المشاركة الأصلية كتبت بواسطة تشافي
بدأ يجيني الشعور هذا من لما وصلني القبول من المعهد حتى اجراءات التأشيره متردد في انهائها
كل يووووم اقول اليوم اللي بعده احجز موعد في السفاره
يعني كل ما احس انو موعد دراستي قررررب تجيني ضيقه وخوف
احساس يجيني في لحظات من يومي وبالاخص قبل النوم
افكر كيف راح اقدر اترك اهلي واصبر على فراقهم
وافكر كيف راح تكون حياتي هناك في امريكا هل بارتاح او لا
وماني متخيل نفسي اني راح اعيش حياه جديده وراح اشوف اشكال جديده ولغه جديده وثقافه جديده
من جد الامر صعععب
لكن مجرد ما انام واصحى اليوم الثاني احس اني متشجع للبعثه ومنطلق لها
يعني صرااااااااااااحه ما عرفت لنفسي
واللي زاد الطين بلللله
الوالد والوالده الله يحفظهم لي
يعني الوالد شغال تشجيع فيني اني اروح
والوالده شغاله تحطيم فيني اني اجلس
فاللي مر بالاحساس هذا مثلي ياليت يقول
تصدق لو انا عندك وش كنت راح اسوي لك اقل شي راح اترفس في بطنك >>>>>>>>>> قسم امزح
انا ما ادري كم عمرك هل رايح بكالوريوس والا ماستر والا دكتوراه
بس اقولك شي
اول شي راح تسويه قول الحمد لله رب العالمين ان الفرصه هذا جاتك
انا لي ثلاث سنوات اطامر عشان انقبل بس ما تيسرت الامور
وفي الاخير انقبلت زوجتي وطلعت معها مرافق والحمد لله رب العالمين
الدنيا فرص لا تعوض ابدا تكفى خشمك خشمك >< امطخ لا تضيعها
اول ما بتوصل بلد الابتعاث واعتقد انك مقدم على امريكا
ياشيخ راح تشوف اشياء اول مره تشوفها في حياتك ثلوج وامطار وطبيعه خلابه
وناس متطورين وعالم ثاني وثقافه حلوه
ما اقلل من ثقافتنا الاسلاميه والسعودية والعربية
بس اللي اقوله ان ثقافتهم وتعاملهم مره راقي شعور راح تحسه اول ما توصل هنا
ما اقدر اوصف لك بالعكس كل شي هنا متوفر وسهل لو ما تبي تطلع من البيت يوصل الى عندك اي شي تبيه
وعن طريق النت يعني اطلب طلبك وانت في مكانك ويجون يدقون الباب عليك وقولون سم طال عمرك بس بالانجليزي ههههه
كل شي تبيه يوصل الى عندك اكل كتب ملابس اي شي
وعلى حسب المدينه اللي انت رايح لها ممكن تكون واغلب المدن كذا باصات اركب الباص وله عشرين الف محطه يوقف عندها يدور فيك المدينه كامله ويرجعك
تعال وتوكل على الله لا تضيع الفرصه اعرف ناس يبكون الحين على الفرصه اللي ضاعت عليهم
تجي عزابي احسن تجي مع اهلك احسن واحسن لا تخاف من شي كل شي تتمناه موجود ياعمي حتى الكبسه عندهم لا تخاف ههههههه
لو تبي انزلك موضوع مفصل عن طريقة العيش في امريكا ابشر اعلمك وش تسوي من اول ما تنزل من المطار الى تستقر في شقتك من اجار شقق وشريحة جوال حساب بنك
والله كل الامور بسيطه ان شاء الله
الله يوفقك
الله يوفق الجميع
مجروح ويكابر January 30th, 2012, 02:37 AM
7 "
جالسه اتصفح المنتدى ولا دخلت بيوزري <قلت اذا شفت موضوع يستحق بدخل عشان ارد
بس لما شفت موضوعك قلت يابنت ادخلي واسدحي رد
والله ياخوي اني واغلب اذا مو كل المبتعثين مثلك
الموضوع مو سهل ...كل يوم اتامل اهلي واقول يالله بروح واخليهم..لكن كل ما اذكر المستقبل الي راح توفره لي دراستي باذن الله انبسط وافكر اني راح ارفع راس اهلي
كمل اجراءتك وخلص وضعك ...بكره بتروح امريكا ومن كثر ما راح تنبسط راح تتمنى انك ماترجع
اسال الله ان يهدي بالك وبال كل المبتعثين
بالتوفيق