء يقعد لزقة معاااااااااااك الين تسافر وانت خارج من البلد .. ولازم تسلمها لشركة الخطوط اللي انت راجع عليها .. والله شكلنا بننسى المعلومة دي مع انها جداً مهمة .

    - احسب حسابك وخذ معاك القاموس حقك من هنا .. لأنه هناك ما راح تلاقي قاموس عربي انجليزي .

    - بصفة عامة لابد أنك تعرف حقوقك وما لك وماعليك في الجامعة
    ، يعني بالعامية ( طالب بحقوقك واحترم نفسك ) <<< كان تحتها تفاصيل للييييييييييييييييل الطويييييييييييييييييل بس مافيا حيل افتكر كان كلام كثير .

    بعدها جات مسؤولة الفيز وبدأت الأسئلة بس المشكلة اللي حصلت انه كان في ناس متاخرين وفاتهم جزء كبير من المحاضرة فاضطرت مشكورة الاستاذة حنين انها تعيدها لهم مرة ثانية .. وتم مناقشة امور الفيز معاها خارج نطاق الندوة وكانت الاسئلة فيما بين الطلاب والمسؤولة نفسها ..


    فاتمنى انه الشباب اللي قعدو وكلموا ميس مها انه لو حصلوا على معلومات مهمة يكسبوا الاجر معانا هنا ويشاركوا اخوانهم في المنتدى بها ..

    .. بعد ما خرجنا ..

    خرجنا كعابي على رجولنا واستلمنا العهد والحاجات من عند الباب وبس .



    والسلام ختام ..اعتذر على الاطالة والاسلوب السيء والممل في الشرح والتعبير.. وشكراً لكم
  2. نفس الكلام اللي في ملتقى المبتعثين تقريباً .. بس في حاجات ممكن انك تلاقي اجوبة عليها عندهم وما تلاقي لها اجوبة عند وزارة التعليم العالي .. مثلاً اي اسالة تختص بالفيزا والامور دي

    لو ماعندك ارتباطات حضورها افضل .. وممكن تتعرفوا على بعض في الندوة .. اتمنى لك التوفيق
    7 "
  3. المشاركة الأصلية كتبت بواسطة monka
    انا ماقاهرنى الا التامين
    دام مايشمل العيون والاسنان ولا الحالات المزمنه يشمل ايش اجل
    لا والعيسى يقول تامين خمس نجوم
    خمس نجوم طل بوجهك
    عشان ما نظلم الوزارة هذا الكلام كلام القنصلية .. يمكن في اجراءات او تامين اخر من الوزارة للطلاب .. اكيد القنصلية بيتكلموا بصفة عامة .. لو كان في شي خااص بطلاب البعثات ماعندي خبر

    بس لازم الملحقية تفهمنا .. بس اللي مهتم في الموضوع لازم يتأكد قبل لا يطلع .. والف لا بأس لكل مريض
    7 "
  4. جزاك الله خير

    بالنسبة للتأمين الصحي انا قريت عنه في كتاب المبتعثين وبعد في الملحقيه
    وقالو يشمل الامراض المزمنه مثل الضغط والسكر >>>الوالد معه ضغط الله يشفيه يارب
    وهم بعد يشمل الاسنان والعيون بس في حالات حددوها في الكتاب ومايشمل اي شي تجميلي

    وبالتوفيق للجميع
    7 "
  5. طيب ممتاز الحمدلله .. اجل كلام القنصلية خطأ .. الوزارة تامينها افضل يعني يشمل كل شيء .. كلمة شكر وامتنان لحكومتنا الرشيدة ولقائدها الملك عبدالله بن عبدالعزيز .. ادام الله علينا وعلى الامة الاسلامية النعم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.