خطواتي من الفيزاء الي تذاكر السفر والحمدلله + استفسار بسيط عن المرافق ..

السلام عليكم ورحمة الله وبركاتوووو

صباحكم / مسائكم روز:flower: >>>الي هيا انا :p
كيفكم ؟ان شاءالله تمام ..

ان شاءالله في موضوعي بشرح الخطوات من اصدار الفيزاء الين استلام التذكرة وابغي استفسار بسيط الله يجزاكم الجنة يارب :wink1:..

1- الفيزاء

ارسلت فيزتي عن طريق ارمكس المرا الاولة ارسلتها ورجعتلي علشان الوزارة الموقرة:sleep:
مارسلت الاسماء للسفارة ورجعولي الاوراق ثاني يوم ..رجعت ارسلت اوراقي للسفارة بعدها باسبوع يوم 21-12-2011
والحمدلله وصلت المحروسة:trampoline: بعد انتظار 35 يوم جاتني يوم25-1-2012..
طبعا موضوع اخبار الفيزاء الكندية فيه كل الحالات وكل الردود الي اتازمنا فيهها ههههههه الحمدلله:hang:
طبعا اصعب مرحلة هيا الفيزاء والابلكشن والاوراق حقها ..
مرا اشكر اخويا قوطي فاضي :bwush:ع مساعدتو ليا مسكين نشبتلو كل شويا رايحة في الموضوع ههههههههههههههه:p
والله ماقصر معايا ابدا الله يسعدو ويوفقو ..والله فرحت المحروسة ماتتوصف الحمدلله:clap3: واي استفسار فيها انا موجودة ان شاءالله ماقصر معاكم ..



2- قرار الابثعات


استلمت الفيزاء الاربعاء رفعت اوراقي الخميس مع تعبية الاستمارة وارسلتها وقالت يوم السبت ان شاءالله ادق عليهم استعجلهم ..
يوم السبت حصل كالتالي :
انا : الو السلام عليكم .
الموظفة النائمة:sleeping: : وعليكم السلام
انا : لوسمحتي انا ارسلت ايميل بطلب قرار الابثعات
الموظفة النائمة:sleeping: مين معاية
انا : اسمي بالكامل
الموظفة النائمة:sleeping: تيب دقيقة ..
وراحت وشويا قالت الو وانا قالت الو ..قالت ايوا مريم :wallbash: في وحدة ع الخط قالت انها ارسلت ايميل وانتي مارسلتها ..
الموظفة النائمة:sleeping: انتي متى ارسلتي ايميل .؟
انا : ارسلتها من يوم الخميس علشان لمن يجي السبت يكون عندكم ..
الموظفة النائمة:sleeping:ايش تبغينا نداوم كمان الخميس:gun2: ..خلاص نشوف ونرسلك هو .
انا : تيب شكرا ..وقفلت قبلها ههههههههههه

والله قهرتني اقولها علشان تكون عندكم من الصباح السبت تقولي تبغينا كمان نداوم الخميس استغفرلله ..مماعلينا الحريم اخلاقهم 100% الله يحفظهم :turned:ههههه
بعد ساعتين ارسلو قرار الابثعات والحمدلله :happydance:


3- حجز التذاكر ..


اخدت قرار الابثعات والجوازات الاصل مع المحروسة طبعا هههههههههه وع مكتب الطيار.:bike:.
المهم طلعت الدور الثاني قسسم الابثعات وكدا يعني ..لقيت اثين يضاربو :w00tbrows:ع حجز واصواتهم مرا عالية حتى احاول افهم ايش المشكلة<<ملقوفة :LSHIC:
مو قادرة خخخخخخخخخ المهم جاني الهندي ابو قصة :ymca:هههههههههه استغفرلله بس والله خطير مرا خدمني الله يسعدو رحت قالتو ابغي خطوط الالمانية قالي لافتهانزا وانا اقولو ايووا قالي يوم كم واخد التفاصيل طبعا ويتكم كم كلمة انقلش وانا فهمت عليه ورديت عليه وانا مبسووطة اني فاهمتو :smartass:هههههههههههههه
وقالي تعالي بكرا بدري من 9 الين 2 لاتجي زي اليوم متاخر وانا حاضر كانو يقولي دوبك صحيتي هههههههههههه :guilty:..
ورجعت ثاني يوم ولقيت ناس يضاربو في مشكلة برضو عند نفس الموظف هههههههههه ماني عارفة السبب من مين بزبط :tooth:
المهم الهندي شافني قالي ست مدام(اجلسي مدام ) وانا كشخة
بس انا أنسة مو مدام هههههههههه وقالي كونكرتوليش (مبروك ) از دن (انتهى ) وانا اقولو والله:nono2: هههههههههه يقولي ايوا والله ان شاءالله
..وطبعلي فاتورة صغيرة وفيها معلومات الرحلة وكل شيء وقالتو شكرا انك ساعدتني بالانقلش وتحمست للسفر وقالي استمتعي برحلتك بالانقلش كمان والله حماس الهندي دا هههههههههه:wavetowel2:






ودي كل التفاصيل بالتفصيل الممل << جملة متعوب عليها هههه:teef:

والحمدلله رحلتي بعد اسبوع ان شاءالله ع الخطوط الالمانية
استفساري عن المرافق ..

بابتي يشتغل شغلو الخاص فيه يعني لا حكومي ولا موظف خاص ..من متطلبات الملحقية ورقة اثبات تفرغ المحرم ...كيف اجيبها بالنسبة لوضعي انا ..؟ وايش صيغتها ..؟

الله يسعدكم يارب ..واسفة ع القرقرة الكثيرةههههههههه

>>> دحين فراولة تجي تقول في كل مكان تهرجي انتي هههههههههههههه :whistling:مبروك فراولة ع الفيزاء اقصد المحروسة تتهني ياعسسل ..

الله معاكم:bye1: دعواتكم

موفقه يارب وعقبال ماتجيبي الشهادة

اقتباس:

---

المشاركة الأصلية كتبت بواسطة مشاعر حالمه

موفقه يارب وعقبال ماتجيبي الشهادة

---

امين ياارب :o

وعقبالك انتي كمان ويسهلك كل امورك ..

الله يوفقك وعقبال ماتجيبي الشهاده ويتتمم فرحتك على خيرررر

مبروك التداكر آختي ,,

عندي استفسار كان قبولك لمدة كم ...؟

انا جاني شهرين وخفت ماايعطوني فيزا سنه ....!


بــ التوفيق .

اقتباس:

---

المشاركة الأصلية كتبت بواسطة انين الشوق

الله يوفقك وعقبال ماتجيبي الشهاده ويتتمم فرحتك على خيرررر

---

امييييييييييييين يارب ..الله يسمع منك يارب

عقبالك يارب ..:)

اقتباس:

---

المشاركة الأصلية كتبت بواسطة ^.^

مبروك التداكر آختي ,,

عندي استفسار كان قبولك لمدة كم ...؟

انا جاني شهرين وخفت ماايعطوني فيزا سنه ....!


بــ التوفيق .

---

قبولي لمدة سنة ..الي قبولو اقل من سنة يعطوة فيزاء سياحة مو دراسة علشان كدا جيبي قبول لمدة سنة ..

الله يووفقك يارب ..يا ^.^ هههههههههههههه:D

الف الف مبروك وعقبال مانشوفك تراسلينا من كندا تفكين العقدة شوي :)

خخخخ بس ليش اخترتي الالمانية

والتذاكر خذتيها قصدك من الوزارة بس وناسة بوقصةالهندي ههه دايم المضاربات الرجالية الوزارة خلت فينا عقل وكل ساعة ابوي وش سوت الوزراة وش تسوي الوزارة قتله عطونا الضمان ههههههههههه

يعني طبعاانا متاخرة جدا وتوه اليوم جاني القبول وعاااادي الحمد لله والله يعيييين :)

على البركه

والله يوفقك

مبرووك، عقبالنا

بالنسبة للمرافق ،، حسب المكتوب في كرت العايله بتاعه،،، اذا متسبب او متقاعد حسب المهنة يعتمدوا تفرغه من عدمه اعتقد