رد: يوم الأربعاء 9 / 3 كان موعدي في القنصلية .. وهنا ما حدث ...
توفي لك ..
طارق ..
سلمتم ووفقنا الله وإياكم لما يحب ويرضى ..
منصور .. رسوم الفيديكس 65 ريال داخل جدة 125 ريال لخارجها ..
المجازف ..
صدقت .. وأذكر إني قريت قبل مدة عن فرنسا إن عندهم زي مشروع أو جمعية يعملون على التوعية وبعث الاعتزاز بالثقافة الفرنسية ومناهضة انتشار الثقافة الأمريكية ..
شكرا لكم .. ووفقنا الله وإياكم لكل خير ...
رد: يوم الأربعاء 9 / 3 كان موعدي في القنصلية .. وهنا ما حدث ...
على البركه اخوي
وعقبال ما تستلمها السبت ان شاء الله
اسال الله ان يهدي الجميع
شاكره لك مشاركتك لنا تجربتك
موفق
رد: يوم الأربعاء 9 / 3 كان موعدي في القنصلية .. وهنا ما حدث ...
تسلم على موضوعك بصراحة فادني كثير لاني انا وزوجتي موعدنا في السفارة بالرياض يوم الاثنين الجاي وكنت شايل هم بس بعد موضوعك هذا ريحتنا شوي الله يجزاك خير وبالنسبة للي شفته بالقنصلية لا تدقق لانك راح تشوف العجب اذا سافرت هناك من بعض المبتعثين الله يهديهم والحمدلله انهم (البعض فقط) وبالتوفيق للجميع
رد: يوم الأربعاء 9 / 3 كان موعدي في القنصلية .. وهنا ما حدث ...
والله افرح اذا اشوف ناس كذا تفكيرها الله يسعدك يارب ويكثر من امثالك بالتوفيييق
رد: يوم الأربعاء 9 / 3 كان موعدي في القنصلية .. وهنا ما حدث ...
قوس رحمة ..
الله يبارك فيك .. وإن شاء الله نستلمها السبت وييسرها ربك ..
آمين ..
وفقنا الله وإياكم ..
راكان الصالحي ..
الأمور بإذن الله سهلة .. الله يوفقكم إن شاء الله ..
الله يهدي الجميع ..
Rosetta .. يعلم الله قد ايش فرحتي بردودكم الجميله .. وكثر الله من أمثالك ..
الله يوفقك .. وييسر أمرك ...
رد: يوم الأربعاء 9 / 3 كان موعدي في القنصلية .. وهنا ما حدث ...
وفقك الله لما يحبه ويرضاه
زادك الله ونفع بك الإسلام والمسلمين
رد: يوم الأربعاء 9 / 3 كان موعدي في القنصلية .. وهنا ما حدث ...
كرهت المقابله .. الواحد يعتز بتقاليده و اصالته والله انك كفو يابن عدنان وانت اللي ترفع الراس وافتخر فيك والله يوفقك في بعثتك واذا على الجحلط اللي شفتهم ترا بتشوف كثير لاكن اخصرك منهم ياذيب
رد: يوم الأربعاء 9 / 3 كان موعدي في القنصلية .. وهنا ما حدث ...
وعندي سؤال يابن عدنان الله يسعدك ,, الفيزا ماتطول اكثر من اسبوع ؟؟ لاني الين الحين ماحجزت وشايل هم وااالله يستر
رد: يوم الأربعاء 9 / 3 كان موعدي في القنصلية .. وهنا ما حدث ...
الحمدلله عندنا بالرياض جيت وانا كاشخ سعودي على سنقة عشرة خخخخخخ
وتطمنت اكثر لما شفت الغالبيه مثلي لابسين الزي السعودي وحسيت انو لنا هيبه وكنّا متميزين وقتها،،، صحيح كثير مبتعثين لابسين نص كم وبعضهم اعرفهم وتقابلنا هناك وخذلك ذكريات بالصاله
لكن ارتحت كثير من المرافقين مع محارمهم كان كلهم لابسين الزي السعودي ،،، وكانوا يلقّون لقّ
يوم الاثنين 23 يناير
رد: يوم الأربعاء 9 / 3 كان موعدي في القنصلية .. وهنا ما حدث ...
انا رحت القنصليه وشفت العجب العجاب من البنات والله اشياء تبهر ماتشوف الا شفايف منفوخه وخدود متورمه وشعر نصه طالع وعبايه مفتوحه اصلا مدري ليه لابسه عبايه
وربي اشياء يخجل الانسان يتحدث عنها انا مااتوقع رايحين دراسه استغفر الله يارب