شعووور غريب !!!! احد حاس بالشعور هذا مثلي ؟؟

تصدق لو انا عندك وش كنت راح اسوي لك اقل شي راح اترفس في بطنك >>>>>>>>>> قسم امزح
انا ما ادري كم عمرك هل رايح بكالوريوس والا ماستر والا دكتوراه
بس اقولك شي
اول شي راح تسويه قول الحمد لله رب العالمين ان الفرصه هذا جاتك
انا لي ثلاث سنوات اطامر عشان انقبل بس ما تيسرت الامور
وفي الاخير انقبلت زوجتي وطلعت معها مرافق والحمد لله رب العالمين
الدنيا فرص لا تعوض ابدا تكفى خشمك خشمك >< امطخ لا تضيعها
اول ما بتوصل بلد الابتعاث واعتقد انك مقدم على امريكا
ياشيخ راح تشوف اشياء اول مره تشوفها في حياتك ثلوج وامطار وطبيعه خلابه
وناس متطورين وعالم ثاني وثقافه حلوه
ما اقلل من ثقافتنا الاسلاميه والسعودية والعربية
بس اللي اقوله ان ثقافتهم وتعاملهم مره راقي شعور راح تحسه اول ما توصل هنا
ما اقدر اوصف لك بالعكس كل شي هنا متوفر وسهل لو ما تبي تطلع من البيت يوصل الى عندك اي شي تبيه
وعن طريق النت يعني اطلب طلبك وانت في مكانك ويجون يدقون الباب عليك وقولون سم طال عمرك بس بالانجليزي ههههه
كل شي تبيه يوصل الى عندك اكل كتب ملابس اي شي
وعلى حسب المدينه اللي انت رايح لها ممكن تكون واغلب المدن كذا باصات اركب الباص وله عشرين الف محطه يوقف عندها يدور فيك المدينه كامله ويرجعك
تعال وتوكل على الله لا تضيع الفرصه اعرف ناس يبكون الحين على الفرصه اللي ضاعت عليهم
تجي عزابي احسن تجي مع اهلك احسن واحسن لا تخاف من شي كل شي تتمناه موجود ياعمي حتى الكبسه عندهم لا تخاف ههههههه
لو تبي انزلك موضوع مفصل عن طريقة العيش في امريكا ابشر اعلمك وش تسوي من اول ما تنزل من المطار الى تستقر في شقتك من اجار شقق وشريحة جوال حساب بنك
والله كل الامور بسيطه ان شاء الله
الله يوفقك
الله يوفق الجميع

ههههههههههههههههههههه
ابشرك min lin اللي كنت معصب عليها
فصلوها من الملحقية وجابوا واحد بدالها
والله من دعواتي عليها

والله يا تشافي اللله يبشرررك بالخير
هي اصلا اتوقع كانت تنتظر من يفصلها واستحقت الفصل (.

لما يجيني هذا الإحساس أفكر.. ليش انا عرضت نفسي للموقف هذا ؟

ليش ابي اترك اهلي واصحابي ووطني ليش ؟؟

هل راح أتركهم عشان سياحة ولا ابي الفكة منهم ولا ليش ؟؟

لما تجيني هالاسئلة اقول انا رايح أدرس..ماني رايح ألعب..

وهالجواب راح يحفزني ويعطيني دافع اني اجتهد في دراستي..

يخليني اجتهد عشان ما اتحسف اني تركت اهلي ووطني وبالأخير اجيب شهادة زي وجهي..



إخواني الكرام تذكروا حديث الرسول - صلى الله عليه وسلم - : (" من سلك طريقا يلتمس فيه علما سهل الله له به طريقا إلى الجنة ")..

فاحتسبوا الأجر عند الله..وقولوا في أنفسكم..يارب يا من تعلم مافي أنفسنا ولا نعلم مافي نفسك..

اللهم إن كنت تعلم أننا ما ذهبنا عن أهلنا ووطننا إلا لأجل طلب العلم..اللهم فيسر لنا أمورنا..وكن لنا ولا تكن علينا..وسخر لنا عبادك..وارزقنا توفيقك وتيسيرك..

أسأل الله العلي العظيم أن يوفقنا وإياكم لكل خير وأن يبعدنا عن كل شر..ويرزقنا العلم والعمل..



وعسى الله ييسر أمورنا أجمعين..



..